Awos. 20:2 - Ebaibul

² “Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Awos. 20:2 Iomraidhean Croise

1 Ŋirw. 18:39

Ani iŋolikinete ŋituŋa daadaŋ ŋun, toramakinos kwap, kijuuroto, temasi, “Erae Ekapolon Akuj kire! Erae Ekapolon Akuj kire!”

2 Ŋirw. 17:12

Apotu kilipa ŋakujo ŋuna sek alimokinit Ekapolon ikes atemar toceito ilipete.

2 Ŋirw. 17:7

Apotu ŋun kitiyakinos, anerae asecito Ŋisirael aneni ke Ekapolon Akuj kec a ŋina ayauni ikes tolomunia anakwap a Ijipit, yau ikes anapedor a Parao a ŋolo epukat Ijipit. Kepotu Ŋisirael tolomakis akilip neni a ŋakujo,

2 Ŋakiro a ŋirwa 28:5

Aŋakiro a ŋun, abu Ekapolon Akuj keŋ tojalak Aas neni a erwosit ka Aram, a ŋolo abu kitiji iŋes kilou ka torik ŋituŋa ka Aas ŋulu alalak nooi, ya Damasko. Abu Ekapolon kipotok Aas neni a erwosit a Isirael a ŋolo abu kitiji iŋes kilou ka toar ŋituŋa ka Aas ŋulu alalak.

Ŋikiru. 50:7

“Topupokisi, okoe ŋituŋa kaŋ, ido erworikini ayoŋ. Okoe Ŋisirael, alimuni ayoŋ ŋakiro ŋuna eketoroniyaritor iyes. Arae ayoŋ Akuj, Akuj kus.

Ŋikiru. 81:10

Arae ayoŋ Ekapolon Akuj kus, ŋina abu okoyau iyes eketipeunio anakwap a ŋina a Ijipit; toruworos ŋulu ikinyoma, ido akainakini ayoŋ iyes ŋiboro ŋulu ajokak.

Ŋikiru. 81:11

“Nai apotu ŋituŋa kaŋ nyiirasi ŋuna erworo ayoŋ; apotu Ŋisirael nyekewuapa ayoŋ.

Ŋikiru. 81:7

Alocan kus ipotu iyes itonyarata ayoŋ, ido abu ayoŋ okoiu iyes, abu ayoŋ okoboŋok iyes anakibois a ŋina emunono a ŋina ayai neni agiro; abu ayoŋ ekekatak iyes apaki ŋina iyakatar locowae ŋulu a Meriba.

Awos. 13:14

Ani momit kikiŋit iyoŋ ikoku kon ebe, ‘Nyo apolou a ŋasuban a nu?’ Toboŋok iyoŋ iŋes ebe, ‘A apedori a ŋina ke Ekapolon, abu iŋes ikiyau isua alo Ijipit, anapitoonut.

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 15:13

Anamina kon a ŋina nyiryaŋiryaŋa, itenari iyoŋ ŋituŋa kon ŋulu idau iyoŋ alakun. Anagogoŋu kon ke elope, itenari iyoŋ ikes nakibois kon ŋina asegan.

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 20:1

Kirwor nai Akuj ŋakiro nu daadaŋ tema,

Awos. 29:46

Eyenunete ikes atemar arae ayoŋ Ekapolon Akuj kec, ŋina abu oyau ikes anakwap a Ijipit, ikotere apedori ayakaun neni eyakasi ikes. Arae ayoŋ Ekapolon Akuj kec.”

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Isa. 43:3

anerae arae ayoŋ Ekapolon Akuj kus, Akuj ŋina asegan ŋina a Isirael, ekaiunan kus. Ajali ayoŋ Ijipit aŋuna ka alacakinia iyes, ajali ayoŋ Esiopia ka Seba aŋuna ka akilokonyunia iyes.

