Awos. 23:1 - Ebaibul

¹ “Kimyekisi akisirop ŋakiro ŋuna erae alyokonu. Nyiriwo ka ituŋanan ŋini irworo alyokonu, nyiruworosi esuuda keŋ.

Awos. 23:1 Iomraidhean Croise

Akisy. 39:17

Tolimok iŋes ekapolon eemut ŋol daadaŋ tema, “Abu Eburaniyat eketiyan ŋolo iyaunit iyoŋ neni yok bu neni kaŋ akitoŋo ayoŋ;

2 Sam. 16:3

Kiŋit erwosit Siba tema, “Ai eyai lopapait a ekapolon?” Toboŋok Siba erwosit tema, “Idoŋit iŋes Yerusalem aŋuna etamya ebe, ‘Ekenyakakinete ayoŋ ŋituŋa a Isirael apukan ŋina paaran arae ŋina a papaa kaŋ.’”

2 Sam. 19:27

Abu iŋes kirwor alyokonu neni kon eketoroniyarit ayoŋ, okoe ekapolon kaŋ. Nai ayeni ayoŋ atemar ikwaan iyoŋ erwosit ekapolon kaŋ ka emalaika ka Akuj; aŋun, kitiya neni kaŋ ŋuna itami iyoŋ atemar ejokak aneni kon.

Ŋikiru. 101:5

Amunyari ayoŋ ŋituŋa daadaŋ ŋulu irworosi itoroniarito ŋuluce, nyacamuni ayoŋ arukit ka ŋulu itopolooro bon ka ŋulu eturok.

Ŋikiru. 120:3

Iyes ŋikalyokonok, anukiro itiyakini Akuj neni kus? Iyes ŋikamodyanakinak, anu ŋace itiyakini Akuj neni kus?

Ŋikiru. 15:3

ikes ŋulu nyecamito asyomar ŋuluce, ŋulu nyitiyaete aronis neni a ŋikonei kec, kori ŋulu nyinyaŋete ŋikidunyet kec.

Ŋikiru. 27:12

Nyikipotok ayoŋ nacamit ŋina a ŋimoe kaŋ, anerae apotu neni kaŋ ŋisuudae ŋulu alyokonok, ekemanito ka akaryenyaanikinito ikes ayoŋ.

Ŋikiru. 35:11

Irworosi ŋisuudae ŋulu alyokonok eketoroniarito ayoŋ; ekesitakinito ayoŋ a ŋakiro aŋuna nyayeni.

Awos. 20:16

“Nyisudo ŋakiro neni a ŋikidunyet kus.

Awos. 23:7

Nyilomasi nakiro ŋuna etubokinere ituŋanan pa esecit, ido toarae ituŋanan ŋin emam ibore aronon itiyat, kori toarae ituŋanan ŋin emam ibore esecit; anerae atubokini ayoŋ ituŋanan ŋini itiyae aronis ŋin.

Ŋakit. 10:18

Ituŋanan ŋini imunonit ŋuna ikimanitor, irworo alyokonu, ituŋanan ŋini irworor ŋuluce, erae ibaŋaanot.

Ŋakit. 12:17

Ituŋanan ŋini irworo ŋuna a kire, irworo ŋuna iyookino ŋuna ete iŋes itiyasi, nai esuuda ŋolo alyokonon, irworo ŋuna nyiyookino ŋuna pa ete iŋes itiyasi.

Ŋakit. 14:5

Nyirworo esuuda ŋolo ikinyoma alyokonu, nai alyokonu bon irworo esuuda ŋolo nyikinyoma.

Ŋakit. 17:4

Ebobokinit ituŋanan ŋini itiyae aronis akipup ŋakiro ŋuna irworosi ŋituŋa ŋulu aronok, ebobokinit ŋikalyokonok apupokin ejok ŋakiro ŋuna irworosi ŋituŋa ŋulu aronok.

Ŋakit. 19:28

Ejamuwarit esuuda ŋolo nyiyookino ŋakiro ŋuna iyookino, ido ebobokinit ŋulu aronok akirworo ŋakiro ŋuna aronok.

Ŋakit. 19:5

Nyebucanar esuuda ŋolo alyokonon, nyisicana ido nyimyekinio ituŋanan ŋini alyokonon tolot nyisicana.

Ŋakit. 19:9

Nyebucar esuuda ŋolo alyokonon nyisicana, ido etwani ituŋanan ŋini irworo alyokonu.

Ŋakit. 21:28

Itemokino esuuda ŋolo alyokonon totwan, nai ituŋanan ŋini epupi ŋakiro ejok, isuudae ŋakiro ŋuna iyookino.

