Awos. 20:23 - Ebaibul

²³ Nyitiyaut aŋuna kus ŋakujo kilipete neni kec, ido kilipete neni kaŋ daŋ, nyemaikina iyes kitiyaut aŋuna kus ŋakujo tari alosilipa, kori alogolid.

Awos. 20:23 Iomraidhean Croise

2 Ŋirw. 17:33

Iŋes atemar elipeneneete ikes neni ke Ekapolon nai elipineneete daŋ neni a ŋakujo kec iwuapito ŋitalyo ŋulu a ŋakwapin a ŋuna ayaunere ikes.

2 Ŋirw. 17:41

Kire elipete ŋituŋa a ŋakwapin a ŋun neni ke Ekapolon, nai elipeneneete daŋ neni a ŋitorubei a ŋulu ecyeununeete ikes. Tari tokona eriŋa ŋidwe kec ka ŋidwe a ŋikecedwe erubakinito iwuapito ŋipitesyo atapapaa kec.

Awos. 32:31

Aŋun, abu Moses toboŋo neni ke Ekapolon tema, “Okoe, Ekapolon, aseca ŋituŋa kon nooi; etiyaut aŋuna kec akuj alogolid.

Awos. 34:17

“Nyiyeununut ŋitorubei a ŋakujo ŋuna eburusiyarete a ŋasuwa.

Esek. 20:39

“Okoe Ŋisirael, ŋakiro ŋuna irworo Ekapolon Akuj aŋuna kus ikes nu, ‘Apesi kitiyanakisi ŋakujo kus, iyes ŋulu iya ne tokona ka ŋulu epote momit, erae pa kiwuapa ŋakiro kaŋ, nai, nyirubakinete iyes ijamuwarito ekiro kaŋ ŋolo asegan alotooma ayenen ŋainakineta kus neni a ŋakujo.

Esek. 43:8

Apaki ŋina aponiata ŋirwosi a Ŋisirael toduko ŋipukei kec diyete ŋulu kaŋ ka kiwuanakis ŋakito ŋuna anawae ka ŋuna alokidiama ŋipukei diyete ŋuna kaŋ, toruwor arwatata bon eyai kidiŋ kaŋ ka ikes, apotu ikes apaki ŋin tomunaasi ekiro kaŋ ŋolo asegan anakitiya asiilyo. Aŋun, abu ayoŋ anaŋoit kaŋ omunya ikes.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 5:4

Apotu ikes tomata epiini kipuro ŋakujo ŋuna etiyaunitae a egolid, a esilipa, a eburonis, a asuwat, a akitoe ka amoru.

Ŋilep. 19:4

Nyilipa neni a ŋakujo a ŋunacaryo, kori nyitiyaut anasuwa ŋitorubei a ŋakujo kus. Arae ayoŋ Ekapolon Akuj kus.

Sepan. 1:5

Amunyari ayoŋ ŋulu edokanerete nakais akilip neni a akoloŋ, a elap ta neni a ŋikacer; amunyari ayoŋ ŋulu eryedikete kikoŋo ekiro ke Ekapolon, nai kikoŋete daŋ ekiro ka akuj a ŋina enyaritae Milikom;

Ŋikis. 27:15

‘Ilamam ituŋanan daadaŋ ŋini itiyauni etorube a akuj, kori etorube edio ca daadaŋ, kori ibore ca daadaŋ ŋini eŋerit Ekapolon, ibore ŋini icieunitae, ido kilip neni keŋ anakimunono.’ Eboŋokinete ŋituŋa daadaŋ temasi, ‘Kiyookin ŋun.’

Ŋikis. 29:17

Iŋolikis iyes ŋiboro kec lu ŋulu eŋeritoe: Ŋitorubei a ŋakujo ŋulu etiyaunitae a ŋamoru ka ŋakito, a esilipa ka egolid, ŋitorubei ŋulu aya nakwap kec.

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.

Ŋikat. 17:3

Abu nai Mika kinyakak ŋisilipae ŋulu arae aliput ka amiat neni a toto keŋ, tosodi toto keŋ tolimu tema, “Etaleikini ayoŋ ŋisilipae lu neni ke Ekapolon aŋuna alokoku kaŋ, kitiyaunere etorube a akuj ŋolo itiyaunitae anasuwa.”