Awos. 20:24 - Ebaibul

²⁴ Emaikina iyes kitiyaut a ŋalup Namuroet aŋuna kaŋ, ido inanakis ŋainakineta kus neni kaŋ a nen, ŋainakineta kus ŋuna a ŋamesekin ka ŋimoŋin ŋuna epeyo ka ŋuna ke ekisil. Abuni ayoŋ akiterereŋ iyes anakibois a daadaŋ a ŋina akainakini ayoŋ iyes akilipya ayoŋ.

Awos. 20:24 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

2 Sam. 6:12

Keponi nai tolimokinae Daudi ebe, “Eterereŋ Ekapolon Obededom ka ŋituŋa a ekal keŋ ta ibore keŋ daadaŋ, aŋuna ka Asaduku a ŋina ka Acamunet.” Aŋun, abu Daudi tolot yau Asaduku ŋina ka Acamunet alokai ka Obededom, yau lotaun a Daudi ka alelyanu.

1 Ŋirw. 8:29

Elipi kite iyoŋ Akai na nakwaare ka naparan, kite akibois na ŋina ibu iyoŋ tolimu a ŋuna keŋ ebe, ‘Neni eyakaun ekiro kaŋ ne,’ ikotere nai iirari iyoŋ eketiyan kon ilipi neni kon iŋoliunit nakibois na.

1 Ŋirw. 8:43

ekelipit kiira anakuj aneni erae akibois ŋina iboiyo iyoŋ, ido kitiya lopite daadaŋ ŋolo ikinyaritor iyoŋ igelaanot ŋin, ikotere ŋituŋa daadaŋ anakwap eyenunete ekiro kon ka ikikerete iyoŋ, lopite ŋolo ikikeritotor ŋituŋa kon Ŋisirael. Ŋakiro ŋun nai ikes iteyenikinete ŋituŋa atemar adaun akituruwor Akai na ŋina adau ayoŋ akiduk ŋinakilipet neni kon.

1 Ŋirw. 9:3

Tema Ekapolon neni a Solomon, “Adau ayoŋ akiirar akilip kon ka adyekitoi kon, ŋuna ibu iyoŋ kirwor alokiŋaren kaŋ; adau ayoŋ akitaleun Akai na ŋina idau iyoŋ akiduk ka eturubakini ayoŋ ekiro kaŋ eyai ne ŋikaru ka ŋikaru arubakini ayoŋ eŋoliunit ka amina ne jik.

2 Ŋirw. 5:17

Kirworik nai Naaman tema, “Ani pa kicamit, inakinae ayoŋ eketiyan kon ŋalup ŋuna epedorete ŋaŋolei-sigirya ŋaarei akiwuok, anerae ameun tokona nyainakini nabo ŋainakineta ŋuna epeitoe, kori ŋamuronisya neni ka akuj a ace mati Ekapolon.

2 Ŋakiro a ŋirwa 12:13

Abu nai Reoboam kisicat apukan keŋ alo Yerusalem, torubak ipukat erae erwosit. Arae ŋikaru keŋ ŋatomoniomwon ka epei apaki ŋina esyakinia akipuka, kipuka iŋes Yudaya alo Yerusalem ŋikaru ŋitomon ka ŋikanikaarei. Arae Yerusalem etaun ŋolo abu Ekapolon toseu alotaunio a ŋikabilae a Ŋisirael a daadaŋ atemar kilipere iŋes. Arae ekiro a toto a Reoboam Naama, arae iŋes Amonait.

2 Ŋakiro a ŋirwa 6:6

Nai aseu ayoŋ Yerusalem, ikotere ekiro kaŋ toyakaun nen ka aseu ayoŋ Daudi kipuka ŋituŋa kaŋ Ŋisirael.’

2 Ŋakiro a ŋirwa 7:16

Adau ayoŋ aseun ka akitaleun Akai na, ikotere erubakini ekiro kaŋ eyai ŋikaru ka ŋikaru, eyoki ayoŋ ka edari akibois ŋin ŋirwa daadaŋ.

Esir 6:12

Elipi Akuj ŋina adau aseun Yerusalem aruwor akibois ŋina ilipere iŋes, tolema anapukan erwosit daadaŋ ka ŋituŋa daadaŋ ŋulu ikatakinete akilocokin ŋakiro nu, kori ŋini inyasuni Akai ka Akuj na alo Yerusalem. Ayoŋ, Darius atub ŋakiro ŋun, emaikina kiwuapae emam apegakinet.”

Neem. 1:9

nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Ŋikiru. 101:2

Acoikini ayoŋ anakiyar kaŋ akiboi pa eketoroniyaritae. Ori mono ibunio iyoŋ neni kaŋ? Eboi ayoŋ alokai kaŋ arae ŋolo emam ŋuna eketoroniyaritere.

Ŋikiru. 122:2

Okoe Yerusalem, ikiwoi isua alopukei kon.

Ŋikiru. 128:5

Elipi ikiterereŋ Ekapolon iyoŋ alo Sion; ikotere toanyu ebari a Yerusalem ŋirwa daadaŋ ŋulu ka akiyar kon.

Ŋikiru. 134:3

Elipi neni ke Ekapolon a ŋolo abu tosub nakuj ka akwap, ikiterereŋ iyes alo Sion.

Ŋikiru. 74:7

Ecunyakis ikes Akai kon; amunaasi ikes akibois ŋina sek ikilipere iyoŋ.

Ŋikiru. 76:2

Eyai ere keŋ Yerusalem, iboi iŋes alo Sion.

