Awos. 20:12 - Ebaibul

¹² “Tokerite ŋinituŋanan papa keŋ ka toto keŋ, ikotere tolalata ŋirwa ŋulu iboiyoto iyes anakwap a ŋina ikiini Ekapolon Akuj kus.

Awos. 20:12 Iomraidhean Croise

Akisy. 48:12

Kisiyoto nai Yosepu ŋidwe anakejen a papa keŋ, ido toryedik kijuuru todol ereet kwap.

Akisy. 50:12

Apotu ŋidwe a Yakob ŋulusapa kitiyata neni keŋ ŋuna sek ecikakinit iŋes ikes akitiya.

1 Ŋirw. 2:19

Aŋun, abu Basiseba tolot neni a erwosit Solomon akirworikin ka iŋes aŋuna ka Adoniya. Tonyou erwosit kisiryam Basiseba, kijuuru itopoloorit toto keŋ, ido kitayau ituŋanan ekicoloŋ ŋolo iboikin toto keŋ, kiboikin nai toto a erwosit teten erwosit.

2 Ŋirw. 2:12

Abu Elisa kiŋolik ka torubak itekinit, kigworo ebala “Papa! papa! Acanai ŋaŋolei a Isirael ka ŋikametok kec!” Nai ani eŋopiyari Eliya aneni keŋ, tolacu iŋes ŋilowi keŋ, kiberet alokidiŋ.

Awos. 21:15

“Ituŋanan ŋini erami papa keŋ, kori toto keŋ, emaikina toarae.

Awos. 21:17

“Ituŋanan ŋini iceni papa keŋ, kori toto keŋ, emaikina toarae.

Ŋakit. 15:5

Ituŋanan ŋini ebaŋaana, ejamuwari ŋakiro ŋuna itatami papa keŋ iŋes, nai ituŋanan ŋini eesyanakini ŋuna ebookoi toesik eyakar ayenut.

Ŋakit. 17:6

Elakara nooi ituŋanan erae kiboi kiŋolik ŋipapae keŋ, elakara nooi ŋidwe erae keyakatar ŋikauruunak kec.

Ŋakit. 20:20

Ani kicen iyoŋ papa kon, kori toto kon, elomari akiyar kon locan, lopite ŋolo elemarere etaa ŋolo ecai aneni iryono cuc.

Ŋakit. 28:24

Ituŋanan ŋini ekokoe ŋiboro a papa keŋ, kori a toto keŋ, ido tema, “Nyerae ŋun asecit,” erae iŋes irukitos a ŋulu amunyarak.

Ŋakit. 3:16

Ikiinakini aosou iyoŋ akiyar ŋina aoyan, erae ekisil bon eryamuni ituŋanan iwuapit ŋuna ka aosou.

Ŋakit. 30:11

Eyakasi ŋituŋa ŋulu eminasi akicen atapapa kec, ido nyegasete toryamut atatoto kec arereŋu.

Ŋakit. 30:17

Ituŋanan ŋini ite papa keŋ ejamuwarit, ido tojamuwarite akiwuap ŋakiro a toto keŋ, editarete ŋikurukwa ŋakonyen keŋ anakadipaalat, enyamete ŋataruk akuwan keŋ.

Yer. 35:18

“Nai abu Yeremia tolimok ŋituŋa a ateker a Rekab atemar alimu Ekapolon ŋolo a ŋajoresyo, Akuj a Ŋisirael ebe, ‘Aŋuna iwuapyata iyes ŋakiro ŋuna ikicikit papaa kus Yonadab ka aŋuna iwuapyata ŋakiro ŋuna alimuni iŋes daadaŋ ka kitiyata daadaŋ ŋuna abu iŋes ikicik iyes,

Yer. 35:7

nyemaikina iyes toduko ŋakais, kori toeikis ŋikinyom, nyemaikina daŋ iyes todupa ŋikito a epiini lomanikorin, kori toyakaunotor emanikor ŋolo a ŋikito a epiini, nai emaikina iyes kiboiyoto aloeemae ŋirwa ŋulu akiyar kus daadaŋ, ikotere iboiyete ŋirwa ŋulu alalak anakwap a ŋina iboiyoto iyes.’

Esek. 22:7

Alotooma kon Yerusalem nyeriŋa ŋituŋa ekerito atapapa kec, kori atatoto kec; alotooma kon Yerusalem, iteryamunito iyes ŋigelaanotin ŋican ka isicanito iyes ŋikokyok ta ŋapuseru.

Ŋilep. 19:3

Emaikina ŋinituŋanan alokidiŋ kus kitopoloorite toto keŋ ka papa keŋ, ido totamunite akoloŋit ŋina a Sabato. Arae ayoŋ Ekapolon Akuj kus.

Ŋilep. 19:32

“‘Tonyoutu epote neni kus ŋituŋa ŋulu emojoŋito, kitoodiutu atemar itopoloorito iyes ŋulu emojoŋito ka itopoloorito iyes Akuj kus. Arae ayoŋ Ekapolon.

Mal. 1:6

Ebala Ekapolon ŋolo Etiron neni a ŋisacaradotin ebe, “Itopoloorit ikoku ŋinisapat papa keŋ ka itopoloorit eketiyan ekapolon keŋ. Arae ayoŋ papa kus, kaanukiro nyikitopolooritotor iyes ayoŋ? Arae ayoŋ Ekapolon kus, kaanukiro nyikikeritotor iyes ayoŋ? Ikijamuwarito iyes ayoŋ, ido ibasi iŋitasi ebe, ‘Alipite ikijamuwarya isua iyoŋ?’

