Awos. 23:14 - Ebaibul

¹⁴ “Kitiyata ŋasuban neni kaŋ ŋakitiyaet ŋauni alotooma ekaru.

Awos. 23:14 Iomraidhean Croise

1 Ŋirw. 9:25

Aŋolokaru ayenene Solomon ŋainakineta ŋuna epeyo ŋuna a ekisil ŋayayet ŋauni Namuroet ŋina abu iŋes toduk a ŋuna ke Ekapolon. Ecunyanakini iŋes ekinyate ka ŋainakineta ŋun alokiŋaren Ekapolon. Aŋun, abu Solomon kirikak akitiya ŋuna amaikina kitiya Kai ka Akuj.

2 Ŋakiro a ŋirwa 8:13

Etiyae iŋes ŋun ikwapei etic ŋolo amaikina iŋes kitiya a ŋinakoloŋit, lopite ŋolo ecikitor Moses ainanakin edoli akoloŋit ŋina a Sabato, ŋina elomunia elap ka ŋapakio ŋuna a ŋasuban a ŋunauni a ŋuna a ŋolokaru. Ŋasuban ŋun ikes nu: Ŋasuban ŋuna a ŋamugati a ŋuna emam ŋakinyalet, ŋasuban ŋuna a ŋikinyom a ŋulukitet ka ŋasuban ŋuna edukere ŋisakaitei.

Awos. 23:17

Emaikina ŋituŋa daadaŋ ŋulu erae ŋisapa alokidiŋ kus potu neni ke Ekapolon Akuj ŋaponet ŋauni a ŋolokaru.

Awos. 34:17

“Nyiyeununut ŋitorubei a ŋakujo ŋuna eburusiyarete a ŋasuwa.

Awos. 34:18

“Totamunito akitiya ŋasuban ŋuna a ŋamugati a ŋuna emam ŋakinyalet. Tonyama ŋamugati ŋuna emam ŋakinyalet ŋirwa ŋikanikaarei, lopite ŋolo akalimokinitor ayoŋ iyes atemar kitiyata ŋun alolap ŋolo ka Abib; anapaki a ŋina akalimokinit ayoŋ iyes, anerae ipotu iyes tolomut alo Ijipit elap ŋolo ka Abib.

Esek. 46:9

“Ani epote Ŋisirael kiŋaren Ekapolon anapakio aŋuna a ŋasuban a ŋuna emaikina kitiyaetei, emaikina ituŋanan daadaŋ ŋini elomuni akilip nalapatu ŋina alotooma alopuke a ŋolo alo Kuju kitor lopuke ŋolo alo Kwap eboŋori ka ŋini elomuni akilip nalapatu ŋin alopuke a ŋolo alo Kwap kitor lopuke ŋolo alo Kuju. Nyemaikina ŋituŋa kitoro lopukei ŋulu sek alomuniata ikes tooma nalapatu, nai emaikina tocorota kiropo alopuke a ŋoloce.

Ŋilep. 23:16

Emaikina iyes kimarasi ŋirwa ŋulu a Sabato akitodol ŋina elunyarotor ŋikanikaarei, kori ŋirwa ŋatomonikan; ido nai yaut ŋainakineta kus ŋuna a ŋikinyom a ŋulukitet neni ke Ekapolon.

Ŋilep. 23:34

“Tolimok Ŋisirael ebe, ‘Ani edoli ŋirwa ke elap ŋitomon ka ŋikan, elap ŋolo a ŋikanikaarei, emaikina kisyakinae akitiya ŋasuban ŋuna ke Ekapolon ŋuna a ŋisakaitei, ido emaikina kitiyae ŋirwa ŋikanikaarei.

Ŋilep. 23:4

“‘Erae nu ŋasuban ŋuna etubunit Ekapolon ŋuna asegak, ŋuna emaikina itiyaeneneo, ŋasuban ŋuna icunakinotor iyes iwapei kilipa.

Ŋilep. 23:5

Ani edoli elap ŋolo ke epei, ŋirwa a elap ŋitomon ka ŋiomwon, apaki ŋina edoiyorya akoloŋ, emaikina iyes tolemut ŋainakineta ŋuna a Paska neni ke Ekapolon.

Ŋikis. 16:1

Totamunito elap ŋolo enyaritae Abib aŋuna ka akitiya ŋasuban ŋuna a Paska aŋuna a Ekapolon Akuj kus, anerae alolap a ŋolo enyaritae Abib, abu Ekapolon Akuj kus ikiyau iyes nakwaare anakwap a Ijipit.

Ŋikis. 16:16

Ŋarwa ŋauni alotooma ekaru emaikina ŋisapa kus daadaŋ potu kiŋaren Ekapolon Akuj kus nakibois ŋina ebuni Ekapolon aseun; ŋarwa ŋun ikes nu: Ŋarwa ŋuna a ŋasuban a ŋuna emam ŋakinyalet, ŋarwa ŋuna a ŋasuban a ŋuna a ŋisabito ka ŋarwa ŋuna a ŋasuban a ŋuna a ŋisakaitei, nyemaikina ikes potu neni a Ekapolon eororete ŋakan, emaikina ikes yaut idiobore.

1 Sam. 1:3

Amina ekile ŋol akitipeiyonor Silo alotaun keŋ a ŋolokaru akilip ka ainakin amuronot neni ke Ekapolon a ŋolo a ŋajoresyo; etiyae iŋes ŋun alo Silo aneni ayakasi Opini ka Pineas ŋidwe a Eli ŋulusapa ŋulu arae ŋisacaradotin ŋulu a Ekapolon.