Ŋakit. 24:28

Nyiruwor esuuda ŋolo irworo imanit ikidunyet kon emam ŋakiro iŋoitotor ka iŋes, nyirwor neni keŋ ŋakiro ŋuna erae alyokonu.

Ŋakit. 25:18

Esuuda ŋolo irworo alyokonu neni a ikidunyet keŋ, ikoni iŋes erono abiro ŋinajiet, kori ekileŋ ŋolojiet, kori ekaleŋeleŋet ŋolo akwanan ŋolojiet.

Ŋakit. 25:23

Eaununui ekuwuam ŋolo ekutuni alo Kuju akiru, nai eaununui aŋajep ŋina irworor ŋuluce anyorididi.

Ŋakit. 6:19

ŋisuudae ŋulu irworosi alyokonu ka ŋituŋa ŋulu isyaanakinete egurigur alokal.

Yer. 20:10

anerae apupi ayoŋ ŋituŋa ŋulu alalak iŋaiŋaasi ebasi, “Eyai ekabule ŋiwaetin daadaŋ, kisitakisi iŋes! Emaikina iwon esitakisi iŋes!” Idarito ŋikonei kaŋ daadaŋ atemar okokuruwo ayoŋ akitiya, ebasi ikes make, “Acepaki emodiyaryo iŋes, eloutu nai iwon iŋes, enyaŋasi ŋuna etiyat iŋes neni yok.”

Ŋilep. 19:11

“‘Nyikoŋo; nyimodyanakinosi make ka nyirworosi alyokonu.

Ŋilep. 19:16

Nyirimit irworor ŋuluce alokidiŋ ŋituŋa kon. Nyitiya ibore idio aŋuna ka aryamunia epoida ketwana ikidunyet kon. Arae ayoŋ Ekapolon.

Mat. 19:18

Kiŋit iŋes Yesu tema, “Anukiciketa?” Toboŋok Yesu iŋes tema, “Nyiar, nyilom, nyikoko, nyisudi ŋakiro!

Luk. 19:8

Tonyou nai Sakayo tolimok Yesu tema, “Topupok Ekapolon! Alosi ayoŋ ainakin atyaket ŋina ke ekaabari lokulyak, nabo ani keyai ituŋanan ŋini sek amodiyarit ikeebore, atacakini ŋatacakinet ŋaomwon.”

Luk. 3:14

Kiŋita ŋisigarya daŋ iŋes temasi, “Ani bo isua ikikokini ai?” Toboŋok iŋes tema, “Nyidemasi tari ipeituŋanan daŋ idiobore ka agogoŋu, kori nyisitakis ituŋanan idio koŋin; tonaikinitotor eropit kus.”

Yoa. 7:51

“A Lokisila yok, nyikicamakinitae iwon atubokin ituŋanan nyiirara ŋakiro keŋ ka nyeripuna ŋuna esecit iŋes.”

Ŋirom. 3:8

Kaanukiro bo nyikitemarya ebe, “Etiyata ŋuna aronok ikotere itoodiunere ŋuna ajokak?” Kire apotu ŋicetuŋa ekeyany ayoŋ ebasi etatami ŋakiro nu! Aŋun nai, etubokini Akuj ikes alopite a ŋolo itemokino totubokinere.

Ŋiep. 4:25

Tojoŋoto amodyanakin! Itemokino ŋinituŋanan kirwor ŋuna a kire neni ke ekanupan a ŋoloce, anerae ikirae iwon daadaŋ ŋipei alotooma Kristo ikwapei ikiraakar iwon ŋinerin ŋulu ka apeikuwan.

Ŋikis. 5:20

“Kori nyisudo ŋakiro neni a ŋikidunyet kus.

2 Tim. 3:3

eruworosi ŋulu emamukatar aminanar, ŋulu emam akitim, ŋulu irworotor ŋuluce, ŋulu ededeŋ ka eryenyaaka; eruworosi ŋulu eremokino ŋuna ajokak,

1 Pet. 3:16

nai kitiyata ŋun ka apatanu ka akerit. Tocayete ŋatameta kus, ikotere ani ikiyanyo kisirumae ŋileec ŋituŋa ŋulu irworosi ŋakiro ŋuna aronok aŋuna a ŋipitesyo kus a ŋulu ajokak, ikwapei ŋikewuapak ŋulu a Kristo.

Akis. 12:10

Abu eira etoil ŋolo apolon anakuj ebala, “Adolu tokona aiuno ŋina ka Akuj! Etoodiu tokona Akuj apedor keŋ ikwa Erwosit! Etoodiu tokona Kristo keŋ apolou! Anerae emasun anakuj ŋolo awuoi alokiŋaren Akuj yok, ŋolo sek esitakinit ŋikaitotoi yok apaaran ka akuwar.