Awos. 24:7 - Ebaibul

⁷ Tolemu nai Ekitaabo ŋolo ka Acamunet tosyomak ŋituŋa. Toboŋokis ŋituŋa temasi, “Ikitiyae isua ŋakiro daadaŋ ŋuna adau Ekapolon alimun; ikiwuapi isua ŋakiro ŋuna ke Ekapolon.”

Awos. 24:7 Iomraidhean Croise

1 Ŋirw. 8:9

Mam ibore ice ayai tooma Asaduku, ŋamoru ŋunaarei bon ŋunadapal ŋuna egiritae ŋakiciketa ŋuna kiwuakini Moses nen alomoru a ŋolo enyaritae Oreb (iŋes Sinai), neni kebunio Ekapolon tocamunotor ka Ŋisirael kedaut alomun anakwap a Ijipit.

2 Ŋakiro a ŋirwa 15:14

Kikoŋo ikes neni ke Ekapolon ecelasi ikeunito ŋitoilon, tokusete ŋarupepe ka ŋabureryaŋae a ŋimesekin.

Ŋikiru. 50:5

Irworo iŋes ebala, “Tocunutu neni kaŋ ŋituŋa kaŋ ŋulu seuna, ŋulu apotu ocamunos ka ayoŋ anamuronot a ŋina aponi kitiyae.”

Ŋikiru. 78:36

Nai erworosi ikes alyokonu neni ka Akuj, amam ŋakiro ŋuna ka akiyookino anakiro kec;

Awos. 19:8

Toboŋokis ŋituŋa daadaŋ ŋakiro kaapei temasi, “Ikitiyae isua ŋakiro daadaŋ ŋuna adau Ekapolon alimun.” Aŋun, abu Moses tolot alimokin Ekapolon ŋakiro ŋuna apotu ŋituŋa toboŋokis.

Yer. 34:13

“Alimu ayoŋ Ekapolon Akuj a Ŋisirael atemar, abu ayoŋ elope ocamunos ka atapapaa kus apaki ŋina ayaunia ayoŋ ikes anakwap a Ijipit, anakwap a ŋina ka apitoonut, abu ayoŋ otema,

Yer. 42:6

Kejokak kori keroko, ikitiyae isua ŋuna elimuni Ekapolon Akuj kosi ŋina ikiyakiyaritae isua iyoŋ neni keŋ, ikotere emamukaun ŋuna aronok aneni kosi ŋina ikiwuapya isua ŋuna elimuni Ekapolon Akuj kosi.”

Esek. 16:8

“‘Abu nabo ayoŋ etoru diyete kon ekaku, ekeŋolik iyoŋ kiruwor ŋina kitemokin akitiŋ ŋikilyok. Abu ayoŋ eketanapik iyoŋ elou kaŋ tojoŋo akiler. Abu ayoŋ eik aminakin iyoŋ ka abu ayoŋ ocamunos ka iyoŋ toruwor iyoŋ ŋina kaŋ.

Mal. 2:10

“Meere mono iwon daadaŋ papa yok epei a? Meere mono Akuj apei ikisubi iwon a? Kaanukiro nai emamukar iwon anupit neni a ŋinice? Kaanukiro ejamuwarere iwon Acamunet ŋina a atapapaa yok?

Ŋitic. 13:15

Ani kesyomi ekitaabo ŋolo a Ŋikisila a Moses ka ŋakigireta ŋuna a ŋikadwarak, kiyakikis ŋikapolokinitok esinagoga ikes akirot ebasi, “Ŋikaitotoi, ani keyai iyes akirot ŋina isimukekini ŋituŋa, tolimutu.”

Ŋikol. 4:16

Ani kirikakis iyes akisyom abaruwa na, itemokino kiyakiyasi tosyomae anatukot a Ŋikristo a ŋina eyai Laodikeya. Nabo, itemokino iyes daŋ tosyoma abaruwa ŋina ikiyakikinete iyes ŋikanupak ŋulu eya Laodikeya.

1 Ŋites. 5:27

Ekeŋitakinit ayoŋ iyes alokiro ke Ekapolon asyomakin abaruwa na neni a ŋikaitotoi daadaŋ.

Yos. 24:24

Apotu ŋituŋa tolimokis Yosua temasi, “Ekapolon bon ŋolo erae Akuj kosi, iŋes ecamitae isua akitiyanakin ka akiwuap ŋakiro keŋ.”