Yer. 16:14

Aŋun, adau Ekapolon alimun ŋakiro nu atemar eponito kire ŋirwa ŋulu nyikoŋioto nabo ŋituŋa a ekiro kaŋ ebasi, “Ikwapei eyarya Ekapolon ŋolo etipeunio ŋituŋa a Isirael anakwap a Ijipit,”

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Yer. 31:1

Alimu Ekapolon ebe, “Apaki ŋin aruwor ayoŋ Akuj a ŋikalya a daadaŋ a ŋulu a ŋituŋa a Isirael, ido eruworosi ikes ŋituŋa kaŋ.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 34:13

“Alimu ayoŋ Ekapolon Akuj a Ŋisirael atemar, abu ayoŋ elope ocamunos ka atapapaa kus apaki ŋina ayaunia ayoŋ ikes anakwap a Ijipit, anakwap a ŋina ka apitoonut, abu ayoŋ otema,

Esek. 20:19

Ayoŋ Ekapolon arae Akuj kus; kiwuapa ŋikisila kaŋ ka kiwuapa icoikinito nooi ŋakiro ŋuna akalimok ayoŋ iyes atemar kiwuapa.

Esek. 20:5

ka tolimok ikes atemar ŋakiro ŋuna irworo Ekapolon ikes nu, ‘Akoloŋit ŋina aseunia ayoŋ Ŋisirael, abu ayoŋ ekoŋ neni a ŋiletok a ekal a Yakob, etoodikin neni kec anakwap a Ijipit. Abu ayoŋ ekoŋ neni kec otema arae ayoŋ Ekapolon Akuj kus.’

Esek. 20:7

Abu ayoŋ otema neni kec, ‘Tocaka ŋinituŋanan akuj keŋ ŋina aminaki ka nyimunaasi ŋawat kus anakiwuapit ŋakujo a Ijipit; ayoŋ arae Ekapolon Akuj kus.’

Osea 12:10

Abu ayoŋ erwor aneni a ŋikadwarak, abu etoodyanak ikes ŋakiro ŋuna alalak anakirujaeta, abu ayoŋ olimok ŋituŋa ŋakiro kaŋ aneni a ŋikadwarak.

Osea 13:4

Nai arubakinit ayoŋ arae Ekapolon Akuj kec, ageun ŋinapei anakwap a Ijipit, mam ŋakujo ŋace eyenete ikes mati ayoŋ bon, emam ekaiunan ece mati ayoŋ bon.

Ŋilep. 11:45

Arae ayoŋ Ekapolon ŋolo abu okoyau iyes eketipeunio anakwap a Ijipit, ikotere oruwor Akuj kus; aŋun, toruworos ŋulu isegak, anerae aseg ayoŋ.

Ŋilep. 19:36

Kisitiyata ŋakipimeta ŋuna iyookino, ŋakipimeta ŋuna ka apotis, ŋakipimeta a ibore a ŋini eliit. Arae ayoŋ Ekapolon Akuj kus, ŋina abu akoyau iyes alo Ijipit.

Ŋilep. 23:43

Aŋun, eyenunete ŋipapae kus atemar abu ayoŋ esiboi Ŋisirael losakaitei apaki ŋina ayaunia ikes alo Ijipit. Arae ayoŋ Ekapolon Akuj us.’ ”

Ŋilep. 25:38

Arae ayoŋ Ekapolon Akuj kus, ŋina abu akoyau iyes alo Ijipit ainakin akwap ŋina a Kanaan, ikotere aruwor Akuj kus.’

Ŋilep. 25:42

anerae erae Ŋisirael ŋiketiyak kaŋ, ŋulu abu ayoŋ oyau alo Ijipit, nyemaikina ikes togyelarae esibit ŋipi.

Ŋilep. 25:55

anerae erae Ŋisirael ŋulu kaŋ, ŋiketiyak kaŋ. Erae ikes ŋiketiyak kaŋ ŋulu abu ayoŋ oyau alo Ijipit. Arae ayoŋ Ekapolon Akuj kus.’ ”

Ŋilep. 26:1

“‘Nyitiyaut ŋitorubei a ŋakujo aŋuna kus, nyisiponokis ŋitorubei ŋulu iceunitae, kori ŋipirin, nyiwuanakis ŋamoru ŋuna iceunitae nakwap kus, ido kilipa neni kec; anerae arae ayoŋ Ekapolon Akuj kus.

