Awos. 2:10 - Ebaibul

¹⁰ Ani epolouni ikoku, ya aberu ŋin iŋes neni anakoku a Parao, ido abu nakoku a Parao ya idya ŋin erae lokoku keŋ. Tolimok ekiro keŋ Moses ebala, “Alemuni ayoŋ iŋes anakipi.”

Awos. 2:10 Iomraidhean Croise

Akisy. 16:11

Tolimok emalaika ke Ekapolon iŋes tema, “Kiira, ipoti iyoŋ, ka idouni iyoŋ isapat; tolimok ekiro keŋ Isimael, anerae eira Ekapolon ŋakiro a ŋican kon.”

Akisy. 4:25

Kiryamakin nabo Adam ka Epa, kidou Epa isapat tolimok ekiro Set, anerae abu iŋes tema, “Akainaki ayoŋ Ekapolon ikoku ice ŋini ilunyokin lorot ka Abel a ŋolo abu Kain toar.”

Akisy. 48:5

Aŋun, ŋidwe kon ŋuluarei ŋulusapa ŋul, ŋulu ibu iyoŋ touru alo Ijipit eriŋa ayoŋ nyebuno neni kon nakwap a Ijipit, erae ikes ŋidwe kaŋ. Erae Epuraim ka Manase ŋidwe kaŋ; ikwapei eraakatar Ruben ka Simeon ŋidwe kaŋ.

2 Sam. 22:17

“Abu Ekapolon bu alokidiama kwap, ekekamu ayoŋ, abu ekeriu ayoŋ anakipi a ŋuna eleleba neni acukul.

Awos. 2:9

Tema nakoku a Parao neni ka aberu a ŋin, “Ya ikoku en kitanak aŋuna kaŋ, akataci ayoŋ iyoŋ.” Aŋun, abu aberu ŋin ya ikoku kitanak.

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Ŋigal. 4:5

aŋuna ka alakun ŋulu ipukato Ŋikisila, ikotere iwon ikiruwor ŋidwe ŋulu ka Akuj.

Ŋibur. 11:24

Anupit iŋes aŋeryo Moses anyarao lokoku a nakoku ke erwosit a ŋolo a Ijipit apaki ŋina apolounio iŋes.

1 Yoa. 3:1

Toanyutu iyes epite ŋolo ikiminar iwon Akuj Papa! Amina ŋin, iŋes ikinyaritere iwon ŋidwe ka Akuj, ikirae kire ŋidwe keŋ. Nyikiyeni akwap iwon, anerae nyeyenuna iŋes Akuj.

1 Sam. 1:20

Aŋun nai, abu Ana topoti, kidou ikoku ŋinisapat. Tolimok Ana ekiro a ikoku Samuel, anerae abu iŋes tema, “Abu ayoŋ eŋit Ekapolon ainakin ayoŋ ikoku.”