Awos. 24:6 - Ebaibul

⁶ Tolemu Moses ŋaokot a ŋibaren a ŋul, totyak eriyan, kiwuak atutubet apei nabakulei, tosodi atutubet ŋinace towuasya Namuroet.

Awos. 24:6 Iomraidhean Croise

2 Ŋirw. 17:15

Apotu tojamuwasi ŋikisila a Ekapolon ka acamunet ŋina acamunotor iŋes ka atapapaa kec ta ŋakiyayanakineta ŋuna aris kisiirar ikes. Kiwuapa ikes ŋakujo ŋuna koŋinae toruworos ikes ŋikoŋinae. Kiwuapa ikes ŋipitesyo a ŋituŋa a ŋulu ebakito ka ikes, a ŋulu aris Ekapolon Akuj kicik ikes nyiwuap ŋipitesyo kec.

Ŋikiru. 99:6

Arae Moses ka Aron ŋice a ŋisacaradotin keŋ, arae Samuel daŋ epei a ŋulu elipete neni keŋ aŋuna a ŋituŋa; apotu ikes kilipa neni ke Ekapolon aŋuna a ŋituŋa, ido abu Ekapolon toboŋok ikes.

Awos. 12:22

Tolemut ateni a ekitoe a ŋolo enyaritae Isop, kilumokis naokot ŋuna eya nabesen, ido kiosakis ŋaokot ŋun nakito ŋuna a ŋipukei. Mam iyes Ŋisirael ŋini emaikina tolomu alokai nakwaare tari ŋina iwalarya akwap;

Awos. 12:7

Emaikina nai ikes toorut ŋaokot ŋadi alobaren a ŋul, kiosakis nakito ŋuna anawae ka ŋuna alokidiama ŋipukei a ŋakais a ŋuna enyamyata ikes ŋimeesekin ŋul.

Awos. 24:8

Tolemu nai Moses ŋaokot ŋuna aya nabakulei towuasya ŋituŋa tema, “Erae ŋaokot nu ŋuna ka Acamunet a ŋina abunio Ekapolon tocamunotor ka iyes anakiro a nu a daadaŋ.”

Awos. 29:16

Ani edaun ŋun, itemokino nai iyoŋ toar emesek, tolemu ŋaokot keŋ towuatak Namuroet ŋiwaetin daadaŋ.

Awos. 29:20

Ani irikakinete, toar emesek, ido tolemu ŋaokot ŋadi alomesek, kiosak lokabonibonit ka akit ka Aron a ŋina aloteten ta lokabonibon a ŋaki a ŋidwe keŋ a ŋulusapa ŋuna aloteten. Kiosak daŋ lomoyo a ŋakan kec ŋulu apolok ŋulu aloteten ka lomoyo a ŋakejen kec ŋulu apolok ŋulu aloteten. Ani irikakini akitiya ŋun, towuatak nai ŋaokot Namuroet ŋiwaetin daadaŋ.

Yer. 31:32

Nyikwaanikin acamunet ŋin ka ŋina ikicamunor ayoŋ ka atapapaa kec apaki ŋina arikunio ayoŋ ikes a akan kaŋ anakwap a Ijipit, acamunet ŋina apotu ikes toŋero tari ŋina araakar ayoŋ Ekapolon kec.

Ŋilep. 1:11

Emaikina ibarasit ŋin toarae alo Kuju namuroet alokiŋaren Ekapolon, tosodo nai ŋidwe ka Aron ŋulusapa ŋulu erae ŋisacaradotin, tolemut ŋaokot, kipakakis lowaetin daadaŋ anamuroet.

Ŋilep. 1:5

Emaikina ituŋanan ŋin toar ibarasit ŋin a nen, tosodo nai ŋidwe ka Aron ŋulusapa ŋulu erae ŋisacaradotin tolemut ŋaokot, yaasi kipakakis lowaetin daadaŋ anamuroet a ŋina eyai lopuke ŋolo elomarere loeema ŋolo ilipere.

Ŋilep. 3:2

Emaikina ŋini eyaunit ainakinet ŋin kidokok ŋakan keŋ nakou ka ainakinet a ŋin, ido nai toar alopuke ke eema a ŋolo ilipere; kipakakis nai ŋidwe ka Aron ŋulusapa ŋulu erae ŋisacaradotin ŋaokot lowaetin anamuroet daadaŋ.

Ŋilep. 3:8

Emaikina ituŋanan ŋin kidokok akan keŋ nakou ka ainakinet keŋ a ŋin, ido toar alopuke ke eema a ŋolo ilipere. Kipakakis nai ŋidwe ka Aron ŋulusapa ŋaokot lowaetin anamuroet daadaŋ.

Ŋilep. 4:6

kilumok ekimoin keŋ naokot, ido kipakak ŋakipakakinet ŋakanikaarei alokiŋaren Ekapolon kiŋaren anaŋga ŋina ka akibois a ŋina asegan.

1 Ŋikor. 11:25

Ikoŋinapei, kirikakis akimuj, tolemu ekopo tema, “Erae logo ekopo ŋolo a ŋaokot kaŋ a ŋuna ka Acamunet a ŋina kitete. Apaki daadaŋ ŋina imasyata iyes alokopo a lo, tomata ikiitunitotor ayoŋ.”

Ŋikol. 1:20

Abu daŋ iŋes alotooma Lokoku tolakari tocamu akisil ka ŋituŋa daadaŋ anakwapin. Abu Akuj kitiyau ekisil alotooma atwanare a Lokoku keŋ alomusalaba, ido abu kinyaku neni keŋ ŋiboro daadaŋ ŋulu alokwap ka ŋulu alokidiama.

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

Ŋibur. 8:9

Nyikokini Acamunet ŋin ŋina ikicamunor ayoŋ ka atapapaa kec akoloŋit ŋina arikitor ayoŋ ikes a ŋakan, oyau alo Ijipit. Pa apotu ikes torubakis iwuapito ŋakiro ŋuna ka Acamunet a ŋina abu ayoŋ ocamunotor ka ikes; aŋun, abu ayoŋ nyamitak ikes.

Ŋibur. 9:18

Ikoŋinapei aponi nyecamakin Acamunet ŋina ke ekiŋaren eriŋa ŋaokot nyebukoro.

Ŋibur. 9:19

Aŋun, abu Moses tolimok ŋituŋa ŋakiro daadaŋ ŋuna aponi kicikakinae iŋes lopite ŋolo egiritere Lokisila. Tolemu nai ŋaokot a ŋitak a ŋulu moŋin ka ŋuna a ŋamee kimorik ka ŋakipi. Ani irikakin, tolemu ateni ŋina aya ŋakwii alokitoe a ŋolo anyaritae Isop ka ŋajul ŋuna areŋak ŋuna a ŋamesekin, ido towuasya ekitaabo ŋolo a Ŋikisila ka ŋituŋa daadaŋ.

Ŋibur. 9:21

Ikwaŋinapei, abu Moses towuatak ŋaokot ŋun loeema ŋolo arae Akibois ŋina Asegan ka loboro daadaŋ ŋulu esitiyao ilipyo.

1 Pet. 1:19

arae ŋaokot a Kristo ŋuna epol egyelit, ŋuna ekwaan ka ŋuna a imesek a ŋini emam nyeŋwalit kori nyitoronitae.

1 Pet. 1:2

Ikiseu iyes Akuj Papa anayenut keŋ a daadaŋ ka ikituruwo ŋituŋa ŋulu ikiteseg Etau keŋ, akiwuap Yesu Kristo ka ikitesegun a ŋaokot keŋ. Tolalaar aneni kus ajokis ka ekisil!