Awos. 23:27 - Ebaibul

²⁷ Eturuwori ayoŋ ŋituŋa ŋulu ikitepegete iyes ŋulu ekuryaka aŋuna kaŋ, esibileri ayoŋ ŋituŋa ŋulu ikitijiete iyes, ido esipumari ayoŋ ŋimoe kus toema aneni kus.

Awos. 23:27 Iomraidhean Croise

Akisy. 35:5

Ani eriŋa ikes ewosete, min ekabule lotaunio daadaŋ ŋulu aya nawaetin kec, aŋun, emam ituŋanan abu totupak ikes.

2 Sam. 22:41

Ibu iyoŋ ikisimanak ayoŋ ŋimoe kaŋ ŋakausinei, ŋimoe kaŋ ŋulu akaremokino ayoŋ, ido abu ayoŋ omunya ikes.

2 Ŋirw. 7:6

Kepotu ikes tobwaŋas anerae kebu Ekapolon ekiŋaren kisiira ŋasigarya ka Aram eruye ŋolo asibit akicodoret ŋina ka ajore a ŋina apolon nooi, ŋina edokitere ŋaŋolei ka ŋagaari ŋuna iritae a ŋaŋolei. Kepotu nai ŋasigarya ka Aram kirworikis ecelasi temasi, “Ketac erwosit a Isirael ŋirwosi a Ŋiitaiti ka ŋulu a Ŋijipitian akitijiore iwon!”

2 Ŋakiro a ŋirwa 14:14

Apotu ŋasigarya a Yudaya kilout ŋituŋa a ŋitaunio a daadaŋ a ŋulu edunyatar Gerar, anerae abu tobul ŋituŋa a ŋitaunio a ŋul aŋuna a Ekapolon. Toŋatasi ŋasigarya a Yudaya ŋiboro a ŋitaunio a ŋul a daadaŋ, alalak nooi ŋiboro ŋulu arae ŋiŋatara a nen.

Ŋikiru. 18:40

Ibu iyoŋ ikiinak ayoŋ akibwaŋ ŋimoe kaŋ, ido abu ayoŋ omunya ŋulu akaremokino ayoŋ.

Ŋikiru. 21:12

anerae ibwaŋi iyoŋ ikes; igumari iyoŋ ŋikaleŋeleŋe kon neni kec.

Awos. 33:2

Eyakuuni ayoŋ emalaika ikitena iyes, ido eritari ayoŋ anakwap a ŋin Ŋikanaani, Ŋiamori, Ŋiitaiti, Ŋiperisi ka Ŋiipi ta Ŋiyebusi.

Awos. 34:24

anerae eritari ayoŋ alokiŋaren kus ŋituŋa a ŋakwapin, ido eyatakini ayoŋ akwap kus, mam ituŋanan ikatakini ademar iyes akwap kus erae kiloto iyes a ŋolokaru kitoodiyaros kiŋaren Ekapolon Akuj kus ŋalosyet ŋauni a ŋolokaru.

Ekim. 22:3

Tobul ŋituŋa a Moab nooi aŋuna a Ŋisirael, anerae alalak ikes nooi, kiinaiya ekabule ŋituŋa a Moab nooi aŋuna a Ŋisirael.

Ŋikis. 11:23

ebuni nai Ekapolon akiritar ŋituŋa a ŋakwapin alokiŋaren kus ka iritarete iyes ŋituŋa a ŋakwapin ŋulu alalak ka ŋulu egogoŋ akilo iyes.

Ŋikis. 11:25

Mam ituŋanan epedori akitijikin iyes, iwuakini Ekapolon akuryanu ka ekabule lotuŋa a akwap a daadaŋ a ŋina idolete iyes, lopite ŋolo ikiikinia iŋes iyes.

Ŋikis. 2:25

Nakoloŋit na, esyakini ayoŋ akiwuakin akuryanu ka ekabule aŋuna kus neni a ŋituŋa a akwap a daadaŋ, ani iirarete ikes ŋakiro kus, emaranikinete ka emini ikes akuryanu aŋuna kus.”

Ŋikis. 6:19

Iritari Ekapolon ŋimoe kus daadaŋ alokiŋaren kus lopite ŋolo ikiikinitor iŋes iyes.

Ŋikis. 7:23

Nai ipotokini Ekapolon Akuj kus ikes neni kus, itubuli ikes nooi akitodol ŋina emunyarere ikes.

1 Sam. 14:15

Tobul Ŋipilistin daadaŋ ŋulu aya neni eboiyo ajore ka ŋulu aya lomanikorin, ŋulu edarito ŋimoe anakiboisyo a ŋace ka ŋulu aŋaarito ŋajorei akirem iwace. Abu daŋ akwap tomaranik. Toyakaun ekabule neni a Ŋipilistin, ekabule ŋolo erae Akuj ayauni.