Awos. 21:2 - Ebaibul

² “Ani igyelunete iyes epito ŋolo erae Eburaniyait, emaikina kitiya neni kus ŋikaru ŋikanikapei bon erae epito. Nai ani epete ŋikaru ŋikanikaarei, emaikina tojoŋo araakau epito, toruwor ŋini emam ŋuna imicao.

Awos. 21:2 Iomraidhean Croise

Akisy. 27:28

Elipi ikiinak Akuj iyoŋ akiru anakuj ŋina isikopi ŋalup ka kitojok ŋalup torata ŋuna etiitiyete, ikiinak iŋes iyoŋ ŋikinyom ŋulu alalak ka epiini ŋolo alalan.

Akisy. 27:36

Tema Esau, “Nyiyookino mono ekiro ŋolo elimokinitae iŋes ebe Yakob a? Anerae akamodiki tokona iŋes ayoŋ ŋamodikinet ŋaarei. Ŋina esyaunan abu ekejaa ayoŋ apolou ŋina araakar ekiyae, tokona, aya arereŋu ŋina arae ŋina kaŋ.” Kiŋit Esau papa keŋ tema, “Emam arereŋu idekinit iyoŋ aŋuna kaŋ a?”

2 Ŋirw. 4:1

Abu aberu ace ŋina a ekile a ŋolo anatukot a ŋikadwarak tolot neni ke Elisa, kikaloik tema, “Ekapolon, abu ekile kaŋ totwan. Iyeni iyoŋ atemar arae iŋes ekile ŋolo etopoloorit Akuj; nai abu tokona ituŋanan ŋini emican akiya ŋisapa kaŋ ŋuluarei akituruwor ŋipi.”

Neem. 5:8

abu ayoŋ olimok ikes otema, “Alopite a ŋolo ikipedorya isua, ikidau isua agyelun ŋiyeneta yok ŋulu erae Ŋiburaniyae ŋulu keponi togyelarae nakwapin ŋace, nai tokona igyelanarete iyes ŋiyeneta kus pei, ikotere ikitegyelakinio nabo isua.” Apotu ikes daadaŋ kililiŋa, todaun ŋakiro ŋuna elimunete.

Awos. 12:44

Nai epito daadaŋ ŋolo adaun akigyel ka akileŋer epedori akinyam.

Awos. 21:3

Ani kebunit iŋes erae iŋes bon, emaikina toboŋo erae iŋes bon. Ani kebunit erukito ka aberu keŋ, emaikina toboŋosi ka aberu keŋ.

Awos. 21:7

“Ani kegyela ituŋanan nakoku keŋ ikwapei apito a ituŋanan a ice, nyemaikina iŋes tolot emam ibore etacitere ikwa epito.

Awos. 22:3

Nai ani kitiyakina ŋakiro ŋun kedau akoloŋ alomun, emaikina ituŋanan ŋini aari ekokolan totac iŋes. “Emaikina kire jik ekokolan totac ibore ŋini ekokoiyarit, nai ani kemam ibore etacia, emaikina togyelarae iŋes kisitiyae ŋisiliŋa ŋulu agyelarere iŋes atacia ibore ŋini ekokoiyarit iŋes.

Ŋilep. 25:54

Tari daŋ pa kelakunitae Isiraelit ŋin alopitesyo a ŋul ke edio, emaikina iŋes ka ŋidwe keŋ kimyekinae toboŋosi nateker keŋ ka nalup a papa keŋ edolit ekaru ŋolo itiyaere ŋasuban ŋuna a ŋikaru a ŋatomonikan;

Mat. 18:25

Aŋuna pa apedorya eketiyan ŋol akitac eden, abu ekapolon tolimu atemar togyelarae iŋes, akeeberu, ŋikeedwe ka ŋinibore ayakar iŋes daadaŋ, totacere eden.

1 Ŋikor. 6:20

Anerae adau Akuj akigyel iyes a egyelit; aŋun nai, kisitiyata ŋawat kus aŋuna ka akitopolooritor Akuj.

Ŋikis. 15:1

Ekaru daadaŋ ŋolo a ŋikanikaarei, emaikina iyes kimyekis ibore daadaŋ ŋini imicaete ŋinice,

Ŋikis. 15:18

Nyemaikina ikinomorit iyes akimyekin epito, kori apito kus tolot, anerae abu iŋes ikitiyanak iyoŋ alotooma ŋikaru ŋikanikapei, eriyan etic ŋolo etiya iŋes, alotooma ŋikaru ŋul ka etic ŋolo itiyaete ŋiketiyak ŋiarei ŋulu ipaŋgatae, ido ikiterereŋi iyes Ekapolon aloticisyo a daadaŋ a ŋulu itiyaete iyes.

Ŋikis. 31:10

Kicik Moses ikes tema, “A ŋolokaru edolete ŋikaru ŋikanikaarei, alokaru a ŋolo etubunitoe aŋuna ka aesikin ŋamicae ka anapaki a ŋina a ŋasuban a ŋuna a ŋisakaitei,