Awos. 20:7 - Ebaibul

⁷ “Nyisitiyaete ekiro ke Ekapolon Akuj kus analyokonu, anerae nyeesikini Akuj akisican ituŋanan ŋini isitiyae ekiro keŋ analyokonu.

Awos. 20:7 Iomraidhean Croise

Akisy. 27:20

Nai kiŋit Isaka lokoku keŋ tema, “Ikokini mono iyoŋ lokoku iari etyaŋ atipei ai? ” Toboŋok iŋes tema, “Ekapolon ŋolo erae Akuj kon abu okoinak ayoŋ aryamun atipei.”

1 Ŋirw. 2:9

Aŋun, nyimyek iŋes esibit nyesecit, Irae iyoŋ ekile ŋolo ios, iyenuni iyoŋ ŋuna kitiyakina neni keŋ. Emaikina iŋes tonukae iredito ŋoakot akou keŋ ŋina aŋakorwo nin.”

2 Ŋirw. 5:20

totamatam Geasi eketiyan ke Elisa ebala, “Emyek bare ekapolon kaŋ Naaman ŋolo ka Aram eboŋoria ŋainakineta ŋuna ayaunit. Ikwaŋinapei eyaria Ekapolon, ewuapi ayoŋ Naaman, ido ejau idiobore aneni keŋ.”

Ŋikiru. 139:20

Agasi ayoŋ atemar kiritarae ŋituŋa ŋulu irworosi ikitoroniarito iyoŋ, ido kirworos ŋuna aronok elimito ekiro kon.

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Yer. 34:16

Nai ipotu iyes kilocokis ŋatameta kus tojamuwasi ekiro kaŋ apaki ŋina inyakaryata iyes ŋipi, kori ŋapi kus ŋituŋa ŋulu sek ipotu iyes tolacakis ikwapei eitanitotor ikes, ipotu iyes kituruwosi ikes nabo ŋiketiyak kus.

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Esek. 39:7

“Etaanyuni ayoŋ ŋituŋa kaŋ Ŋisirael ekiro kaŋ ŋolo asegan; nyacamuni nabo ayoŋ tojamuwarae ekiro kaŋ ŋolo asegan, eyenunete ŋituŋa a ŋakwapin atemar arae ayoŋ Ekapolon, Akuj ŋina asegan ŋina ayai Isirael.

Ŋilep. 19:12

Nyikoŋo alokiro kaŋ akidiŋ, ido a nen kiyenya ekiro ka Akuj kus. Arae ayoŋ Ekapolon.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

2 Ŋikor. 1:23

Anyarit ayoŋ Akuj erae esuuda kaŋ, iŋes eyeni ŋuna eyakasi lotau kaŋ! Arae aŋuna pa acamitor ayoŋ akisican iyes, iŋes pa abunio ayoŋ Korinto.

Ŋikis. 10:20

Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.

Ŋikis. 5:11

“Nyisitiyaete ekiro ke Ekapolon Akuj kus analyokonu, anerae nyeesikini Akuj akisican ituŋanan ŋini isitiyae ekiro keŋ analyokonu.

Ŋikis. 6:13

Kitopoloorito Ekapolon Akuj kus, kitiyanakinete iŋes ka kikoŋo a ekiro keŋ bon.

Yak. 5:12

Nai ŋuna apolok nooi, ŋikaitotoi, ani iikinete iyes ibore idio, nyikoŋ nakuj kori akwap kori nyilimu akikoŋiet ace. Temasi iyes “Ee,” torae kire ee ka “Mam,” torae kire mam, ikotere nyilomasi natubokino ŋina ka Akuj.

Yos. 2:12

Aŋuna nai tokona etiyaa ayoŋ arimao neni kus, kikoŋo alokiro a Ekapolon atemar irimaakyata iyes neni a ŋiyeneta kaŋ. Nabo kitoodikinae ibore ŋini eketunupi ayoŋ ŋakiro kus.

Yos. 2:17

Tolimokis ŋirototin ŋul Raab temasi, “Ikiwuapi isua ŋakiro ŋuna idau iyoŋ akisikoŋ isua,

Yos. 9:20

Etiyata nu, itemokino iwon kimyekinae ikes, ikotere nyikinyunyurik Akuj iwon aŋuna ekoŋitere aŋuna kec.”