Awos. 21:6 - Ebaibul

⁶ emaikina nai ekapolon ŋol ya epito keŋ neni ka Akuj. Emaikina iŋes yaarae lopuke a Akibois a ŋina ilipere, kori kitowuae anakito a ŋuna ke epuke, ido topedoi akit keŋ ke emutu; toruwor nai epito ŋol eketiyan ke ekapolon keŋ ŋikaru ŋulu ka akiyar keŋ daadaŋ.

Awos. 21:6 Iomraidhean Croise

1 Ŋirw. 12:7

Toboŋokis ikes iŋes temasi, “Ani kicamit iyoŋ aruwor eketiyan a ŋituŋa a lu nakoloŋit na, kitoodiu atemar iinakina iyoŋ akitiya a ŋuna kec ka kirwor neni kec irimaana iboŋokini akiŋiset kec, ŋun nai ikitiyanakiniata ikes iyoŋ ŋikaru ka ŋikaru.”

Ŋikiru. 82:1

Eboikin Akuj nakibois keŋ kaapei ka atukot ŋina a ŋisubuna a ŋulu anakuj ikwapei ekatubon ŋakiro, etubonokini iŋes anatukot a ŋisubuna a ŋulu eya nakuj.

Awos. 12:12

anerae akoloŋit ŋin nakwaare, etori ayoŋ nakwap a Ijipit daadaŋ, oar ŋikiyae daadaŋ alo Ijipit, ŋulu a ŋituŋa ka ŋulu a ŋibaren. Esicani ayoŋ ŋakujo a Ijipit daadaŋ. Arae ayoŋ Ekapolon.

Awos. 21:22

“Ani kewana ŋituŋa ŋulu ejiete aberu ŋina epoti tobwaŋut akook, ido nyitiyakin ŋace naberu ŋin, itatacio ekawanan aberu ŋin ibore ŋini etemari ekile ka aberu a ŋin tolemunae, ido tocamunite eikiiko daadaŋ ŋun.

Awos. 21:5

Nai ani ketema epito ŋol, ‘Amina ayoŋ ekapolon kaŋ, aberu kaŋ ka ŋidwe kaŋ, ido nyacamit arotokin aneni ke ekapolon kaŋ,’

Awos. 21:7

“Ani kegyela ituŋanan nakoku keŋ ikwapei apito a ituŋanan a ice, nyemaikina iŋes tolot emam ibore etacitere ikwa epito.

Awos. 22:28

“Nyemaikina iyes kiyanya Akuj, kori kiceno ekarikon a ŋituŋa kus.

Isa. 1:26

Enyakakini ayoŋ ŋikatubok ŋulu ajokak neni kon ikwapei ayakatar ekiŋaren ka ŋikesirworiunak ŋulu ajokak neni kon ikwapei ayakatar ekiŋaren. Ekaku a ŋun, ikinyarao iyoŋ Yerusalem etaun ŋolo ka akiyookino ka ŋolo a akikinyoma.

Ŋilep. 25:23

Nyemaikina iyes togyelakis ituŋanan ŋalup toruworos ŋuna keŋ jik, anerae erae ŋalup ŋuna kaŋ, irae iyes ŋigelaanotin nai ŋikepaŋgak ŋalup kaŋ.

Ŋilep. 25:40

Totiŋa iŋes esibit eketiyan ŋolo etacio, kori epeyonon ŋolo a ŋapakio a ŋadi alokidiŋ kus; emaikina iŋes kitiya etic kus akitodol ekaru ŋolo a ŋasuban a ŋuna a ŋikaru a ŋatomonikan;

Sepan. 3:3

“Irurumaete ŋikapolok ŋulu eya tooma keŋ ikwa ŋiŋatunyo; ikwaan ŋikatubok keŋ ka ŋipeei ŋulu ka ataboŋ ŋulu emam ibore imyekinete mati kiwala akwap.

Ŋikis. 1:16

Abu ayoŋ ecik ŋikatubok kus apaki ŋin otema, ‘Emaikina iyes kiirasi ŋakiro a ŋituŋa kus a daadaŋ a ŋulu isitasi, tomam ariit ka ipei akilo ŋinice ka emaikina iyes totubonokis ŋakiro aloikiiko anakiyookino aŋuna a ŋinituŋanan erae ŋini ka akwap kus, kori a ŋinigela.

Ŋikis. 15:16

Nai ani ketema epito ŋol neni neni a idio kus, “Nyalosi ayoŋ aneni kon” aŋuna ikiminar iŋes iyoŋ ka ŋituŋa a ekal kon daadaŋ, anerae elakara iŋes iboiyete kaapei ka iyoŋ,

Ŋikis. 15:17

emaikina nai iyoŋ tolemu emutu, topedio akit keŋ, ido eruwor iŋes epito kon ŋikaru ka ŋikaru. Kitiya tan ŋunapei ŋun neni apito kus.

Ŋikis. 16:18

Emaikina iyes toseut ŋikatubok ŋakiro ka ŋikapolok alokabilae kus a daadaŋ, alotaunio kus a daadaŋ a ŋulu ikiini Ekapolon Akuj kus iyes, ikotere etubete ŋakiro a ŋituŋa anakiyookino.

1 Sam. 1:22

Nai abu Ana nyelot, anerae abu iŋes tolimok lokile keŋ ebe, “Ani ejoŋoe ikoku akinak, ayai ayoŋ iŋes oinak neni ke Ekapolon, emyek kiboi alo Kai ke Ekapolon ŋirwa daadaŋ ŋulu ka akiyar keŋ. Ayai ayoŋ iŋes nen erae ŋini iwuanitae ŋirwa daadaŋ ŋulu ka akiyar keŋ.”

1 Sam. 27:12

Ekinyomit Akis Daudi nooi aŋuna atamya ebe, “Nyeriŋa ŋituŋa a Daudi, Ŋisirael eminasi Daudi; aŋun, erubakini iŋes erae eketiyan kaŋ.”

1 Sam. 28:2

Toboŋok Daudi tema, “Ejok nooi, iŋolikini iyoŋ a nen ŋuna etiyakini ayoŋ ŋolo arae eketiyan kon.” Tema Akis neni keŋ, “Ejok nooi, eketuruwori ayoŋ iyoŋ esigarit ŋolo ekeyokit ayoŋ ŋirwa daadaŋ.”