Awos. 23:20 - Ebaibul

²⁰ “Kiirasi, alosi ayoŋ akiyakiyar emalaika kiŋaren kus, ikiyok iyes alorot, ikiya nakibois ŋina adau ayoŋ akitemokin.

Awos. 23:20 Iomraidhean Croise

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

Akisy. 24:40

Nai abu iŋes okolimok ayoŋ tema, ‘Ekapolon ŋolo ekinyomit ayoŋ, iŋes iyakiyari emalaika keŋ kaapei ka iyoŋ, ido isiyookini iŋes ŋuna ilosyo iyoŋ. Iryamikini iyoŋ lokoku kaŋ aberu aloyeneta kaŋ, alokal a papa kaŋ.

Akisy. 24:7

Akuj ŋina erae nakuj ŋina keŋ, iŋes abu okoyau ayoŋ alokal a papa kaŋ ka anakibois a ŋina ekedounere ayoŋ; abu daŋ kirwor ka kikoŋ neni kaŋ tema, ‘Ainakini ayoŋ akwap na neni a ŋiletok kon.’ Iyakiyari Akuj emalaika keŋ ama eriŋa iyoŋ nyedolo ama, ido ani ilosi iyoŋ, iyau aberu aŋuna alokoku kaŋ aina.

Akisy. 48:16

elipi emalaika ŋolo akalaku ayoŋ anawana a daadaŋ, kiterereŋ ŋidyain lu; ido alodwe a lu, torubakinae etamunitae ekiro kaŋ ka ŋirorwa atapapaa kaŋ Aburaam ka Isaka; elipi toruworos ikes ŋituŋa ŋulu elalak anakwap.”

Ŋikiru. 91:11

anerae elimokini Akuj ŋimalaikan keŋ akiyok iyoŋ; ikiyok iyoŋ alorotin kon a daadaŋ.

Awos. 14:19

Abu nai emalaika ka Akuj ŋolo sek eŋarenikinit ajore a Ŋisirael toboŋo kaku ajore. Toboŋo adis daŋ kaku towo alokaku ajore a Ŋisirael,

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Awos. 15:17

Iyai iyoŋ ŋituŋa kon kisiboik ikes lomukura kon a elope, nakibois ŋina ibu iyoŋ Ekapolon kituruwo ŋina kon, nakibois ŋina asegan ŋina ibu iyoŋ Ekapolon kitemok a ŋakan kon.

Awos. 23:23

“Ani elosi emalaika kaŋ kiŋaren kus, ikiya iyes neni eya Ŋiamori, Ŋiitaiti, Ŋiperisi, Ŋikanaani, Ŋiipi ka Ŋiyebusi, ido erita ayoŋ ŋul daadaŋ,

Awos. 32:34

Nai tokona, ape ya ŋituŋa nakibois ŋina akalimok ayoŋ iyoŋ; kiira ikiŋarenikini iyoŋ emalaika kaŋ. Kikote neni daŋ, akoloŋit ŋina esicania ayoŋ ŋituŋa ŋul, esicani ikes aŋuna ka asecit kec.”

Awos. 33:14

Tema Ekapolon neni a Moses, “Ikirukori ayoŋ ka iyoŋ, ido ekesieŋari ayoŋ iyoŋ.”

Awos. 33:2

Eyakuuni ayoŋ emalaika ikitena iyes, ido eritari ayoŋ anakwap a ŋin Ŋikanaani, Ŋiamori, Ŋiitaiti, Ŋiperisi ka Ŋiipi ta Ŋiyebusi.

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Sakar 12:8

Apaki ŋin, iuryari Ekapolon ŋulu iboiyete alo Yerusalem, tari ŋulu epalag alo kidiŋ kec, egogoŋioto lopite ŋolo agogoŋio Daudi. Ipukaete ŋipapae a Daudi ikes lopite ŋolo ipukaa emalaika a Ekapolon, lopite ŋolo ipukator Akuj alope.

Mal. 3:1

Ebala Ekapolon ŋolo Etiron ebe, “Kiirasi, eyakuuni ayoŋ ekiyakia kaŋ akitemonokin erot eriŋa ayoŋ nyebuno, ido nai bu pa iyenete iyes Kai keŋ, Ekapolon ŋolo iwarito iyes. Ebuni ekiyakia ŋolo icamito iyes aanyun, ido iserae iŋes ŋakiro ŋuna ka Acamunet kaŋ.

Ekim. 20:16

ido ani ikaloikinio isua Ekapolon, abu kiira akigworo kosi, tosodi kiyaku emalaika keŋ, ŋolo abu ikiyau isua anakwap a Ijipit, ikiya tokona isua ne Kades, lotaun ŋolo eyai lokukoru a akwap kon.

Ekim. 22:22

Toŋo Ekapolon nooi aŋuna acamunia Balaam alosit neni a Balak, bu emalaika ke Ekapolon towo alorot a ŋolo amyat iŋes, ikotere egolokin lorot keŋ. Apaki ŋin, adokit Balaam esigirya, arukito daŋ iŋes kaapei ka ŋiketiyak keŋ ŋiarei.

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Yoa. 14:3

Ani kalot ayoŋ akitemokin akibois aŋuna kus, aboŋuni nai ayoŋ okocuna iyes neni kaŋ, ikotere kiboiyoto iyes daŋ aneni ayai ayoŋ.

Ŋikis. 33:2

Abu iŋes kirwor ŋakiro nu: Abu Ekapolon bu alo Sinai, totakanu neni yok alo Seir, tocau alomoru Paran. Arukito iŋes ka ŋikasegak ŋalipyo ka ŋalipyo, ayakasi teten keŋ ŋajorei keŋ.

Yos. 23:5

Ekapolon ŋolo erae Akuj kus iŋes ebwaŋi ŋituŋa a ŋakwapin a ŋun aneni kus, iritari ikes aneni itorete iyes apaki ŋina ilosyoto akirem ikes, ido nai kikamasi iyes ŋakwapin kec toruwor ŋuna kus lopite ŋolo ikiikinitor iyes Ekapolon ŋolo erae Akuj kus.

Yos. 5:13

Apaki apei eyai Yosua diyete Yeriko, abu iŋes kikeu ereet keŋ kiŋolik ekile ewoi alokiŋaren keŋ etiŋit ekileŋ. Tolot Yosua neni ayai iŋes kiŋit tema, “Irae iyoŋ epei a alokidiŋ kosi, kori irae emoit?”

Yos. 5:14

Toboŋok ekile ŋol iŋes tema, “Meere ayoŋ epei alokidiŋ kus, kori emoit, nai ayoŋ arikit ŋasigarya a Ekapolon Akuj, abu tokona ayoŋ.” Toryedik nai Yosua kijuuru todol ereet kwap, kilip neni a ekile a ŋol, kiŋit tema, “Arae ayoŋ eketiyan kon Ekapolon, nyo icamit iyoŋ ayoŋ etiya?”

Yos. 6:2

Tolimok nai Ekapolon Yosua tema, “Kiira, adau ayoŋ akipotokin Yeriko nakan kon, kaapei ka erwosit keŋ ta ŋasigarya keŋ.