Awos. 23:31 - Ebaibul

³¹ Ewuakini ayoŋ ekukoru a akwap kus akisyakin a Nanam a ŋina Areŋan tari Nanam a Ŋipilistin, ido kikobar analoŋisat tari naŋolol Eupurate. Akajalakini ayoŋ iyes ŋituŋa ŋulu iboiyete anakwap a ŋin, ido iritarete iyes ikes toloto alokiŋaren kus.

Awos. 23:31 Iomraidhean Croise

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

1 Ŋirw. 11:2

Arae ŋaberu ikes ŋuna anakwapin a ŋuna abu Ekapolon tolimok Ŋisirael tema, “Nyemaikina iyes kipotonokinos anakiito ka ŋituŋa a ŋakwapin aŋace, anerae ituruworete kire jik ikes ŋitai kus ŋulu eminasi ŋakujo kec.” Nai amina Solomon ŋaberu ŋun nooi.

1 Ŋirw. 20:13

Apaki ŋin, bu ekadwaran neni ka Aab a erwosit a Isirael tema neni keŋ, “Ebala Ekapolon ebe, ‘Ite iyoŋ ŋasigarya ŋuna alalak nu a? Ekemyekini ayoŋ iyoŋ kilou ikes nakoloŋit na, ido iyenuni iyoŋ atemar arae ayoŋ Ekapolon.’ ”

1 Ŋirw. 4:21

Arae Solomon apolokinit ŋakwapin ŋun daadaŋ anyoun anaŋolol a ŋina enyaritae Eupurate akitodol nakwap ŋina a Ŋipilistin, kiropo lokukor ŋolo a Ijipit. Atacete ŋakwapin ŋun ocur neni Solomon ka etiyanakinete ŋakwapin ŋun Solomon ŋirwa ŋulu a akiyar keŋ daadaŋ.

1 Ŋirw. 4:24

Epukat Solomon akwap daadaŋ ŋina alo To aŋolol ŋina enyaritae Eupurate ameun aneni enyaritae Tipisa tari Gasa, arae iŋes apolokinit ŋirwosi daadaŋ ŋulu alo To aŋolol Eupurate, esilito iŋes ka ŋikidunyet keŋ daadaŋ.

1 Ŋirw. 8:65

Abu Solomon kitiya ŋasuban ŋun apaki ŋin ka abu atukot a Ŋisirael daadaŋ, ŋituŋa ameun aneni alomarere Amas tari nayonae ŋina alo Ijipit, kitiyata ŋasuban ŋun alokiŋaren Ekapolon Akuj yok. Yaasi ikes ŋirwa ŋikanikaarei, ido kiyatakis ŋirwa ŋice ŋikanikaarei, toruwor ŋirwa daadaŋ ŋitomon ka ŋiomwon.

2 Ŋakiro a ŋirwa 9:26

Abu Solomon kipuka ŋirwosi ŋuluce daadaŋ ameun anaŋolol a ŋina enyaritae Eupurate tari nakwap a Ŋipilistin akitodol lokukoru a Ijipit.

Ŋikiru. 72:8

Elipi kipuka iŋes ameun ananam a ŋinace tari ŋinace ka ameun anaŋolol Eupurate tari nakisalet a akwap.

Ekim. 21:34

Nai abu Ekapolon tolimok Moses tema, “Nyikuryaniar aŋuna keŋ, anerae, adau ayoŋ ainakin iŋes napedor kon, iŋes kaapei ka ŋituŋa keŋ ta akwap keŋ daadaŋ. Kitiya neni keŋ lopite ŋolo ibunio iyoŋ kitiya neni a Sikon a erwosit Ŋiamori a ŋolo epukat alo Esibon.”

Ekim. 34:2

“Kicik Ŋisirael, tolimok ikes ebe, ‘Ani ilomarete iyes nakwap a Kanaan (iŋes akwap ŋina akainakinit ayoŋ iyes toruwor ŋina kus, erae akwap a Kanaan ŋina igerunito ŋikukorin lu:)

Ŋikis. 1:7

Togeutu tokona nabo awosit, toloto nakwap ŋina a ŋikamukumukui ŋina a Ŋiamori ka nakiboisyo nu ŋuna idunyasi ka akwap a Ŋiamori. Araba, akwap ŋina a ŋikamukumukui, Sepela, Negeb ka nakwap ŋina alodiyete anam ka nakwap ŋina a Ŋikanaani ka Lebanon todolo tari naŋolol ŋina apolon nooi ŋina enyaritae Eupurate.

