Awos. 24:12 - Ebaibul

¹² Tema Ekapolon neni a Moses, “Bua neni kaŋ ne kidiama emoru, kidareu a ne; okoinak iyoŋ ŋamoru ŋuna edapal ŋuna eyakasi ŋikisila ka Ŋakiciketa. Egirit ayoŋ ŋikisila ka Ŋakiciketa nen aŋuna ka akitatamya ŋituŋa.”

Awos. 24:12 Iomraidhean Croise

1 Ŋirw. 19:11

Tema nai Ekapolon neni ke Eliya, “Toloma kiŋa, towo alomoru alokiŋaren Ekapolon anerae eapi Ekapolon atubor a nen.” Apaki ŋin tokut ekuwuam ŋolo apolon, agogoŋ ekuse keŋ, acilicili ŋimukura ka atubutubui ŋamoru ekusi alokiŋaren Ekapolon, nai amam Ekapolon alokuwuam. Ekaku ke ekuwuam, toyakaun amaran ka akwap, nai amam Ekapolon anamaran ka akwap.

Esir 7:10

Arae Esira ituŋanan ŋini kebu kiwuak etau akiswon ŋikisila ŋulu ke Ekapolon ka akiwuap ikes ta ŋakiro ŋuna etubunitoe ka ŋikisila alo Isirael.

Neem. 9:13

Ibu daŋ iyoŋ totiyaun kidiama emoru Sinai, kirwor neni kec alokidiama, ido iinaki ikes ŋakiro ŋuna iyookino, ŋikisila ŋulu a kire, ŋakiro ŋuna itubunit iyoŋ ŋuna ajokak ka ŋakiciketa,

Neem. 9:14

ibu kiteyenik ikes Sabato kon ŋina asegan, ido iinak ikes ŋakiciketa, ŋakiro ŋuna etubunitoe ka ŋikisila aneni a eketiyan kon Moses.

Ŋikiru. 19:12

Nai ŋae epedori aanyun ŋuna edyakarit iŋes? Kisyoni ayoŋ anadyakanareta kaŋ a ŋuna nyayeni.

Awos. 19:3

Tolot nai Moses kidiama emoru ŋol neni ka Akuj; tonyara Ekapolon iŋes alomoru tema, “Ŋakiro nu ikes emaikina iyoŋ tolimok Ŋisirael ŋiletok a Yakob:

Awos. 24:15

Torotok nai Moses a nen todoka lomoru, toburusiya edou emoru.

Awos. 24:18

Toloma nai Moses tooma lodou apaki ŋina adokarya kidiama emoru. Kiboi Moses alomoru ŋapaarasya ŋatomoniomwon ka ŋakuwarisya ŋatomoniomwon.

Awos. 24:2

nai Moses bon emaikina toapu neni ke Ekapolon; nyemaikina ŋuluce toapuut nen. Nyemaikina ŋituŋa kitipeut ka Moses ne.”

Awos. 31:18

Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.

Awos. 32:1

Ani eyenunete ŋituŋa atemar adidi Moses aboŋun alokidiama emoru, apotu tocunakinos kirimokis Aron kidiŋ temasi neni keŋ, “Bua, kitiyakinae isua ŋakujo ŋuna ikirikete isua, anerae nyikiyeni isua ŋakiro ŋuna kitiyakin neni a Moses a ŋolo abu ikitipeunio isua anakwap a Ijipit.”

Awos. 34:1

Tema Ekapolon neni a Moses, “Kicieu ŋamoru ŋunadapal ŋaarei, ŋuna ikote ŋunakuar a ekiŋaren, ido egiri ayoŋ nen ŋakiro ŋunakuar egirir namoru ŋunadapal ŋuna a ekiŋaren, ŋuna ibu iyoŋ tobwaŋ.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Mat. 5:19

Ituŋanan ŋini ebili akiciket tari ŋina edit a Lokisila ka kitatam ŋuluce akitiya ŋunapei, itiditeunio iŋes akilo daadaŋ a Napukan a ŋina anakuj. Nai ŋini iwuapi ikes ka kitatam ŋuluce daŋ, itopolooryo iŋes a Napukan a ŋina anakuj.

2 Ŋikor. 3:3

Iyookino kire atemar iraakasi iyes abaruwa ŋina a Kristo, ŋina erae isua ikigirit. Nyigiritae iŋes ka akalam, nai igiritae a Etau a ŋolo ka Akuj a ŋina eyari ka nyigiritae namoru, nai lotai a ŋituŋa.

2 Ŋikor. 3:7

Edeŋokinitoe Ŋikisila namoru, ido abu akica ŋina ka Akuj totakanu apaki ŋina epotunere ikes ka akwaŋ nooi akica aloreet a Moses, kilore Ŋisirael nyepedosi akitere iŋes. Ikwapei keponiata Ŋikisila ŋulu eyaunete atwanare torukut ka akica ŋina etya ŋin,

Ŋikis. 4:14

Apaki ŋin, abu Ekapolon ekecik ayoŋ akitatam iyes ŋikisila ka ŋakiro ŋuna etubunitoe, ikotere iwuapete iyes ikes anakwap a ŋina eapi iyes alomar ka akiboiyo.

Ŋikis. 5:22

Abu Ekapolon tolimu ŋakiro ŋun ke etoil a ŋolo apolon neni ka atukot kus a daadaŋ alomoru; abunit etoil ŋol anarira, alodou ka anakiryonut a ŋinakiryonon cuc, ido abu nyiatak ŋakiro ŋace. Abu iŋes kigir ŋakiro ŋun namoru ŋunadapal ŋaarei, ido okoinak ayoŋ.

Ŋikis. 5:31

Nai iyoŋ, towo a ne alodiyete kaŋ, tosodi akalimokini ayoŋ iyoŋ ŋakiciketa daadaŋ, ŋakiro ŋuna etubunitoe ka ŋikisila ŋulu emaikina iyoŋ kitatam ikes, ikotere iwuapete ikes anakwap a ŋina ainakini ayoŋ ikes toruwor ŋina kec.”

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.