Awos. 22:21 - Ebaibul

²¹ “Nyemaikina iyes tobolyatar, kori kisiyaloloŋo ituŋanan ŋinigela ŋini iboiyete ka iyes; anerae iraakasi paaran iyes daŋ ŋigelae anakwap a Ijipit.

Awos. 22:21 Iomraidhean Croise

Yob 6:27

Ipedorete iyes tari akilamilam aŋuna ka atedor ŋini eŋatari ikoki, ipedorete tari akirworiun egyelit ŋolo igyelareta ekone.

Ŋikiru. 146:9

Iyokit Ekapolon ŋigelaanotin iŋaranakini ŋikokyok ka ŋapuseru, nai emunaanari ŋiticisyo a ŋulu aronok.

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Awos. 23:9

“Kimyekisi akisiyaloloŋ ŋituŋa ŋulugelae ŋulu iboiyoto iyes; iyenete iyes ŋuna eya lotai a ŋituŋa a ŋulu erae ŋigelae, anerae iraakasi paaran iyes daŋ ŋigelae alo Ijipit.”

Isa. 1:17

“Toyenutu akitiya ŋuna ajokak, kiwara akiyookino, toiutu ŋulu isicanitae, kiŋarakisi ŋikokyok, kirworo aŋuna a ŋapuseru.”

Yer. 22:3

Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Yer. 7:6

ani pa kisicanito iyes ŋituŋa ŋulugelae, ŋikokyok ka ŋapuseru, kori pa kiar anakibois a na ituŋanan ŋini emam ŋuna aronok itiyat ka ani pa kiwuapa iyes ŋakujo ŋace kiduporos make,

Esek. 22:7

Alotooma kon Yerusalem nyeriŋa ŋituŋa ekerito atapapa kec, kori atatoto kec; alotooma kon Yerusalem, iteryamunito iyes ŋigelaanotin ŋican ka isicanito iyes ŋikokyok ta ŋapuseru.

Ŋilep. 19:13

“‘Nyitunae ŋikidunyetkon, kori nyikoko. Nyidid akitac ŋikelejilejak kiwala akwap nyetaca.

Ŋilep. 19:33

“‘Ani kiboiyete iyes anakwap kus ka ituŋanan ŋinigelaanot, nyiteryamunito iŋes ŋican.

Ŋilep. 19:34

Emaikina iyes totiŋito ituŋanan ŋin esibit erae ŋini a ekabila kus pei. Tominas iŋes ikwa imininia iyes make, anerae iraakasi paaran iyes daŋ ŋigelaanotin alo Ijipit. Arae ayoŋ Ekapolon Akuj kus.

Ŋilep. 25:35

“‘Ani keruwor iyenet kus idio icanaanot, todaun epite ŋolo iŋarakinor bon emaikina iyes, kiŋarakisi iŋes, toyarik neni kus esibit igelaanot ŋini iboiyete ka iyes.

Sakar 7:10

Nyisicanito ŋapuseru, ŋikokyok, ŋigyelaanotin, kori ŋikulyak. Nyitamatamaete alotai kus akitiya ŋuna aronok neni a ŋuluce.’

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Ŋikis. 1:16

Abu ayoŋ ecik ŋikatubok kus apaki ŋin otema, ‘Emaikina iyes kiirasi ŋakiro a ŋituŋa kus a daadaŋ a ŋulu isitasi, tomam ariit ka ipei akilo ŋinice ka emaikina iyes totubonokis ŋakiro aloikiiko anakiyookino aŋuna a ŋinituŋanan erae ŋini ka akwap kus, kori a ŋinigela.

Ŋikis. 10:18

Akuj ŋina etubi ŋakiro anakiyookino aŋuna a ikoki ka aŋuna ka apuserut, ŋina emina ŋituŋa ŋulugelae einanakini ikes akimuj ka ŋilowi.

Ŋikis. 10:19

Emaikina nai iyes daŋ tominas ŋituŋa ŋulugelae, anerae irae paaran iyes daŋ ŋigelae anakwap a Ijipit.

Ŋikis. 15:15

Totamunito atemar iirakasi iyes daŋ ŋipi anakwap a Ijipit, ido abu Ekapolon Akuj kus ikilaku iyes, a ŋakiro a ŋun, ekeciki ayoŋ iyes nakoloŋit na akiwuap akiciket na.

Ŋikis. 23:16

Emaikina ikes kiboiyoto kaapei ka iyes anakibois a daadaŋ a ŋina eseunete ikes alotooma edio a ŋitaunio kus, neni ca daadaŋ ecamito ikes akiboiyo, nyisicana ikes.

Ŋikis. 23:7

Nyijamuwasi Ŋiedomi, anerae erae ikes ŋiyeneta kus. Nyijamuwasi Ŋijipitian, anerae irae iyes ŋigelaanotin apaki ŋina iboiyoto anakwap kec.

Ŋikis. 24:17

Emaikina iyes totubo ŋakiro a ŋigelaanotin, kori ŋikokyok anakiyookino; nyiyaasi elou a apuserut erae ibore ŋini ekodaritae aŋuna ka amica.

Ŋikis. 27:19

“‘Ilamam ituŋanan daadaŋ ŋini nyetubi anakiyookino ŋakiro a igelaanot, a ikoki ka apuserut.’ “Eboŋokinete ŋituŋa daadaŋ temasi, ‘Kiyookin ŋun.’