Awos. 2:22 - Ebaibul

²² Abu Sipora kidou, ikoku ŋinisapat, tolimok Moses ekiro a ikoku a ŋin Gerisom, ebala, “Arae ayoŋ egelaanot anakwap a ŋinagela.”

Awos. 2:22 Iomraidhean Croise

Akisy. 23:4

“Arae ayoŋ egela, ŋolo abunit aiwace, ido ikiboi ka iyes, inakinae ayoŋ ŋadilup ogyel onukanakini ŋikatwak, onukak daŋ tokona aberu kaŋ ojoŋo akitere.”

1 Ŋakiro a ŋirwa 16:20

apaki ŋina erimitotor ikes anakwapin ka anapukasinei.

1 Ŋakiro a ŋirwa 29:15

Iyeni iyoŋ Ekapolon atemar ikilosi isua anakiyar a na ikwa ŋipeyok ka ŋigelaanotin lopite ŋolo koloŋ atapapaa kosi. Ikwaan ŋirwa kosi anakwap ka etorube, ido ikimamukar isua akigeno.

Ŋikiru. 119:19

Eboi ayoŋ anakwap arae igelaanot; nyiwua aneni kaŋ ŋakiciketa kon.

Ŋikiru. 39:12

Kiira akilip kaŋ okoe Ekapolon, topupok akigworo kaŋ, ido ikiŋarak, nyiwou akiirar akigworo kaŋ, anerae ikirukit ayoŋ ka iyoŋ arae ekaloton, arae ayoŋ egelaanot lopite ŋolo araakatar atapapaa kaŋ daadaŋ ŋigelaanotin.

Awos. 2:10

Ani epolouni ikoku, ya aberu ŋin iŋes neni anakoku a Parao, ido abu nakoku a Parao ya idya ŋin erae lokoku keŋ. Tolimok ekiro keŋ Moses ebala, “Alemuni ayoŋ iŋes anakipi.”

Awos. 22:21

“Nyemaikina iyes tobolyatar, kori kisiyaloloŋo ituŋanan ŋinigela ŋini iboiyete ka iyes; anerae iraakasi paaran iyes daŋ ŋigelae anakwap a Ijipit.

Awos. 4:20

Aŋun, abu Moses torotokinio aberu keŋ ka ŋidwe kec ŋulusapa, kitodokak ikes losigirya toboŋosi Ijipit. Totiŋ iŋes ebela ŋolo alimokinit Akuj iŋes atemar totiŋ.

Ŋilep. 25:23

Nyemaikina iyes togyelakis ituŋanan ŋalup toruworos ŋuna keŋ jik, anerae erae ŋalup ŋuna kaŋ, irae iyes ŋigelaanotin nai ŋikepaŋgak ŋalup kaŋ.

Ŋitic. 7:29

Ani iirari Moses ŋakiro ŋun, tosi todoki nakwap a Median, neni abunio iŋes kiboiyo, touruunia ŋisapa ŋiarei.

Ŋikat. 18:30

Apotu nai ŋituŋa a Dan kiwuakis etorube a akuj nen a ŋuna kec. Arae Yonasan lokoku a Gerisom, a ŋolo arae lokoku a Moses kaapei ka ŋidwe keŋ ŋulusapa ikes arae ŋisacaradotin a ŋituŋa ekabila a Dan akitodol apaki ŋina erikorere ŋituŋa kec nakwapin.

1 Sam. 1:20

Aŋun nai, abu Ana topoti, kidou ikoku ŋinisapat. Tolimok Ana ekiro a ikoku Samuel, anerae abu iŋes tema, “Abu ayoŋ eŋit Ekapolon ainakin ayoŋ ikoku.”