Awos. 23:25 - Ebaibul

²⁵ Kilipa neni ke Ekapolon Akuj kus, eterereŋi ayoŋ akimuj ka ŋakipi kus; ido alemari ayoŋ ŋidekesyo aneni kus.

Awos. 23:25 Iomraidhean Croise

Ŋikiru. 103:3

Isyoniyenene Ekapolon ŋasecisya kaŋ daadaŋ, eketaŋaleununui iŋes ayoŋ alodekesyo kaŋ a daadaŋ;

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Ekal. 5:20

Aŋuna acamakinia Akuj ikes aruwor ŋulu elakara, nyepatana ŋituŋa ŋul atamatam epite ŋolo euruwuaketa ŋirwa ŋulu ka akiyar kec anakwap a na.

Isa. 33:16

Ŋituŋa ŋulu ikote nen ikes eyarete aneni emam ŋican, eiunosi ikes anataaba a ŋina esibit aduketait ŋinajiet, einanakinio ikes akimuj kec ka eyakaunotor ikes ŋakipi a ŋinapaki.

Isa. 33:24

Mam ituŋanan ŋini iboi a nen ŋini etemari, “Adyaka ayoŋ,” isyoniyo ŋasecisya a ŋituŋa a ŋulu iboiyete a nen.

Yer. 8:2

ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Dan. 1:15

Ekaku a ŋirwa a ŋitomon aponi kiŋolikinae ŋawat ata Daniel erae ŋuna ajokak ka etumito daadaŋ akilo ŋuna a ŋisorok a ŋulu emujete akimuj a erwosit.

Ŋilep. 11:44

Arae ayoŋ Ekapolon Akuj kus; aŋun, kitaleutu ŋawat kus, toruworos ŋulu isegak, anerae aseg ayoŋ. Nyimunaarosi anakinyam, kori anakitap ŋisubuna ŋulu elosete alokwap.

Ŋilep. 26:3

“‘Ani kiwuap iyes ŋakiro ŋuna atubunit ayoŋ, ido kirica ŋakiciketa kaŋ ka kirica ikes anakikinyoma,

Mal. 3:10

Yautu atututbet apei alotooma ŋatomon aloboro kus Kai ka Akuj, ikotere tolalaar akimuj a nen. Kikatakisi mono iyes akitiya ŋun neni kaŋ, iŋolikinete iyes aŋauni ayoŋ ajokis daadaŋ ŋina anakuj, ido obuk neni kus ŋiboro daadaŋ ŋulu ajokak.

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 10:20

Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.

Ŋikis. 13:4

Kiwuapa ŋakiro ŋuna a Ekapolon Akuj kus, kitopoloorito iŋes bon, kiwuapa ŋakiciketa keŋ, kiwuapa ŋakiro ŋuna elimunit iŋes, kitiyanakisi iŋes ka kimiidikinos neni keŋ.

Ŋikis. 6:13

Kitopoloorito Ekapolon Akuj kus, kitiyanakinete iŋes ka kikoŋo a ekiro keŋ bon.

Ŋikis. 7:13

ikiminakini iŋes iyes, ikiterereŋi iŋes iyes ka ikitipituni iŋes iyes; iterereŋi iŋes ŋidwe kus ka ŋinyomen a ŋimanikorin kus lu: Ŋikinyom, epiini ka akimyet; ikiterereŋi iŋes iyes ikitabar a ŋaatuk ka ŋamesekin anakwap a ŋina abu iŋes kikoŋ neni a atapapaa kus atemar ikiinakini iyes.

Ŋikis. 7:15

Itiri Ekapolon aneni kus ŋidekesyo daadaŋ, ŋidekesyo daadaŋ ŋulu etubulok ŋulu ipotu iyes kiŋolikis alo Ijipit, nai imyekini iŋes ŋidekesyo ŋul pena neni a ŋituŋa a ŋulu ikitidiŋito iyes.

Yos. 22:5

Nai kiwuapa ejok ŋakiciketa ka Ŋikisila lu ŋulu abu Moses eketiyan a Ekapolon ikicik iyes akiwuap: Amina Ekapolon Akuj kus, akitiya daadaŋ ŋuna ecamit iŋes, akiwuapit ŋakiciketa keŋ, arubakinit iminasi iŋes ka akitiya etic keŋ a ŋitai kus a daadaŋ ka anakiyar kus a daadaŋ.”

Yos. 24:21

Nai apotu ŋituŋa temasi neni a Yosua, “Mam! Ikitiyanakini isua Ekapolon.”

Yos. 24:24

Apotu ŋituŋa tolimokis Yosua temasi, “Ekapolon bon ŋolo erae Akuj kosi, iŋes ecamitae isua akitiyanakin ka akiwuap ŋakiro keŋ.”

1 Sam. 12:20

Tema Samuel neni a ŋituŋa, “Nyikuryaketa; idaut iyes akitiya aronis ŋin daadaŋ, tari kitiyato ŋun, nyimyekis akiwuapit Ekapolon, nai kitiyanakisi Ekapolon a ŋitai kus a daadaŋ.

1 Sam. 12:24

Kitopoloosi kire iyes Ekapolon, kitiyanakisi iŋes anakikinyomit a ŋitai kus a daadaŋ; totamutu ŋakiro ŋuna apolok nooi ŋuna etiya Ekapolon aŋuna kus.

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”