Awos. 20:4 - Ebaibul

⁴ “Nyitiyaut aŋuna kus etorube a idiobore erae akuj kus, kerae etorube a ibore a ŋini eyai kidiama nakuj, kori a ŋini eyai kwap tooma ŋalup, kori a ŋini eyai nakipi ŋuna alokwap ŋalup.

Awos. 20:4 Iomraidhean Croise

1 Ŋirw. 12:28

Aŋun, kedau erwosit akiŋitiŋit ŋituŋa ŋuna kitiya, abu totub akitiyaun ŋitak ŋiarei a egolid. Tolimok ŋituŋa tema, “Idaut iyes akitipeiyonor Yerusalem apaki ŋina aoyan. Ŋakujo kus ikes nu iyes Ŋisirael, ŋuna apotu ikiyaut iyes anakwap a ŋina a Ijipit.”

2 Ŋirw. 17:12

Apotu kilipa ŋakujo ŋuna sek alimokinit Ekapolon ikes atemar toceito ilipete.

2 Ŋakiro a ŋirwa 33:7

Abu kiwuak Kai ka Akuj etorube ŋolo ka akuj a ŋina anyaritae Asera, etorube ŋolo ecieuni iŋes, kiwuak Kai ŋin ŋina koloŋ alimokinit Ekapolon Daudi ka lokoku keŋ Solomon ebe, “Kai ka Akuj na ka ne Yerusalem, iŋes aseu ayoŋ anakwap a daadaŋ a ŋina a ŋikabilae a Ŋisirael atemar ekelipere ayoŋ ŋikaru ka ŋikaru.

Ŋikiru. 78:58

Apotu ikes kitoŋoa Akuj aŋuna a ŋakiboisyo kec aŋuna elipyata neni a ŋakujo, apotu ikes kitoŋoa Akuj aŋuna a ŋitorubei a ŋakujo kec.

Ŋikiru. 97:7

Isurumitae daadaŋ ŋileec ŋulu ilipete neni a ŋakujo, ikes ŋulu iturosi aŋuna a ŋakujo aŋunacaryo a ŋun; iyes ŋakujo daadaŋ toryediko, kilipa neni ka Akuj!

Awos. 20:23

Nyitiyaut aŋuna kus ŋakujo kilipete neni kec, ido kilipete neni kaŋ daŋ, nyemaikina iyes kitiyaut aŋuna kus ŋakujo tari alosilipa, kori alogolid.

Awos. 32:1

Ani eyenunete ŋituŋa atemar adidi Moses aboŋun alokidiama emoru, apotu tocunakinos kirimokis Aron kidiŋ temasi neni keŋ, “Bua, kitiyakinae isua ŋakujo ŋuna ikirikete isua, anerae nyikiyeni isua ŋakiro ŋuna kitiyakin neni a Moses a ŋolo abu ikitipeunio isua anakwap a Ijipit.”

Awos. 32:23

Apotu ikes temasi neni kaŋ, ‘Kitiyakinae isua ŋitorubei a ŋakujo a ŋuna ikirikete isua; anerae nyikiyeni isua ŋakiro ŋuna kitiyakin neni a Moses a ŋolo abu ikitipeunio isua anakwap a Ijipit.’

Awos. 32:4

Kijaa Aron ŋiboro ŋul aneni kec, totala, ido tobukok egolid ŋol neni ecietae esibit itaok, kitiyau etorube a itaok, temasi nai ŋituŋa “Ŋisirael, akuj yok na ŋina paaran abu ikitipeunio iwon anakwap a Ijipit!”

Awos. 32:8

Emyekis ikes atipei ŋuna abu ayoŋ ecik ikes, ido etiyaut aŋuna kec etorube a itaok aruwor akuj kec. Ilipete tokona ikes neni a itaok ka aya ŋamuronisya kec nen, ido ebasi, ‘Ŋisirael, akuj yok na ŋina paaran abu ikitipeunio iwon anakwap a Ijipit!’

Awos. 34:17

“Nyiyeununut ŋitorubei a ŋakujo ŋuna eburusiyarete a ŋasuwa.

Isa. 42:17

Nai ikes ŋulu ikinyomito neni a ŋakujo, ŋulu irworosi neni a ŋakujo ebasi, ‘Irae iyes ŋakujo kosi,’ isurumyo ikes ŋileec nooi.

Isa. 42:8

Arae ayoŋ Ekapolon, ekiro kaŋ ŋol; nyainakini ayoŋ apolou kaŋ neni a ice, kori akipuro kaŋ neni a ŋakujo.

Isa. 45:16

Isirumyo ŋituŋa daadaŋ ŋileec ka isiguryakinio, isiguryakinio ŋulu itiyaununeete ŋakujo kaapei.

Esek. 20:7

Abu ayoŋ otema neni kec, ‘Tocaka ŋinituŋanan akuj keŋ ŋina aminaki ka nyimunaasi ŋawat kus anakiwuapit ŋakujo a Ijipit; ayoŋ arae Ekapolon Akuj kus.’

