Awos. 22:4 - Ebaibul

⁴ Ani keryamun ibarasit ŋini akokoiyarit iŋes eriŋa eyari, emyat iŋes, kerae emoŋ, kori esigirya, kori amesek, emaikina iŋes totacu ŋibaren ŋiarei aŋuna a ipei.

Awos. 22:4 Iomraidhean Croise

Awos. 21:16

“Ituŋanan ŋini ekokoiyari ituŋanan ŋinice, kegyelarit iŋes ituŋanan ŋin, kori keriŋa eyai neni keŋ, emaikina toarae.

Awos. 22:1

“Ani kekokoiya ituŋanan emoŋ, kori amesek toar, kori togyela, emaikina ekokolan ŋol totac ŋimoŋin ŋikan aŋuna ke emoŋ ke epei ka totac ŋamesekin ŋaomwon aŋuna ka amesek ka apei.

Awos. 22:5

“Ani kitanyam ituŋanan ŋibaren keŋ emanikor, kori epiini a ituŋanan a ice, emaikina iŋes totac a ŋikinyom a ŋulu ajokak nooi alomanikor keŋ, kori a epiini keŋ a ŋolo ajokan nooi.

Awos. 22:7

“Ani kicikak ituŋanan ikidunyet keŋ ŋisiliŋa, kori ŋiboro akiyok aŋuna keŋ, ido tokokoiyarae a nen, emaikina ŋini akokoiyarit erae kikamun, totacu ŋice ŋiarei aŋuna a ipei.

Awos. 22:9

“Ŋiburasyo ŋuluce daadaŋ ŋulu iburaata ŋituŋa aŋuna kerae ke emoŋ, a esigirya, a amesek ka a ŋilowi, kori aŋuna a ibore a ice a ŋini ecakara, a ŋini ebala ipei, ‘Erae ibore en ŋini kaŋ,’” emaikina ebura ŋol yaarae neni a ŋikatubok. Ani ŋini eryamunete ŋikatubok edyakarit, emaikina ŋin totac ŋinice a ŋiboro, kori a ŋibaren a ŋiarei aŋuna a ipei.

Ŋakit. 6:31

Nai ani kikamun iŋes, iatakini iŋes ŋice ŋikanikaarei nibore ŋini alemarit iŋes, etwaniyari iŋes ibore daadaŋ ŋini sek ayakar iŋes kai keŋ.

Isa. 40:2

Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Ŋilep. 6:5

kori ibore daadaŋ ŋini abunio iŋes kikoŋio alyokonu, emaikina iŋes totacak ibore ŋin daadaŋ neni a ilope tolemu nabo atutubet apei alotooma ŋikan a ibore a ŋin, ido kinyakak ilope a ibore a ŋin akoloŋit ŋina eaya iŋes ainakinet keŋ aŋuna ka asecit.

Akis. 18:6

Kitiyata neni keŋ lopite ŋolopei abunio iŋes kitiyaa neni kus. Totaca iŋes ŋatacet ŋaarei aŋuna ke etic a daadaŋ a ŋolo etiya iŋes. Kitemokisi epiini ŋolo adwaran lokopo keŋ ŋarwa ŋaarei ikwa epiini ŋolo abu iŋes kitemok aŋuna kus.

1 Sam. 12:5

Tema Samuel neni a ŋituŋa, “Ekapolon iŋes erae esuuda a ŋakiro kus ka ŋolo aseu Ekapolon iŋes erae esuuda nakoloŋit na, atemar mam ŋakiro ŋuna aronok ŋuna iryamut iyes etiyat ayoŋ.” Temasi nai ŋituŋa, “Ekapolon iŋes erae esuuda.”