Ŋikis. 1:8

Kiirasi akainak ayoŋ iyes akwap ŋin, toloto kikamasi akwap ŋin kituruwosi ŋina kus, akwap ŋina abu ayoŋ ekoŋ ainakin atapapaa kus Aburaam, Isaka ka Yakob ka neni a ŋiletok kec ekaku kec.”

Ŋikis. 11:24

Akibois daadaŋ ŋina idolete iyes eruwor ŋina kus, egeuni akwap kus analoŋisat todol tari Lebanon ka ameun anaŋolol Eupurate todol tari nanam ŋina alo To.

Ŋikis. 2:33

abu Ekapolon Akuj yok kipotu iŋes neni yok; ido aponi iwon toarae iŋes kaapei ka ŋidwe keŋ ka ŋituŋa keŋ daadaŋ.

Ŋikis. 2:36

Ameun alo Aroer alokipetot a ayonae Arinon (Kaapei ka etaun ŋolo ayai tooma nayonae) akitodol Gilead, amam akai ŋina kirereet ŋina aoya aŋuna yok. Abu Ekapolon Akuj yok ikiinak iwon ŋinibore daadaŋ.

Ŋikis. 20:16

Ani eruwor ŋitaunio ŋulu ikiinakini iyes Ekapolon Akuj kus aruwor ŋulu kus, ŋitaunio a ŋituŋa a lu, nyimyekis idiobore ŋini eyari toyar.

Ŋikis. 3:2

Kirwor Ekapolon neni kaŋ tema, “Nyikuryaniar aŋuna keŋ, anerae adau ayoŋ akipotokin iŋes neni kon kaapei ka ŋituŋa keŋ ta akwap keŋ. Kitiya neni keŋ lopite ŋolo ibunio iyoŋ kitiyaa neni a erwosit Sikon a ŋolo a Ŋiamori a ŋolo epukat alo Esibon.”

Ŋikis. 6:19

Iritari Ekapolon ŋimoe kus daadaŋ alokiŋaren kus lopite ŋolo ikiikinitor iŋes iyes.

Ŋikis. 9:3

Toyenutu nai nakoloŋit na atemar Ekapolon Akuj kus iŋes edokari ekekwaye ikiŋarenik iyes eryenyaana esibit akim ŋina enomi akwap, emunyari iŋes ikes, ido ilouni ikes alokiŋaren kus, ikotere iyes iritarete ikes ka imunyarete ikes atipei, lopite ŋolo ikiikinia Ekapolon iyes.

Yos. 1:4

Ameun analoŋisat alowae a ŋolo alo Kwap, akitodol lomoru Lebanon alowae a ŋolo alo Kuju, tari Kide naŋolol ŋina apolon ŋina enyaritae Eupurate, akwap a Ŋiitaiti daadaŋ, kigyer anam ŋina apolon Mediteranian alowae a ŋolo alo To.

Yos. 10:19

Nai iyes, nyiboikinosi, kiwuapa jik ŋimoe kitijikis anabusya kec. Kiuryasi nyedolo lotaunio kec, anerae adau Ekapolon ŋolo erae Akuj kus akipotokin ikes neni kus.”

Yos. 10:8

Tolimok Ekapolon Yosua tema, “Nyiker ikes. Adau ayoŋ akipotokin ikes neni kon. Mam ipei daŋ alokidiŋ kec ŋini epedori awoikin iyoŋ.”

Yos. 13:6

Tari ŋituŋa daadaŋ ŋulu elomito nakwap ŋina a ŋikamukumukui ameun alo Lebanon akitodol Misirepos-Maim ka ŋituŋa a Sidon daadaŋ, ayoŋ elope iŋes abwaŋi ikes alokiŋaren Ŋisirael. Itemokino iyoŋ tokorak Ŋisirael akwap ŋin toruwor ŋina kec ikwaŋina adaunia ayoŋ akicik iyoŋ.

