Awos. 24:10 - Ebaibul

¹⁰ Kiŋolikis a nen Akuj a Ŋisirael. Kwap ŋakejen keŋ, ayai ibore ŋini enaminamakina neni pus ŋini ekwaan ka amoru ŋina enyaritae Sapire. Eleere nen epusiyana ikoni kidiama eliilii.

Awos. 24:10 Iomraidhean Croise

Akisy. 32:30

Tolimok Yakob ekiro a akibois a ŋin Peniel, ebala, “Erae nu aŋuna ikiŋolikinor ayoŋ ka Akuj ŋireetin, ido nyeara Akuj ayoŋ.”

Akisy. 32:31

Aris akoloŋ kelomu apaki ŋina atubio Yakob alo Peniel icodo, anerae awanan ekalokot keŋ.

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

2 Ŋakiro a ŋirwa 6:17

Aŋun nai, okoe Ekapolon, Akuj a Ŋisirael, kimyek akirot kon kiyookin, akirot ŋina ibu iyoŋ kiik eketiyan kon papa kaŋ Daudi.

Awos. 24:11

Nai abu Akuj nyisican ŋikarikok a Ŋisirael ŋul; apotu ikes kiŋolikis Akuj, apotu daŋ kimuja ka tomata.

Awos. 3:6

Tema nabo Akuj, “Arae ayoŋ Akuj a papaa kon, Akuj ka Aburaam, Akuj a Isaka ka Akuj a Yakob.” Kiwua Moses ereet keŋ, anerae abu iŋes tokuryaniar akitere Akuj.

Awos. 33:20

Nai tema Ekapolon neni a Moses, “Nyeketaanyuwari ayoŋ iyoŋ ereet kaŋ, anerae mam ituŋanan ŋini ani keanyuuwa ereet kaŋ, torubak eyari.”

Awos. 33:23

olema nai ayoŋ akan kaŋ, kiŋolik iyoŋ akau kaŋ; nai ereet kaŋ, nyiŋolikini iyoŋ.”

Eete a Ŋie. 5:14

Ediryaka ŋakan keŋ ka enapit iŋes ŋikabobooe ŋulu eya ŋamoru ŋuna amilimilak, esulut akuwan keŋ ikwaan ka ekelae a etom, esirit iŋes akuwan keŋ a ŋinapen a ŋulu amilimilak.

Eete a Ŋie. 6:10

“Ŋae ŋin ŋina ebunit ikwa akiwalaret, ŋina ecai ereet ikwa elap, ŋina ikinwaki ereet ikwa akoloŋ, ŋina ailiilon a ereet ikwa ŋasigarya ŋuna etenito alosit lojie?”

Aum. 4:7

Ajokak nooi ŋikarikok kosi, arae ikes ŋulu amalimalak a ŋawat ka ajokak ŋawat.

Esek. 1:1

Alokaru a ŋolo a ŋatomoniuni, elap ŋolo a ŋiomwon, ŋirwa ke elap ŋikan, eriŋa ayoŋ ikiya ka ŋirikon ŋuluce diyete aŋolol Kebar neni aponi itorikor, abu kidiama toŋaar, eŋolik ayoŋ ŋatakanikineta ŋuna aponito aneni ka Akuj.

Esek. 10:1

Abu nai ayoŋ eŋoliya nariwo ŋina eyai kidiama ŋakyes a ŋisubuna a ŋulu a ŋabebenuk, ayai nen ibore ŋini ekwaan ka ekicoloŋ ŋolo itiyaunitae a ŋamoru a ŋunapusiyek a ŋuna enyaritae Sapire.

Dan. 10:17

Ekapolon kaŋ, ekokini ayoŋ eketiyan kon ikirworo ka iyoŋ a? Anerae amarani ayoŋ, adaun agogoŋu aneni kaŋ ka eeŋa ayoŋ etedukae.”

Ekim. 12:8

Erworo ayoŋ neni keŋ iteoi ŋireetin, ileerete ŋakiro, meere a ŋakitadapeta, ekete iŋes ayoŋ. “Kaanukiro nai pa ikeritotor iyes akirwor itoroniarito eketiyan kaŋ Moses?”

Mat. 17:2

Kilocokin akuwan keŋ alokiŋaren kec, tocau ereet keŋ ikwa akoloŋ ka tokwaŋiata ŋilowi keŋ ikwa akica.

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 14:9

Tolimok Yesu iŋes tema, “Pilipo, ikirukit iyoŋ ka ayoŋ ŋinapei, nai eriŋa iyoŋ nyeyenuna ayoŋ a? Ŋini adau aanyun ayoŋ, aanyu Papa kaŋ daŋ, kaanukiro nai ibaakar iyoŋ, ‘Kitoodikinae isua Papa?’

Yoa. 6:46

Nyabala ayoŋ aanyu idiotuŋanan Papa, nai ŋolo ebunit aneni ka Akuj, iŋes bon aanyu Papa.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

1 Yoa. 4:12

Emam ŋini eŋolik Akuj ŋinapei koloŋ. Ani kikiminin iwon make, iboi Akuj alotooma yok, ido itemokin kire amina keŋ neni yok.

Akis. 1:16

Anakan keŋ a ŋina aloteten, adakit ŋikacer ŋikanikaarei; anakituk keŋ, tolomu atum ŋina akwaka ŋiwaetin daadaŋ. Acai ereet keŋ ikwaŋina ecaya akoloŋ kidiŋ apaaran.

Akis. 21:11

tocai aŋuna ka akica a ŋina ka Akuj. Tocai etaun ŋol ikwa amoru ŋina epol egyelit, ikwa Yaspa, kileereu ikwa ŋakalilii.

Akis. 4:3

Amilimili ituŋanan ŋini eboi a nen, ekwaan ka amilimil a ŋamoru a ŋuna enyaritae Yaspa ka Karanelia. Erikaunit ekicoloŋ alokakinet ŋina ekwaan ka amoru ŋina aliban nooi ŋina enyaritae Emeral.