Awos. 23:23 - Ebaibul

²³ “Ani elosi emalaika kaŋ kiŋaren kus, ikiya iyes neni eya Ŋiamori, Ŋiitaiti, Ŋiperisi, Ŋikanaani, Ŋiipi ka Ŋiyebusi, ido erita ayoŋ ŋul daadaŋ,

Awos. 23:23 Iomraidhean Croise

Akisy. 24:7

Akuj ŋina erae nakuj ŋina keŋ, iŋes abu okoyau ayoŋ alokal a papa kaŋ ka anakibois a ŋina ekedounere ayoŋ; abu daŋ kirwor ka kikoŋ neni kaŋ tema, ‘Ainakini ayoŋ akwap na neni a ŋiletok kon.’ Iyakiyari Akuj emalaika keŋ ama eriŋa iyoŋ nyedolo ama, ido ani ilosi iyoŋ, iyau aberu aŋuna alokoku kaŋ aina.

Akisy. 34:2

Ani iŋolikini Sekem lokoku ke Eipiit a ŋolo anyaritae Amor, a ŋolo epukat akwap ŋin Dina, kikamu iŋes kituruwo aberu keŋ.

Awos. 18:8

Kitatamik nai Moses lokamuran keŋ ŋakiro daadaŋ ŋuna etiya Ekapolon neni a Parao ka neni a Ŋijipitian aŋuna a Ŋisirael. Kitatamik tari ŋatyokisyo ŋuna kepotu Ŋisirael toryamut alorot ka epite ŋolo abunio Ekapolon toiunia ikes anatyokisyo a ŋun.

Awos. 23:20

“Kiirasi, alosi ayoŋ akiyakiyar emalaika kiŋaren kus, ikiyok iyes alorot, ikiya nakibois ŋina adau ayoŋ akitemokin.

Awos. 3:17

Adau ayoŋ atubun atemar akayauni ayoŋ iyes eketipeunio anakwap a Ijipit a ŋina iryamunitotor ŋican, okoyau nakwap a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi, nakwap ŋina elelyaata ŋakile ka ao.’

Awos. 32:2

Tema Aron neni kec, “Tolemutu ŋiboro daadaŋ, ŋulu itiyaunitae ke egolid, ŋulu enapito ŋaberu kus, ŋidwe kus ŋulusapa ka ŋulupesur anaki, iyaut neni kaŋ.”

Isa. 5:13

Aŋun, erikoryo ŋituŋa kaŋ nakwap ace aŋuna pa ayeneta ŋakiro kaŋ, eari akoro ŋikapolok kec ka enyami akure ŋituŋa kec ŋulu alalak nooi.

Ŋikis. 9:3

Toyenutu nai nakoloŋit na atemar Ekapolon Akuj kus iŋes edokari ekekwaye ikiŋarenik iyes eryenyaana esibit akim ŋina enomi akwap, emunyari iŋes ikes, ido ilouni ikes alokiŋaren kus, ikotere iyes iritarete ikes ka imunyarete ikes atipei, lopite ŋolo ikiikinia Ekapolon iyes.

Yos. 23:9

Adau Ekapolon akiloun aŋuna kus ŋakwapin ŋuna agogoŋok ka ŋuna arwok. Akitodol nakoloŋit na, mam ituŋanan apedo akiloun iyes.

Yos. 5:13

Apaki apei eyai Yosua diyete Yeriko, abu iŋes kikeu ereet keŋ kiŋolik ekile ewoi alokiŋaren keŋ etiŋit ekileŋ. Tolot Yosua neni ayai iŋes kiŋit tema, “Irae iyoŋ epei a alokidiŋ kosi, kori irae emoit?”

Yos. 9:1

Apotu ŋirwosi daadaŋ ŋulu alo To Yorodan kiirasi ŋakiro ŋun. Arae ŋirwosi ŋul ŋulu anakwap a ŋina a ŋikamukumukui, ŋulu anadipo a ŋina alo To ka ŋulu alodiyete anam Mediteranian akitodol Lebanon. Arae ŋirwosi ŋul ŋulu a Ŋiitaiti, a Ŋiamori, a Ŋikanaani, a Ŋiperisi, a Ŋiipi ta ŋulu a Ŋiyebusi.