Awos. 2:23 - Ebaibul

²³ Kelunyar apaki ŋina aoyan, abu erwosit a Ijipit totwana. Apaki ŋin, aryebasi Ŋisirael aŋuna ka apitoonut, apotu ikes kikalout, ido anakigworo kec a ŋin, eitanito akiŋarakino ka abu akigworo kec todol neni ka Akuj.

Awos. 2:23 Iomraidhean Croise

Akisy. 16:11

Tolimok emalaika ke Ekapolon iŋes tema, “Kiira, ipoti iyoŋ, ka idouni iyoŋ isapat; tolimok ekiro keŋ Isimael, anerae eira Ekapolon ŋakiro a ŋican kon.”

Akisy. 4:10

Kiŋit Akuj iŋes tema, “Nyo itiya iyoŋ? Igworosi neni kaŋ ŋaokot alokaato kon analup.

Neem. 9:9

“Ibu iyoŋ kiŋolik ŋican atapapaa kosi alo Ijipit ka ibu kiira akigworo kec ananam a ŋina Areŋan.

Yob 35:9

“Aŋuna etalalata ŋituŋa akisicanit ŋuluce, iŋitasi ikes akiŋarakino toiunere ikes anapedor a ŋikadedeŋak.

Ŋikiru. 102:1

Okoe Ekapolon, kiira akilip kaŋ; topupok akigworo kaŋ aŋuna ka akiŋarakino.

Ŋikiru. 102:2

Nyikiesik ayoŋ apaki ŋina ayakar locan. Topupok ŋakiro kaŋ; toboŋokinoe ayoŋ atipei apaki ŋina akanyaraa,

Ŋikiru. 12:5

Ebala Ekapolon ebe, “Aŋuna eteryamunere ŋikulyak ŋican, aŋuna isiyaloloŋere ŋulu eyakatar akiitanit, abuni tokona ayoŋ oinak ikes aiuno ŋina iitanito.”

Ŋikiru. 18:6

Abu ayoŋ alocan kaŋ onyara Ekapolon, abu ekalou neni ka Akuj kaŋ akiŋarakino, Abu Akuj alo Kai keŋ kiira etoil kaŋ, abu iŋes kiira akigworo kaŋ.

Awos. 1:14

Kitakadakis Ŋijipitian Ŋisirael nooi aŋuna aponiata kitiŋakis ikes etic ŋolo agogoŋon nooi; ikwapei amuna ecoto ka akiram ŋamatapali ta ŋiticisyo ŋice ŋulu a ŋimanikorin. Aryanyaaka Ŋijipitian nooi isitiyaete Ŋisirael ŋiticisyo ŋuluce daadaŋ.

Awos. 4:19

Aris sek Ekapolon kelimoki Moses alo Midian ebe, “Toboŋo Ijipit, anerae atwaka daadaŋ ŋulu paaran acamito akiar iyoŋ.”

Awos. 6:5

Adau daŋ ayoŋ akiirar akigworo a Ŋisirael a ŋulu etiŋitae alo Ijipit erae ŋipi, ido atamu ayoŋ Acamunet kaŋ ka ikes.

Awos. 6:9

Abu nai Moses tolimok Ŋisirael ŋakiro ŋun, nai apotu ikes nyepupokis ŋuna abala Moses aŋuna abunio akigeno todaun aneni kec ka aŋuna ke epite a ŋolo ka apitoonut kec a ŋina esicanitere ikes nooi.

Awos. 7:7

Arae ŋikaru a Moses ŋatomonikanikauni ka arae ŋikaru ka Aron ŋatomonikanikauni ka ŋiuni apaki ŋina esirworyata ikes Parao.

Isa. 19:20

Eruwor epir ŋol akitoodikinet ka esuuda aŋuna ke Ekapolon a ŋolo a ŋajoresyo anakwap a Ijipit. Ani ikaloikinete ikes Ekapolon aŋuna a ŋituŋa a ŋulu isicanito ikes, iyakikini Ekapolon ikes ekaiunan, ido eji ekaiunan ŋol aŋuna kec ka elakuni iŋes ikes.

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Ekim. 20:16

ido ani ikaloikinio isua Ekapolon, abu kiira akigworo kosi, tosodi kiyaku emalaika keŋ, ŋolo abu ikiyau isua anakwap a Ijipit, ikiya tokona isua ne Kades, lotaun ŋolo eyai lokukoru a akwap kon.

Ŋitic. 7:30

“Tolunyaros nabo ŋikaru ŋatomoniomwon. Totakanu emalaika neni keŋ anamoni a ŋina anoki analoŋisat a ŋina ke emoru Sinai.

Ŋikis. 24:15

Emaikina iyes totaca ikes eropit kec a ŋinakoloŋit eriŋa akoloŋ nyedoiyoro, anerae ekulyakaka ikes ka erae lolejilej iŋes eyarikinito ikes, acepaki igworokinete ikes Ekapolon ikicenete iyes, ido iyakaunotor iyes ekaile ŋolo ka asecit.

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.

Ŋikat. 4:3

Apotu nai Ŋisirael kigworokis Ekapolon iŋitasi akiŋarakino, anerae ayakar Yabin ŋagaari ŋuna etiyaunitae a ŋasuwa ŋuna eritae a ŋaŋolei ŋamiae ŋakanikaomwon, ido abu kisican Ŋisirael neni aronon ya ŋikaru ŋatomoniarei.

1 Sam. 12:8

Ani kedaut Yakob ka ŋidwe keŋ ŋulusapa akiboikin nakwap a Ijipit, apotu Ŋijipitian kiteryamut ikes ŋican, aŋun, apotu atapapaa kus kikalout neni ke Ekapolon, ido abu Ekapolon kiyakiya neni kec Moses ka Aron, ŋulu apotu yaut ikes alo Ijipit; kisiboikis ikes nakwap na.

1 Sam. 9:16

“Moi taparacu apaki napei na, eyakuuni ayoŋ neni kon ekile ŋolo ebunit anakwap a Benjamin, ido emaikina iyoŋ kiosak akimyet lokile ŋol, toruwor iŋes ekepukan a ŋituŋa kaŋ a Ŋisirael. Eiuni iŋes ŋituŋa kaŋ anakan a Ŋipilistin; anerae eŋolik ayoŋ ŋican ŋulu eryamunito ŋituŋa kaŋ ka adolu akigworo kec neni kaŋ.”