Awos. 23:26 - Ebaibul

²⁶ Mam aberu ebwaŋun akook, kori ituŋanan eruwor ikolupanot anakwap kus; etalalae ayoŋ ŋirwa ŋulu ka akiyar kus.

Awos. 23:26 Iomraidhean Croise

Akisy. 25:8

Ekaku, totwan Aburaam emojoŋit nooi ikoŋikoŋit, ido aponi yae tonukae neni anukitae ŋituŋa keŋ.

Akisy. 35:29

Ekaku, totwana Isaka emojoŋit nooi elalak ŋikaru, ido yaasi iŋes ŋidwe keŋ ŋulusapa, Esau ka Yakob, tonuka neni anukitae ŋituŋa keŋ.

1 Ŋakiro a ŋirwa 23:1

Ani emojoŋi Daudi itemokin ŋikaru keŋ, abu kituruwo lokoku keŋ Solomon ekepukan Isirael.

Yob 21:10

iyatasi ŋimoŋin kec, nyejoŋoeneneete akiyata, euriyete ŋaatuk kec, nyiyecununeete.

Yob 42:17

Abu nai Yob totwan emojoŋit nooi, ikoŋikoŋit ŋikaru ŋulu alalak.

Yob 5:26

Itwani kimojoŋ nooi, lopite ŋolo eyaunere nalos ŋikinyom ŋulu etemokin aŋuna ka akiram.

Ŋikiru. 107:38

Abu Ekapolon kiterereŋ ikes, topitut nooi, ido abu Ekapolon nyecamak ŋibaren kec ekudyokunete.

Ŋikiru. 144:13

Agasi kilelebun ŋatukito kosi, pena ŋinyomen a ŋikinyom a daadaŋ. Agasi topitut ŋamesekin kosi, kiatakin nadakarisinei kosi a ŋalipyo a ŋatomotomoe,

Ŋikiru. 55:23

Nai iyoŋ, okoe Akuj itolomari ŋulu aronok kwap. Nyepedorete ŋikaarak ka ŋimodiyanot akiyar, todolo atutubet apei ŋina ka akiyar kec. Nai ani eruwor ayoŋ, ekekinyomi iyoŋ.

Ŋikiru. 90:10

Ikiyari isua akitodol ŋikaru ŋatomonikanikaarei, kori ŋatomonikanikauni erae kikigogoŋ; tari alokaru a ŋul daŋ, ikiryamunit isua ŋican ka ikiyaloloŋi nooi; edaunun ŋikaru ŋul atipei, ido oŋopiyasi isua jik.

Isa. 65:20

Nyeyakaun nabo tooma keŋ ŋiŋwea ŋulu eyarete ŋirwa ŋidikudyo, kori ŋimojoŋi ŋulu nyikoŋikoŋete, anerae ŋini etwani erae ŋikaru keŋ amiat etamakinio atemar ariŋa esorokana, ido ŋini nyedolete ŋikaru keŋ amiat etamakinio atemar ilamitae iŋes.

Osea 9:14

Okoe Ekapolon, inak ŋituŋa a Epuraim ibore ŋini iinakini iyoŋ ikes. Nyo iinakini iyoŋ ikes? Inak ikes ŋakookyes ŋuna ebwaŋunun ka ŋikisin ŋulu emam ŋakile.

Ŋikis. 28:4

“‘Iterereŋi Ekapolon ŋidwe kus, ŋikinyom kus ka ŋaraito kus, ŋibaren kus, ŋatak ka ŋikaalei kus.

Ŋikis. 4:40

Kiwuapa ŋakiro keŋ ŋuna etubunitoe ka ŋakiciketa keŋ ŋuna ekecik ayoŋ iyes nakoloŋit na akiwuap, kiwuapa ikes aŋuna ka alakara kus ka aŋuna ka alakara a ŋiletok kus, ikotere iyes iboiyete akaoyan anakwap a ŋina elosi Ekapolon Akuj kus ainakin iyes toruwor ŋina kus ŋikaru ka ŋikaru.

Ŋikis. 7:14

Iruworosi iyes ŋituŋa ŋulu ikiterereŋitoe akilo ŋituŋa daadaŋ, mam ituŋanan ekolupani alotuŋa kus, kori mam ibarasit ekolupani alobaren kus.