Awos. 20:3 - Ebaibul

³ Nyiyakatar ŋakujo ŋace mati ayoŋ bon.

Awos. 20:3 Iomraidhean Croise

1 Ŋirw. 11:4

Ani edoli ŋikaru ŋulu amojoŋia Solomon, kituruwosi ŋaberu ŋun etau a Solomon ŋolo amina ŋakujo kec, tojamak etau a Solomon ainakina neni ke Ekapolon ka Akuj keŋ nyeminak lopite ŋolo sek aminar etau a Daudi a papa keŋ.

Ŋikiru. 29:2

Kipuro ekiro ke Ekapolon ŋolo eyakar apolou, kilipa neni ke Ekapolon apaki ŋina etakanunia iŋes anasegis keŋ.

Ŋikiru. 73:25

Ŋae mono ikeŋarakinan kaŋ ice eyai nakuj, meere iyoŋ bon a? Aŋuna ikirukitor ayoŋ ka iyoŋ, mam ibore ice eitanit ayoŋ anakwap.

Ŋikiru. 81:10

Arae ayoŋ Ekapolon Akuj kus, ŋina abu okoyau iyes eketipeunio anakwap a ŋina a Ijipit; toruworos ŋulu ikinyoma, ido akainakini ayoŋ iyes ŋiboro ŋulu ajokak.

Ŋikiru. 81:9

Nyiyakaunotor akuj ŋina egelaana kidiŋ kus; nyemaikina iyes toryediko, kilipa neni ka akuj a ŋina egelaana.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 20:23

Nyitiyaut aŋuna kus ŋakujo kilipete neni kec, ido kilipete neni kaŋ daŋ, nyemaikina iyes kitiyaut aŋuna kus ŋakujo tari alosilipa, kori alogolid.

Awos. 22:19

“Ituŋanan daadaŋ ŋini elosi akiryamanakin ka ŋibaren, emaikina toarae.

Awos. 23:24

nyemaikina iyes toryediko alokiŋaren ŋakujo kec, kori kilipa neni kec, kori kiwuapa ŋuna itiyao aŋuna kec. Emaikina iyes kinyasut ŋakujo ŋun, tobwaŋabwaŋaasi ŋipirin ŋul ŋulu italetoe erae ŋakujo kec.

Awos. 32:8

Emyekis ikes atipei ŋuna abu ayoŋ ecik ikes, ido etiyaut aŋuna kec etorube a itaok aruwor akuj kec. Ilipete tokona ikes neni a itaok ka aya ŋamuronisya kec nen, ido ebasi, ‘Ŋisirael, akuj yok na ŋina paaran abu ikitipeunio iwon anakwap a Ijipit!’

Awos. 34:14

(anerae nyemaikina iyes kilipa neni ka akuj a ace, Ekapolon ŋolo erae ekiro keŋ ‘Alilyan’ iŋes erae Akuj ŋina elilyana).

Isa. 26:4

Kikinyoma Ekapolon ŋikaru ka ŋikaru, anerae Ekapolon Akuj, iŋes erae neni iryamuniata iyes aiuno ŋina a ŋikaru ka ŋikaru,

Isa. 42:8

Arae ayoŋ Ekapolon, ekiro kaŋ ŋol; nyainakini ayoŋ apolou kaŋ neni a ice, kori akipuro kaŋ neni a ŋakujo.

Isa. 43:10

Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 44:8

Nyikera, kori nyikuryaketa; nyiserakina mono ayoŋ iyes ŋun koloŋ sek ka nyelimokina a? Iraakasi iyes ŋisuudae kaŋ. Eyai mono akuj ace eyai akilo ayoŋ a? Emam ekeuryaran ece; emam ece ayeni ayoŋ.”

Isa. 46:9

totamunito ŋakiro ŋuna alunyar koloŋ sek, anerae arae ayoŋ Akuj, emam ace arae ayoŋ Akuj ka emam akuj ace ŋina ikikwaan ka ayoŋ.