Mat. 19:19

Tokerite papa kon ka toto kon, ka tomina ekidunyet kon ikwaŋina iminar iyoŋ akonikuwan.”

Mar. 10:19

Iyeni iyoŋ Ŋakiciketa: ‘Nyiar, nyilom, nyikoko, nyisudi ŋakiro, nyitunae ka tokerite papa kon ka toto kon.’”

Mar. 7:10

Anerae abu Moses tema, ‘Kitopoloorite papa kon ka toto kon; abu nabo iŋes tema, iŋes ŋini iceni papa keŋ kori toto keŋ, itemokino totwan jik.’

Luk. 18:20

Iyeni iyoŋ Ŋakiciketa, ‘Nyilom, nyiar, nyikoko, nyisudi ŋakiro, tokerite papa kon ka toto kon.’ ”

Ŋiep. 5:21

Topuponoros make aŋuna ka akerit kus Kristo.

Ŋikis. 11:8

Kiwuapa nai ŋakiciketa daadaŋ ŋuna ekecik ayoŋ iyes akiwuap nakoloŋit na, ikotere iryamuniata agogoŋu ŋinalomaret ka ŋinakikamaret akwap ŋina ilosete iyes akiboiyo alokekwaye Yorodan

Ŋikis. 11:9

ka ikotere iboiyete ekaoyan anakwap a ŋina abu Ekapolon kikoŋ neni atapapaa kus ainakin ikes ka ŋiletok kec, akwap ŋina elelyaata ŋakile ka ao,

Ŋikis. 21:18

Ani keyakar ituŋanan ikoku ŋini esyaan ka ŋini eŋerono, ŋini nyiwuapit ŋakiro a papa keŋ ka toto keŋ, ŋini nyecamit ŋuna itatamete ŋikauruunak keŋ iŋes,

Ŋikis. 25:15

Emaikina iyes toyakatar akipimet apei bon ŋina ileleba ŋina ipimi ejok, toyakatar akipimet ŋina ipimi ibore ŋini itemokino, ikotere elalaketa ŋirwa ka akiyar kus anakwap a ŋina ikiinakini Ekapolon Akuj kus iyes,

Ŋikis. 27:16

“‘Ilamam ituŋanan daadaŋ ŋini nyitopoloorit papa keŋ ka toto keŋ’ Eboŋokinete ŋituŋa daadaŋ temasi, ‘Kiyookin ŋun.’

Ŋikis. 32:47

Nyerae ŋakiro ŋun ŋakoŋinae, erae ŋakiro ŋuna ka akiyar kus, ŋakiro ŋun iŋes ipedoryata iyes akiyar apaki ŋina aoyan anakwap a ŋina idokarete iyes alokekwaye a ŋolol Yorodan akituruwor ŋina kus.”

Ŋikis. 4:26

anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.

Ŋikis. 4:40

Kiwuapa ŋakiro keŋ ŋuna etubunitoe ka ŋakiciketa keŋ ŋuna ekecik ayoŋ iyes nakoloŋit na akiwuap, kiwuapa ikes aŋuna ka alakara kus ka aŋuna ka alakara a ŋiletok kus, ikotere iyes iboiyete akaoyan anakwap a ŋina elosi Ekapolon Akuj kus ainakin iyes toruwor ŋina kus ŋikaru ka ŋikaru.

Ŋikis. 5:16

“Tokerite ŋinituŋanan papa keŋ ka toto keŋ, lopite ŋolo ikicikia Ekapolon Akuj kus iyes, ikotere tolalata ŋirwa ŋulu iboiyoto iyes, ido tomam ŋace aneni kus anakwap a ŋina ikiini Ekapolon Akuj kus.

Ŋikis. 5:33

Emaikina iyes kiwuapa jik ŋakiro ŋuna ikicik iyes Ekapolon Akuj kus akiwuap, ikotere iboiyete emam ŋace ka ikotere iboiyete apaki ŋina aoyan anakwap a ŋina ipote iyes akituruwor ŋina kus.

Ŋikis. 6:2

Ikotere iyes ka ŋidwe kus ta ŋidwe a ŋidwe kus, itopoloorito Ekapolon Akuj kus ŋirwa ŋulu ka akiyar kus daadaŋ, kiwuapa ŋakiro ŋuna etubunit iŋes daadaŋ ka ŋakiciketa keŋ ŋuna ekeciki ayoŋ iyes akiwuap, ikotere tolalata ŋirwa a akiyar kus.

Ŋikol. 3:20

Ŋidwe, topupete ŋikauruunak kus alopitesyo a daadaŋ, anerae italakarito ŋun Akuj.

Rus. 3:6

Tolot Rus nalos, kitiya ikwaŋinapei alimokinitor tata keŋ iŋes.

1 Sam. 22:3

Torotok Daudi a nen tolot Misipe nakwap a Moab. Tema iŋes neni a erwosit a Moab, “Ekapolon, kimyek kare ca papa kaŋ ka toto kaŋ potu akiboi ka iyoŋ, akitodol ŋina ayenunia ayoŋ ŋuna itiyakini Akuj aŋuna kaŋ.”