Ŋilep. 26:13

Arae ayoŋ Ekapolon Akuj kus, ŋina abu okoyau iyes alo Ijipit, ikotere tojoŋoto araakau ŋipi a Ŋijipitian, abu ayoŋ olema ŋatyokisyo ŋuna iyakatar iyes, eketuruwo iyes ŋulu iboiyete emam ŋace.’ ”

Amos 2:10

Nabo abu ayoŋ okoyau iyes anakwap a Ijipit, okorik iyes ŋikaru ŋatomoniomwon analoŋisat, ikotere okoinak iyes akwap a Ŋiamori.

Ŋirom. 10:12

Anerae emam atyaketait eyai kidiŋ Ŋiyudayan ka ŋulu nyerae Ŋiyudayan; erae Akuj apei ka erae Ekapolon a daadaŋ, ido iterereŋi nooi daadaŋ ŋulu ilipete neni keŋ.

Ŋirom. 3:29

Erae mono Akuj ŋina a Ŋiyudayan bon a? Meere mono iŋes Akuj a ŋituŋa a ŋulu nyerae Ŋiyudayan daŋ a? Ee, erae iŋes Akuj a ŋulu nyerae Ŋiyudayan daŋ.

Ŋikis. 13:10

Tocaka iŋes a ŋamoru toara aŋuna acamitor akiteŋer iyoŋ Ekapolon Akuj kon ŋina ikiyauni iyoŋ anakwap a Ijipit anakwap a ŋina ka apitoonut.

Ŋikis. 15:15

Totamunito atemar iirakasi iyes daŋ ŋipi anakwap a Ijipit, ido abu Ekapolon Akuj kus ikilaku iyes, a ŋakiro a ŋun, ekeciki ayoŋ iyes nakoloŋit na akiwuap akiciket na.

Ŋikis. 20:1

Ani ilosete iyes lojie akitijikin ŋimoe kus, ido kiŋolikis atemar elalak ŋaŋolei kec, ŋagaari kec ŋuna iritae a ŋaŋolei ka ŋasigarya a ŋimoe kus akilo ŋuna kus, nyikuryaketa aŋuna kec, anerae irukito iyes ka Ekapolon Akuj kus ŋolo ikitipeunio iyes anakwap a Ijipit.

Ŋikis. 5:15

Totamunito atemar irae koloŋ iyes ŋipi anakwap a Ijipit, ido abu Ekapolon Akuj kus ikiyau iyes anakwap a ŋin ka apedor keŋ a ŋina etiron ka agogoŋ. Aŋun, abu Ekapolon ikicik iyes atamunit akoloŋit ŋina a Sabato.

Ŋikis. 5:6

“Ayoŋ Ekapolon Akuj kus ŋina abu okoyau iyes anakwap a Ijipit, anakibois a ŋina iraakatar iyes ŋipi.

Ŋikis. 7:8

Nai arae aŋuna ikiminar Ekapolon iyes ka aŋuna ewuapitor akiikinet ŋina abu iŋes kikoŋ neni atapapaa kus, ŋakiro ŋun ikes ikiyaunia Ekapolon iyes ka apedor keŋ a ŋina etiron ka ikilaku iyes anakwap a ŋina ka apitoonut, anapedor a Parao a erwosit a Ijipit.

Ŋikat. 2:1

Abu emalaika ŋolo ke Ekapolon kitipeiyo alo Gilgal tari Bokim, tosodi tema, “Abu ayoŋ okoyau iyes alo Ijipit ka okoyau iyes nakwap ŋina abu ayoŋ eik neni atapapaa kus. Abu ayoŋ otema, ‘Erici ayoŋ jik acamunet kaŋ ka iyes.

Ŋikat. 6:10

abu ayoŋ okolimok iyes otema, ‘Arae ayoŋ Ekapolon Akuj kus, nyiryediko kilipa neni a ŋakujo a Ŋiamori a ŋulu iboiyete iyes anakwap kec.’ Nai nyiwuapa iyes ŋakiro kaŋ.”