Awos. 23:24 - Ebaibul

²⁴ nyemaikina iyes toryediko alokiŋaren ŋakujo kec, kori kilipa neni kec, kori kiwuapa ŋuna itiyao aŋuna kec. Emaikina iyes kinyasut ŋakujo ŋun, tobwaŋabwaŋaasi ŋipirin ŋul ŋulu italetoe erae ŋakujo kec.

Awos. 23:24 Iomraidhean Croise

2 Ŋirw. 17:11

Inanakis ikes a nen ŋainakineta lopite ŋolo a ŋituŋa a ŋulu abu Ekapolon kirita alokiŋaren kec. Apotu ikes kitiyata ŋakiro ŋuna aronok, kitoŋoa Ekapolon.

2 Ŋirw. 17:8

kiwuapa ŋitalyo ŋulu a ŋituŋa a ŋulu abu Ekapolon kirita alokiŋaren Ŋisirael ta ŋitalyo ŋulu esyakinete ŋirwosi a Isirael.

2 Ŋirw. 18:4

Abu iŋes tobwaŋabwaŋaiya neni elipeneneere ŋakujo ka ŋipirin. Touko daŋ epir ŋolo etaletoi. Tari emun ŋolo etiyaunitae a eburonis ŋolo koloŋ ewuakini Moses nen, abu iŋes tobilibili, anerae ariŋa Ŋisirael emuroete neni ke emun a ŋol akitodol apaki ŋin. Anyaritae ekiro ke emun aŋol Neusutan.

2 Ŋirw. 3:2

Etiyat iŋes ŋuna aronok alokiŋaren Ekapolon, nai pa ekwaan aronis keŋ ka ŋina a papa keŋ ka toto keŋ, anerae abu iŋes tolema epir ŋolo ka akuj Baal, epir ŋolo etiyauni papa keŋ.

2 Ŋakiro a ŋirwa 14:2

Abu Asa kitiya ŋuna ajokak ka ŋuna eyookino alokiŋaren Ekapolon Akuj keŋ.

2 Ŋakiro a ŋirwa 25:14

Ani eboŋuni Amasia aneni aarya Ŋiedomi, abu yau ŋakujo a ŋituŋa a Seir, kituruwo ikes ŋakujo keŋ, ido kilip neni kec ka abu kicuny ekinyate a ŋuna kec.

2 Ŋakiro a ŋirwa 33:2

Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa ŋulu eritari Ekapolon anakwapin kec alokiŋaren Ŋisirael.

2 Ŋakiro a ŋirwa 33:9

Abu Manase kibata ŋituŋa a Yudaya ka ŋulu eboiyete alo Yerusalem akitiya aronis ŋina eloit nooi ŋina a ŋituŋa a ŋulu eritari Ekapolon anakwapin kec alokiŋaren Ŋisirael.

Ŋikiru. 101:3

Nyacamuni ayoŋ aronis eyai neni kaŋ. Aremokino ayoŋ ŋiticisyo a ŋulu ikiŋerito iyoŋ; nyacamuni ayoŋ ikes jik.

Awos. 20:3

Nyiyakatar ŋakujo ŋace mati ayoŋ bon.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 23:13

Tomitakinito ŋakiro daadaŋ ŋuna akalimok ayoŋ iyes. Nyinyarata ŋirorwa a ŋakujo a ŋace; nyikiirar iyes inyarito ikes a ŋakitukwa kus.”

Awos. 23:32

Nyicamunosi ka ikes, kori ka ŋakujo kec.

Awos. 23:33

Nyicamakis ikes iboiyete anakwap kus, acepaki epedorete ikes akitesec iyes alokiŋaren kaŋ, anerae ikimodiyarete ikes iyes anakilip nakujo kec.”

Awos. 32:20

Tolot nai Moses tolemu etorube a itaok a ŋini kepotu ŋituŋa kitiyaut, kimasak nakim kicuny, kiryaa todopirir, kipurupurak nakipi, ido inak Ŋisirael tomata ŋakipi ŋun.

Esek. 16:47

Nyitiya iyoŋ ŋuna bon apotu ikes ikitiyata, ibu iyoŋ kiwuap ka kisisau akitiya ŋakiro ŋuna aronok ŋuna etiyaete ikes, nai alotooma ŋipitesyo kon daadaŋ, ibu iyoŋ kiburuburak amunaar atipei akilo ikes.

Osea 10:2

Aŋun, ileleba alyokonu lotai kec, aŋun emaikina tokona ikes kidaŋidaŋa ekaile ŋolo ka asecit kec. Ebwaŋabwaŋaari Ekapolon ŋamuroeta kec tomunaa ŋipirin kec.

Ŋilep. 18:3

Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes.

Ŋilep. 26:1

“‘Nyitiyaut ŋitorubei a ŋakujo aŋuna kus, nyisiponokis ŋitorubei ŋulu iceunitae, kori ŋipirin, nyiwuanakis ŋamoru ŋuna iceunitae nakwap kus, ido kilipa neni kec; anerae arae ayoŋ Ekapolon Akuj kus.

Ekim. 25:2

Apotu ŋaberu ŋun torikokis Ŋisirael akitiya ŋamuronisya neni a ŋakujo a Ŋimoabi, kisyakis Ŋisirael akimuj ka akilip neni a ŋakujo a Ŋimoabi.

Ekim. 33:52

emaikina iyes kiritasi ŋituŋa ŋulu iboiyete anakwap a ŋina ilosete iyes ka kinyasut ŋitorubei ŋulu icieto ikes, kinyasut ŋitorubei a ŋakujo kec ŋulu icietae a ŋamoru ka ŋulu itiyatae a ŋasuwa ka tomunaasi ŋakiboisyo kec ŋuna eya nenimukur.

Ŋikis. 12:3

Toritaanasi ŋamuroeta kec, toukonosi ŋipirin kec, kicunyasi a akim ŋitorubei a ŋakujo kec, kiteleteleosi ŋitorubei a ŋakujo kec, ikotere itoŋopiyarete ŋirorwa a ŋakujo a ŋun anakiboisyo kec.

Ŋikis. 7:5

Nai emaikina iyes kitiyata nu neni kec: Toritaanasi ŋamuroeta kec, tobwaŋabwaŋaasi ŋipirin kec, kiteleteloosi ŋapuŋurei ŋuna a ŋitalyo kec ka kicunyasi ka akim ŋitorubei a ŋakujo kec;