Ŋikiru. 78:68

nai abu toseu ekabila a Yuda, toseu emoru Sion ŋolo abu iŋes tominak nooi.

Awos. 10:25

Tema Moses neni keŋ, “Itemokino iyoŋ ikimyek isua yaarae ŋamuronisya ka ŋainakineta ŋuna epeyo, inakinae neni ke Ekapolon Akuj kosi erae amuronot.

Awos. 18:12

Tolemik nai Yesiro Akuj ainakinet ŋina apeyo ka ŋamuronisya ŋace. Potu nai Aron ka ŋikasikou a Ŋisirael daadaŋ akimuj ka Yesiro ŋamugati, ayai Akuj kaapei ka ikes a nen

Awos. 20:25

Ani kitiyaut iyes a ŋamoru Namuroet aŋuna kaŋ, nyitiyaut a ŋamoru a ŋuna ibesitae ejok; anerae ani kibeta iyes ŋamoru ŋunakitiyaunet Namuroet ŋin, idaut iyes amunaar Namuroet ŋin.

Awos. 24:4

Kigir nai Moses ŋakiro ke Ekapolon daadaŋ. Tonyou Moses ataparacu ŋinace, todukok Namuroet nakeju ke emoru, tosipok nen ŋamoru ŋatomon ka ŋaarei, ekimar ŋolo a ŋikabilae a Ŋisirael a ŋulutomon ka ŋiarei.

Awos. 24:5

Ani kedau ŋun, abu kiyakiya ŋisorok a Ŋisirael, toloto ŋul inakis Ekapolon ŋainakineta ŋuna epeyo ka ŋamuronisya ŋuna a ŋimoŋin a ŋulu apolounok ikwapei ŋainakineta ŋuna ka akimorikina ke Ekapolon.

Awos. 27:1

“Toduk a ŋakito ke eewoi Namuroet. Emaikina erae ŋina eriyan ŋiwaetin ŋuluomwon daadaŋ, erae ŋisepyon ŋimitae ŋiarei, torae kiŋaren ka neni iteotor ŋimitae ŋiarei, ido aoyau alokwap tari kidiama torae emita epei.

Isa. 64:5

Ibunene iyoŋ akiŋaranakin ŋulu itiyaete ŋuna iyookino, ŋulu etamunito akiwuapit ŋakiro kon. Nai ibu iyoŋ toŋo, ido aponi isua tosecae, aŋuna ibunio iyoŋ kiwua ereet kon, aponi isua tobilae ŋikisila.

Ŋilep. 17:9

ido nyeyau lopuke ke eema a ŋolo ilipere, ainakin neni ke Ekapolon, emaikina ituŋanan ŋin kiritarae alotuŋa.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Mat. 18:20

Anerae neni ecunakin ŋiarei kori ŋiuni alokiro kaŋ, ayakaun ayoŋ kidiŋ kec.”

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Ŋikis. 12:11

emaikina nai iyes yaut ŋiboro daadaŋ ŋulu adau ayoŋ alimokin iyes nakibois ŋina eseuni Ekapolon Akuj kus akiboiyo, iyaunete iyes nen ŋainakineta kus ŋuna epeyo, ŋamuronisya kus atutubet apei alotooma ŋitomon a ŋiboro kus, ŋainakineta kus ka ŋainakineta kus daadaŋ ŋuna ajokak ŋuna ipotu iyes kikoŋo ainakin neni ke Ekapolon.

Ŋikis. 12:21

Ani kelwana aneni kus akibois ŋina abu Ekapolon Akuj kus toseu toyakaun ekiro keŋ, ido toara iyes lopite ŋolo adaunia ayoŋ akicik iyes ibarasit anaatuk, kori anamesekin kus idio ŋini ikiinak Ekapolon iyes, ipedorete iyes akinyam iŋes alotooma ŋitaunio kus apaki daadaŋ ŋina icamitotor iyes.

Ŋikis. 12:5

Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 14:23

Tonyama atutubet apei alotooma ŋitomon a ŋikinyom kus, a epiini kus, a akimyet kus kaapei ka ŋikiyae a ŋaatuk ka a ŋamesekin kus, tonyama ikes alokiŋaren Ekapolon Akuj kus, anakibois a ŋina ebuni iŋes aseun aruwor neni ilipere enyaritae ekiro keŋ, kitiyata ŋun ikotere iyenuniata akitopoloorit Ekapolon Akuj kus jwi jwi.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 26:2

emaikina iyes tolemut alokinyom a daadaŋ ŋaraito ŋuna esyaunak ŋadi ŋuna itaunete iyes anakwap a ŋina ikiini iyes Ekapolon Akuj kus, kiwuakis lobukit, yaasi nakibois ŋina eseuni Ekapolon Akuj kus aruwor neni ilipere iŋes.

Ŋikis. 7:13

ikiminakini iŋes iyes, ikiterereŋi iŋes iyes ka ikitipituni iŋes iyes; iterereŋi iŋes ŋidwe kus ka ŋinyomen a ŋimanikorin kus lu: Ŋikinyom, epiini ka akimyet; ikiterereŋi iŋes iyes ikitabar a ŋaatuk ka ŋamesekin anakwap a ŋina abu iŋes kikoŋ neni a atapapaa kus atemar ikiinakini iyes.

1 Tim. 2:8

Eitanit nai ayoŋ atemar anakiboisyo a daadaŋ, a ŋuna ilipyata Ŋikristo, itemokino ŋikilyok kilipa ikiarito ŋakan ŋuna emam asecit; tomam aŋoit kori ebura eyakatar.