Yos. 2:24

Ekaku kirworo ikes, temasi neni a Yosua, “Adau Ekapolon Akuj ainakin Kanaan daadaŋ nakan yok. Elelebun tokona ekabule lotai a ŋituŋa ka akwap a Kanaan daadaŋ.”

Yos. 21:44

Abu nai Ekapolon kisieŋa Ŋisirael jik ejie alowaetin a akwap kec a daadaŋ, ikwaŋina eikinitor anakikoŋiet keŋ neni atapapaa kec. Mam ŋimoe kec tari ipei ŋini abu topedo akiloun ikes. Abu Ekapolon kipotok ŋimoe kec daadaŋ nakan kec, toreut.

Yos. 23:14

“Adol tokona ayoŋ aekar lore apolon neni eloseneneete ŋituŋa daadaŋ. Iyenete iyes a ŋitai kus a daadaŋ ka anakiyar kus a daadaŋ atemar ŋakiro ŋuna ajokak daadaŋ ŋuna abu Ekapolon ŋolo erae Akuj kus ikiik iyes, mam apei daŋ ŋina nyisiyookino. Esiyookin ŋakiro daadaŋ ŋuna ikiikinitae, mam apei daŋ ŋina nyisiyookino.

Yos. 24:11

Ipotu nai iyes todoka aŋolol Yorodan totubunos Yeriko, neni aponiata ŋituŋa a Yeriko ikitijioto iyes lopite ŋolo aponiata ŋikabilae lu ikitijioto iyes: Ŋiamori, Ŋiperisi, Ŋikanaani, Ŋiitaiti, Ŋigerigasi, Ŋiipi ka Ŋiyebusi; nai abu ayoŋ epotok ikes nakan kus.

Yos. 24:12

Abu ayoŋ ewuak ekabule lorwosi ŋuluarei ŋulu a Ŋiamori eriŋa iyes nyedolo neni kec, ido apotu ikes tosuros, meere aŋuna a ŋileŋia kus, kori aŋuna a ŋikaleŋeleŋe kus asurotor ikes.

Yos. 24:18

Abu Ekapolon Akuj tobwaŋ alokiŋaren kosi ŋakwapin daadaŋ kaapei ka Ŋiamori ŋulu alomito nakwap na. Aŋun, ikicamit isua daŋ akitiyanakin Ekapolon, anerae erae iŋes Akuj kosi.”

Yos. 24:8

Abu ayoŋ okoyau iyes nakwap a Ŋiamori a ŋulu eboiyete alo Kide aŋolol Yorodan. Apotu ikes ikitijikis iyes, nai abu ayoŋ epotokikes nakan kus. Abu ayoŋ omunya ikes alokiŋaren kus, ido ipotu iyes kikamasi akwap kec.

Yos. 8:18

Tolimok nai Ekapolon Yosua tema, “Tododa ekileŋ kon Ai, anerae abuni ayoŋ akipotokin iŋes neni kon.” Tododa nai Yosua ekileŋ keŋ Ai.

Yos. 8:7

emaikina iyes tokuraun aneni iurumikinitotor etaun, kikamasi etaun. Ebuni Ekapolon ŋolo erae Akuj kus ainakin etaun nakan kus.

Yos. 9:7

Nai apotu Ŋisirael temasi neni a Ŋiipi, “Acepaki irae iyes ŋulu anepei a ne. Ikiruwor nai iwon ŋipei ikwaani?”

Ŋikat. 1:4

Apotu nai ŋituŋa a ekabila a Yuda kitipeiyosi kitijikis ŋimoe kec, abu Ekapolon inak ikes akiloun Ŋikanaani ka Ŋiperisi, toara ikes alo Besek ŋikilyok ŋulu arae ekimar kec ŋalipyo ŋatomon.

Ŋikat. 11:21

Abu nai Ekapolon Akuj a Ŋisirael kipotok Sikon kaapei ka ŋituŋa keŋ daadaŋ napedor a Ŋisirael, ido apotu kilout ikes kituruwosi akwap a Ŋiamori a ŋulu eboiyete anakwap a ŋin ŋina kec.

1 Sam. 23:4

Kiŋit nai nabo Daudi Ekapolon ŋuna emaikina iŋes kitiya. Toboŋok Ekapolon iŋes tema, “Ee, ape totiyaar Keila; anerae epotokini ayoŋ Ŋipislitin napedor kon.”