Awos. 23:12 - Ebaibul

¹² “Kitiyata ŋiticisyo kus ŋirwa ŋikanikapei, nai ani edoli akoloŋit ŋina a ŋakanikaarei, emaikina kieŋut, ikotere ŋimoŋin ka ŋisigirya kus daŋ kieŋut, tosodi kieŋu epito ŋolo euritae alokalya kus ka kieŋu igelaanot ŋini iboiyete ka iyes.

Awos. 23:12 Iomraidhean Croise

Neem. 13:16

Ŋituŋa a Tiro daŋ ŋulu eboiyete alotaun ayaununeete ŋikolya ka ŋiboro ŋulu egyelanaryo daadaŋ, ido togyelanakis akoloŋit ŋina a Sabato neni a ŋituŋa a Yudaya alo Yerusalem.

Awos. 16:23

tema Moses neni kec, “Ŋakiro nu ikes ikicik iyes Ekapolon ebe, ‘Erae moi taparacu akoloŋit ŋina nyemaikina idiotuŋanan kitiya ediotic, erae akoloŋit ŋina asegan ŋina ke Ekapolon, ŋina enyaritae Sabato. Kipoto ŋamugati ka ŋinibore daadaŋ icamito iyes akipore. Akimuj daadaŋ ŋina ipoete, ido nyimuji, emaikina iyes kiŋadaasi akitodol moi taparacu.’ ”

Awos. 23:11

ani edoli ekaru ŋolo a ŋikanikaarei, emaikina kimyekinae kieŋut nyitae. Nen nai elemuniata ŋituŋa kus ŋulu a ŋican akimuj ŋina elomuni bon a nen, ido ŋina imyekinete ŋul, toryamut ŋityaŋ tonyama. Kitiyata ŋakiro ŋun tari alomanikorin kus a ŋulu ke epiini ka alomanikorin kus a ŋulu a ŋikito a akimyet.

Awos. 34:21

“Kitiyata ŋiticisyo kus ŋirwa ŋikanikapei, nai ani edoli ŋirwa ŋikanikaarei, emaikina kieŋut. Kitiyata ŋun tari ŋirwa ŋulu itaere ka ŋulu elemere daŋ.

Awos. 35:2

“Emaikina iyes kitiyata ŋiticisyo kus alotooma ŋirwa ŋikanikapei, akoloŋit ŋina a ŋakanikaarei, kituruwosi akoloŋit ŋin ŋina asegan, akoloŋit ŋina a Sabato ŋina ka akieŋun aŋuna ke Ekapolon. Ituŋanan daadaŋ ŋini itiyae etic edio akoloŋit ŋin, emaikina toarae.

Awos. 35:3

Nyinokakis akim anakiboisyo kus akoloŋit ŋina a Sabato.”

Isa. 58:3

Ebasi ikes, “Kaanukiro ikiredanakinia isua akiron, nai nyikite iyoŋ isua? Ikitiditeunun isua make, nai nyimisit iyoŋ.” Topupokisi, itiyaete iyes ŋuna ikitalakarito iyes pei akoloŋit ŋina iredanakineta akiron, ido isicanito iyes ŋiketiyak kus.

Ŋilep. 23:3

“‘Kitiyata etic ŋirwa ŋikanikapei bon, nai akoloŋit ŋina a ŋakanikaarei erae ŋina a Sabato ŋina ka akieŋun. Erae akoloŋit ŋina asegan ŋina icunakinotor iyes iwapei kilipa. Nyemaikina iyes kitiyata etic edio aneni daadaŋ iboiyoto iyes. Erae akoloŋit ŋin Sabato ŋina ke Ekapolon.

Mar. 2:27

Tolimok nabo Yesu ikes tema, “Asubunio Sabato aŋuna a ituŋanan, meere ituŋanan aŋuna a Sabato.

Luk. 13:14

Nai abu ekapolon ŋolo ke esinagoga toŋo aŋuna etaŋaleunio Yesu aberu akoloŋit ŋina a Sabato, ido tolimok ŋituŋa tema, “Eya ŋirwa ŋikanikapei ŋulu itemokino kitiyaata etic; itemokino aponare akitaŋaleuno ŋirwa ŋul, meere akoloŋit ŋina a Sabato!”