Awos. 25:10 - Ebaibul

¹⁰ “Emaikina Ŋisirael kitiyaut Asaduku anakito a ŋuna ke eewoi, kitiyaut aoyau ka Asaduku alosepyon erae ŋasentimitae amiat ka ŋatomon, torae aoyau alokiŋaren ka neni iteotor ŋasentimitae ŋatomonikanikapei ka ŋikanikapei, ido aoyau alokwap tari kidiama emaikina erae ŋasentimitae ŋatomonikanikapei ka ŋikanikapei.

Awos. 25:10 Iomraidhean Croise

2 Ŋakiro a ŋirwa 8:11

Abu Solomon ya nakoku a Parao alotaun a Daudi, kisiboik kai ŋina abu iŋes toduk aŋuna a nakoku a Parao, anerae abu Solomon tema, “Nyemaikina aberu kaŋ iboi alokai a Daudi a erwosit a Ŋisirael, anerae esegak ŋakiboisyo ŋuna ewuakin Asaduku ŋina ka Acamunet ke Ekapolon.”

Awos. 31:7

Eema ŋolokilipet, Asaduku ŋina ka Acamunet, akibois ŋina ka akisyonio ka ŋiboro ŋuluce daadaŋ ŋulu emaikina eya tooma Eema;

Awos. 35:12

Asaduku ŋina ka Acamunet, ŋipirin keŋ ka akibois ŋina ka akisyonio ta anaŋga ŋina etyakitere Eema ŋolo iryamununoi alokidiŋ;

Awos. 39:32

Aŋun, aponi kirikakinae etic daadaŋ ŋolo ke Eema ŋolo iryamununoi aŋuna ke Ekapolon. Apotu Ŋisirael kitiyata etic daadaŋ lopite ŋolo ecikitor Ekapolon Moses.

Ekim. 3:31

Ainakinitae Ŋikoasi ŋiticisyo lu: Ŋolo ka Asaduku a ŋina ka Acamunet, ŋolo a emesa a ŋolo a awoet a ŋina ke etaa, ŋolo a ŋamuroeta ka ŋolo a ŋikopoi ka ŋabakulei ŋuna isitiyaete ŋisacaradotin anakibois a ŋina asegan ta ŋolo ka anaŋga. Ainakinitae ikes ŋiticisyo daadaŋ ŋulu eitana aŋuna a ŋiboro a ŋul.

Ekim. 4:5

“Apaki ŋina ewotokinia alomar, elomarete Aron ka ŋidwe keŋ ŋulusapa loeema tolacut anaŋga ŋina etyakit neni eyai Asaduku ŋina ka Acamunet ka akibois ŋinakilipet, emaikina ikes tolacut anaŋga ŋin kimukoryata Asaduku ŋina ka Acamunet,

Ekim. 4:6

torapakis ejamu ŋolo edaitae kidiama, topetakis nabo kidiama ejamu ŋol elou ŋolopus, ani irikakin kiwuakis ŋipirin neni emaikina eya.

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.

Akis. 11:19

Aponi toŋaarae Akai ka Akuj anakuj, totakanu Asaduku ŋina ka Acamunet. Toyakaun akimilyaa, ŋitoilon, agiro ŋina ereta, amaran ŋina ka akwap ka ŋakako ŋuna apolok.