Yer. 25:6

Nyiwuapa ŋakujo ŋace anakitiyanakin ka anakilipenen neni kec ka nyikitoŋoa ayoŋ a ŋiboro a ŋulu itiyaununeete iyes a ŋakan kus, kitiyata iyes ŋun nyetiyakini ayoŋ aronis adio neni kus.”

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 7:9

Irubakinete mono iyes ikokoyete, ilomete, ikoŋete alyokonu, iyaanarete ŋainakineta neni a Baal ka iwuapito ŋakiro a ŋakujo a ŋuna sek pa iyenete iyes,

Dan. 3:18

Ani kemam, toyenu nu okoe erwosit atemar nyikitiyanakini isua ŋakujo kon ka nyikilipi neni a etorube a ŋolo a egolid a ŋolo idau iyoŋ asipokin.”

Osea 13:4

Nai arubakinit ayoŋ arae Ekapolon Akuj kec, ageun ŋinapei anakwap a Ijipit, mam ŋakujo ŋace eyenete ikes mati ayoŋ bon, emam ekaiunan ece mati ayoŋ bon.

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

1 Ŋikor. 8:4

Aŋun nai, ŋuna etapito akinyam ŋamuja ŋuna einanakinio erae amuronot nakujo ŋace: ikiyeni atemar erae ŋakujo ŋuna kitiyauna ŋuna eyakasi nakwap ŋakoŋinae. Eyai Akuj apei bon.

1 Ŋikor. 8:6

nai aneni yok eyai Akuj apei bon, Papa ŋolo asubi ŋiboro daadaŋ, ŋolo ikiteyari iwon ka eyai iwon Ekapolon epei bon, Yesu Kristo ŋolo asubia Akuj ŋiboro daadaŋ, ido iŋes ikiyarya iwon.

Ŋiep. 5:5

Toyenete nai atemar emam ituŋanan ŋini amalaanan, asiilyanan kori ŋini arorokanan (anerae ikwaan arorokanut ka akilip akuj ace) ŋini eyakaun Napukan ŋina a Kristo ka Akuj.

Ŋikis. 5:7

Nyiyakatar ŋakujo ŋace mati ayoŋ bon.

Ŋikis. 6:14

Nyiwuapa ŋakujo ŋace, nyiwuapa adio a ŋakujo a ŋituŋa a daadaŋ a ŋulu iboiyete alodiyete kus,

Ŋikis. 6:5

Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.

Ŋipil. 3:19

Inyasunio ikes, anerae ekibure ŋolo a ŋawat kec iŋes erae akuj kec; iturosi ikes kan ibore ŋini itemokino kirumyata ŋileec ikes, ka eyakasi ŋatameta kec loboro ŋulu ka akwap a na bon.

Ŋikol. 2:18

Nyicamut ikimodikini iyes idiotuŋanan ŋini iitanit aanyunun ŋakitoodikineta ŋuna a ŋimalaikan ka torubakinite itatami ŋuna ka akitiditeuna a ŋina erae alyokonu ka kilipi daŋ neni a ŋimalaikan. Aŋuna a ŋakiro a ŋuna emam apolou, ituro ituŋanan ŋin ikoŋin aŋuna ka akitam keŋ a ilope

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.

Akis. 22:9

Nai tema iŋes neni kaŋ ebe, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon ŋikadwarak ta ŋulu daadaŋ ŋulu iwuapito ŋakiro ŋuna ke ekitaabo a lo. Kilip neni ka Akuj!”

Ŋikat. 6:10

abu ayoŋ okolimok iyes otema, ‘Arae ayoŋ Ekapolon Akuj kus, nyiryediko kilipa neni a ŋakujo a Ŋiamori a ŋulu iboiyete iyes anakwap kec.’ Nai nyiwuapa iyes ŋakiro kaŋ.”