Awos. 20:11 - Ebaibul

¹¹ anerae ŋirwa ŋikanikapei, abu Ekapolon kitiya, tosub nakuj, akwap, anam ka ibore daadaŋ ŋini eyai tooma kec. Aŋun, abu Ekapolon kiterereŋ akoloŋit ŋina a Sabato kitesegu.

Awos. 20:11 Iomraidhean Croise

Akisy. 1:28

Kiterereŋ Akuj ikes; tolimok tema, “Touryata, topita, kilelebun nakwap kipukata iŋes; kipukata ŋityaŋ ŋulu ka anam, ŋikyeny daadaŋ ka ŋityaŋ daadaŋ ŋulu elosete ta ŋulu elyato.”

Akisy. 1:31

Toanyu Akuj ibore daadaŋ ŋini abu iŋes tosub, toryamu kire ejokak nooi. Toyakaun ataboŋ ka toyakaun ataparacu, arae ŋin akoloŋit ŋina a ŋakanikapei.

Awos. 31:17

Erae akoloŋit ŋin ŋina itoodikinit Ŋisirael kaapei ka ayoŋ atemar, abu Ekapolon tosub nakuj ka akwap, ido abu kieŋu akoloŋit ŋina a ŋakanikaarei nyitiya etic edio.’ ”

Awos. 8:22

Nai akoloŋit ŋin, nyepete ŋicuc ŋul nakwap a Gosen, neni iboiyoto ŋituŋa kaŋ, ŋun nai ikitoodikinete iyoŋ atemar ayoŋ Ekapolon ayakar apedor anakwap.

Awos. 9:29

Tema Moses neni keŋ, “Alomar a ne alotaun bon, ekyaari ayoŋ ŋakan kaŋ neni ke Ekapolon; ido todaun agiro ka mam nabo ŋakako eyakaun. Aŋun, iyenuni iyoŋ atemar erae akwap daadaŋ ŋina ke Ekapolon.

Isa. 42:10

Toeikisi eete ŋolokitete neni ke Ekapolon, toeikisi ipurosi iŋes anakisaleta ka akwap. Iyes ŋulu ilosete ananam kipuro Ekapolon, iyes ŋisubuna daadaŋ ŋulu iyarete alotooma anam kipuro Ekapolon, iyes ŋituŋa ŋulu iboiyete alodiyete anam kipuro Ekapolon.

Isa. 48:13

Arae ayoŋ asubuni akisyakinet a akwap, ayoŋ apetakini kidiama. Ani kanyara ayoŋ akwap ka kidiama epote ikes neni kaŋ.

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋitic. 20:7

Akoloŋit ŋina ke Esabit, apaki ŋina ikiyakar isua iwapei akinumunum Akimuj ŋina ke Ekapolon, abu Paulo kirwor neni a ŋikanupak a ŋulu a nen akitodol kidiŋ akuwar, aŋuna arotokinitor iŋes taparacu keŋ.

Ŋitic. 4:24

Ani iirarete ikes ŋakiro ŋun, kikeut daadaŋ ŋitoilon kec kaapei, kilipa neni ka Akuj temasi, “Ekapolon ka ekasuban nakuj, akwap ka anam ta ŋinibore eyai tooma kec daadaŋ!

Ŋikis. 5:15

Totamunito atemar irae koloŋ iyes ŋipi anakwap a Ijipit, ido abu Ekapolon Akuj kus ikiyau iyes anakwap a ŋin ka apedor keŋ a ŋina etiron ka agogoŋ. Aŋun, abu Ekapolon ikicik iyes atamunit akoloŋit ŋina a Sabato.

Ŋibur. 4:4

Anerae igiritae iwace a Nakigireta ŋakiro ŋuna ka akoloŋit a ŋina a ŋakanikaarei ikona, “Abu Akuj kieŋu akoloŋit ŋina a ŋakanikaarei alotic keŋ a daadaŋ.”

Akis. 10:6

Abu iŋes kikoŋ alokiro ka Akuj a ŋina eyari ŋikaru ka ŋikaru, a ŋina asubuni nakuj, akwap, anam ka ibore daadaŋ ŋini eyai tooma kec; tema, “Emam nabo apaki ace ŋina idaryo.”