Awos. 24:3 - Ebaibul

³ Totiyaun nai Moses alomoru, tolot tolimok ŋituŋa ŋakiro ke Ekapolon daadaŋ ka ŋikisila ke Ekapolon daadaŋ; toboŋokis ŋituŋa daadaŋ kaapei temasi, “Ikitiyae isua ŋakiro daadaŋ ŋuna adau Ekapolon alimun.”

Awos. 24:3 Iomraidhean Croise

2 Ŋakiro a ŋirwa 15:14

Kikoŋo ikes neni ke Ekapolon ecelasi ikeunito ŋitoilon, tokusete ŋarupepe ka ŋabureryaŋae a ŋimesekin.

2 Ŋakiro a ŋirwa 15:15

Tolelyana ŋituŋa a Yudaya daadaŋ aŋuna ka akikoŋ a ŋin, anerae apotu ikes kikoŋo a ŋitai kec a daadaŋ ka apotu kiwara Ekapolon alotooma acamit kec daadaŋ, ido apotu toryamut Ekapolon, inak Ekapolon ikes ekisil alowaetin a akwap kec a daadaŋ.

Ŋikiru. 50:5

Irworo iŋes ebala, “Tocunutu neni kaŋ ŋituŋa kaŋ ŋulu seuna, ŋulu apotu ocamunos ka ayoŋ anamuronot a ŋina aponi kitiyae.”

Awos. 19:8

Toboŋokis ŋituŋa daadaŋ ŋakiro kaapei temasi, “Ikitiyae isua ŋakiro daadaŋ ŋuna adau Ekapolon alimun.” Aŋun, abu Moses tolot alimokin Ekapolon ŋakiro ŋuna apotu ŋituŋa toboŋokis.

Awos. 24:2

nai Moses bon emaikina toapu neni ke Ekapolon; nyemaikina ŋuluce toapuut nen. Nyemaikina ŋituŋa kitipeut ka Moses ne.”

Awos. 24:7

Tolemu nai Ekitaabo ŋolo ka Acamunet tosyomak ŋituŋa. Toboŋokis ŋituŋa temasi, “Ikitiyae isua ŋakiro daadaŋ ŋuna adau Ekapolon alimun; ikiwuapi isua ŋakiro ŋuna ke Ekapolon.”

Yer. 11:4

a ŋina abu ayoŋ olimok atapapaa kus apaki ŋina ayaunia ayoŋ ikes anakwap a Ijipit, anakwap a ŋina aryamunitotor ikes ŋican. Abu ayoŋ olimok ikes atemar kiirasi ŋakiro kaŋ ka kitiyata daadaŋ ŋuna akalimokini ayoŋ iyes. Aŋuna nai aruworotor ikes ŋituŋa kaŋ ka aruwor ayoŋ Akuj kec,

Yer. 34:13

“Alimu ayoŋ Ekapolon Akuj a Ŋisirael atemar, abu ayoŋ elope ocamunos ka atapapaa kus apaki ŋina ayaunia ayoŋ ikes anakwap a Ijipit, anakwap a ŋina ka apitoonut, abu ayoŋ otema,

Agai 2:5

ikwapei abunio ayoŋ ekeikinia iyes apaki ŋina iponiata iyes alo Ijipit. Erubakinit Etau kaŋ eyai neni kus. Nyikuryaketa!’

Mal. 2:10

“Meere mono iwon daadaŋ papa yok epei a? Meere mono Akuj apei ikisubi iwon a? Kaanukiro nai emamukar iwon anupit neni a ŋinice? Kaanukiro ejamuwarere iwon Acamunet ŋina a atapapaa yok?

Ŋikis. 11:1

Aŋun, emaikina iyes tominas Ekapolon Akuj kus, kitiyata jwi jwi ŋuna elimunit iŋes, ŋuna etubunit iŋes, ŋikisila keŋ ka ŋakiciketa keŋ.

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 4:45

Erae nu ŋakiro ŋuna elimunitoe ka ŋuna etubunitoe ta ŋikisila, ŋakiro ŋuna abu Moses tolimok Ŋisirael apaki ŋina aponiata alo Ijipit,

Ŋikis. 4:5

Kiirasi, lopite ŋolo ekecikia ayoŋ Ekapolon Akuj kaŋ, eketatami ayoŋ iyes tokona ŋikisila ka ŋakiro ŋuna etubunitoe, ikotere iyes iwuapete ŋun anakwap a ŋina eapi iyes alomar ka akiboikin.

Ŋikis. 5:1

Tonyarau Moses Ŋisirael daadaŋ, tosodi tolimok ikes tema, “Okoe Ŋisirael kiirasi ŋakiro ŋuna etubunitoe ka ŋikisila ŋulu akalimokini ayoŋ iyes nakoloŋit na, emaikina iyes toyenut ka kiwuapa ejok inakina.

Ŋikis. 5:31

Nai iyoŋ, towo a ne alodiyete kaŋ, tosodi akalimokini ayoŋ iyoŋ ŋakiciketa daadaŋ, ŋakiro ŋuna etubunitoe ka ŋikisila ŋulu emaikina iyoŋ kitatam ikes, ikotere iwuapete ikes anakwap a ŋina ainakini ayoŋ ikes toruwor ŋina kec.”

Ŋikis. 6:1

Erae tokona nu ŋakiciketa, ŋakiro ŋuna etubunitoe ka ŋikisila, ŋakiro ŋuna akalimoki ayoŋ Ekapolon akitatam iyes kiwuapa anakwap a ŋina eapi iyes alomar kituruwosi ŋina kus,

Yos. 24:21

Nai apotu ŋituŋa temasi neni a Yosua, “Mam! Ikitiyanakini isua Ekapolon.”

Yos. 24:22

Tolimok nai Yosua ikes tema, “Iyes pei icamut aruwor ŋisuudae kus a ŋilopeyek aŋuna iseuniata akitiyanakin Ekapolon.” Temasi ŋituŋa, “Ee, ikirae isua ŋisuudae.”

Yos. 24:24

Apotu ŋituŋa tolimokis Yosua temasi, “Ekapolon bon ŋolo erae Akuj kosi, iŋes ecamitae isua akitiyanakin ka akiwuap ŋakiro keŋ.”