Esek. 8:10

Abu ayoŋ oloma tooma, oŋoleŋolek; eŋolik eyakasi arwatata daadaŋ ŋitorubei ŋulu a ŋiboorei a ŋulu alyatok ka ŋulu a ŋityaŋ a ŋulu itoronitae ta ŋulu a ŋakujo a daadaŋ a ŋuna a Ŋisirael.

Esek. 8:3

Abu iŋes torwaa ibore ŋini ekwaan ka akan keŋ, kikamu ŋitim anakou kaŋ okoya ayoŋ. Abu etorube ŋolo a etau ka Akuj ŋol okoya ayoŋ kidiŋ nakuj ka akwap, ekaku abu okoya ayoŋ Yerusalem alotorubei a ŋulu ka Akuj. Ekewuak iŋes ayoŋ lopuke ŋolo iwasi alotooma alopuke a ŋolo alo Kuju elomaryo nalapatu ŋina ka Kai ka Akuj. Ayai nen etorube ŋolo ka akuj a ŋina etiyaunitae, etorube ŋolo etiilit Akuj nooi.

Ŋilep. 19:4

Nyilipa neni a ŋakujo a ŋunacaryo, kori nyitiyaut anasuwa ŋitorubei a ŋakujo kus. Arae ayoŋ Ekapolon Akuj kus.

Ŋilep. 26:1

“‘Nyitiyaut ŋitorubei a ŋakujo aŋuna kus, nyisiponokis ŋitorubei ŋulu iceunitae, kori ŋipirin, nyiwuanakis ŋamoru ŋuna iceunitae nakwap kus, ido kilipa neni kec; anerae arae ayoŋ Ekapolon Akuj kus.

Ekim. 12:8

Erworo ayoŋ neni keŋ iteoi ŋireetin, ileerete ŋakiro, meere a ŋakitadapeta, ekete iŋes ayoŋ. “Kaanukiro nai pa ikeritotor iyes akirwor itoroniarito eketiyan kaŋ Moses?”

Ŋitic. 17:29

Ikwaŋinapei ikiraakar iwon ŋiletok ŋulu ka Akuj, nyitemokino iwon ikitami atemar ikwaan eyakae keŋ ka etorube ŋolo eyeunitae ke egolid kori ke esilipa kori ka amoru--etorube ŋolo eyeuni ituŋanan ka aosou keŋ.

Ŋirom. 1:23

Akilo ikes akilip neni ka Akuj a ŋina eyari jik anapolou keŋ, ilipete ikes neni a ŋitorubei a ŋulu itiyaunitae ikwaan ka ŋituŋa ŋulu etwakete, kori ŋikyeny kori ŋityaŋ kori ŋiboorei ŋulu alyatok.

Ŋikis. 16:22

nyidupakis tari epir ŋolo itiyaunitae a ŋamoru, etorube a akuj, eŋerit Ekapolon Akuj kus ŋiboro ŋul.

Ŋikis. 27:15

‘Ilamam ituŋanan daadaŋ ŋini itiyauni etorube a akuj, kori etorube edio ca daadaŋ, kori ibore ca daadaŋ ŋini eŋerit Ekapolon, ibore ŋini icieunitae, ido kilip neni keŋ anakimunono.’ Eboŋokinete ŋituŋa daadaŋ temasi, ‘Kiyookin ŋun.’

Ŋikis. 5:8

“Nyitiyaut aŋuna kus etorube a idiobore erae akuj kus, kerae etorube a ibore a ŋini eyai kidiama nakuj, kori a ŋini eyai kwap tooma ŋalup, kori a ŋini eyai nakipi ŋuna alokwap ŋalup.

Akis. 16:2

Abu emalaika ŋolo ke ekiŋaren tolot, tobukok anyunyura ŋina anabakule keŋ nakwap. Apotu ŋajemei ŋuna aronok nooi ŋuna apipilak pena lotuŋa ŋulu ayakatar emacar ŋolo ke etyaŋ ka neni a ŋulu elipete neni ke etorube keŋ.

Akis. 9:20

Ŋituŋa ŋulu pa apotu ŋakisicaneta ŋun toara, apotu nyekiwa akilip neni a ŋipyan ka neni a ŋakujo a ŋuna etiyaunito ikes ŋilopeyek. Etiyaunitae ŋakujo ŋun a egolid, a esilipa, a eburonis, a ŋamoru ka a ŋakito; ŋakujo ŋuna nyepedorete aanyuwar, akiirar, kori alosit.

Ŋikat. 17:3

Abu nai Mika kinyakak ŋisilipae ŋulu arae aliput ka amiat neni a toto keŋ, tosodi toto keŋ tolimu tema, “Etaleikini ayoŋ ŋisilipae lu neni ke Ekapolon aŋuna alokoku kaŋ, kitiyaunere etorube a akuj ŋolo itiyaunitae anasuwa.”