Awos. 19:9 - Ebaibul

⁹ Tema nai Ekapolon neni a Moses, “Abuni ayoŋ neni kon ayai lodou ŋolo nyecaor, ikotere ŋituŋa ekeirasi ayoŋ erworo apaki ŋina ikirworikinia iwon, ido ikikinyomete iyoŋ ŋituŋa jik ekaku a nu.” Ani kedau Moses alimokin Ekapolon ŋakiro ŋuna abasi ŋituŋa,

Awos. 19:9 Iomraidhean Croise

1 Ŋirw. 8:12

Tema nai Solomon, “Edaunit sek Ekapolon alimor atemar eboiyenene iŋes alodou a ŋolo nyecai.

2 Ŋakiro a ŋirwa 20:20

Tonyout ŋituŋa a Yudaya ka ŋituŋa a Yerusalem taparacu sek, toloto naloŋisat ŋina a Tekoa, ani erotokinete ikes, towo Yeosapat tema, “Kiirasi ŋakiro kaŋ, iyes ŋituŋa a Yudaya ka ŋituŋa a Yerusalem. Tonupa neni ke Ekapolon Akuj kus, ikotere torubakis ititiny; tonupa ŋakiro ŋuna irworosi ŋikadwarak keŋ, ikotere ilounete ŋimoe kus.”

2 Ŋakiro a ŋirwa 6:1

Tema nai Solomon, “Edaunit sek Ekapolon alimor atemar eboiyenene iŋes anadis a ŋina nyecai.

Ŋikiru. 97:2

Eyakasi nawaetin keŋ ŋidouwon ka akiryonut ŋina iryono cuc ipukat iŋes alotooma akiyookino ka ŋuna a kire.

Ŋikiru. 99:7

Abu Ekapolon kirwor neni kec eyai lodou; apotu ikes kiwuapa ŋakiro ŋuna abu iŋes totub ka ŋikisila ŋulu abu Ekapolon inak ikes.

Awos. 14:31

Ani iŋolikinete Ŋisirael apedor ŋina apolon ŋina abu Ekapolon kitoodik Ŋijipitian, apotu Ŋisirael tokera Ekapolon, ido kikinyoma iŋes ka Moses eketiyan keŋ.

Awos. 19:16

Ani taparacu edoli akoloŋit ŋina apeniata ŋirwa ŋiuni, toyakaun agiro ka akimilyaa, ido min edou ŋolo pa acaor kidiama emoru. Toru arupepe ŋina arwo nooi ŋina apotu ŋituŋa daadaŋ kiirasi analomar tomaranikis.

Awos. 20:21

Kidoŋo ŋituŋa ewuasi aneni alwanan, nai tolot Moses lomoru, toapiya lodou ŋolo pa acaor, ŋolo ayai neni ayai Akuj.

Awos. 34:5

Bu Ekapolon alokidiama eyai lodou, towua ka Moses alokidiama emoru, kiserau Ekapolon ekiro keŋ ebe, “Arae ayoŋ Ekapolon.”

Awos. 4:31

Tonupa ŋituŋa ŋakiro ŋun; ani iirarete ikes atemar adau Ekapolon akiirar akigworo a Ŋisirael ka eŋolik ŋican ŋulu eryamunito ikes, apotu Ŋisirael toryediko kijuuroto kilipa.

Awos. 4:5

Tema Ekapolon, “Kitiya ŋakiro ŋun, ikes itunupete Ŋisirael atemar kebu totakanu neni kon Ekapolon Akuj atapapaa kec, Akuj a Aburaam, Akuj a Isaka ka Akuj a Yakob.”

Isa. 19:1

Ŋakiro ŋuna adwarit Ekapolon aŋuna a Ijipit ikes nu: “Kiirasi, ebunit Ekapolon eyai kidiama edou ŋolo apiranan, ebunit iŋes Ijipit; emaranikinete ŋakujo a Ijipit alokiŋaren keŋ ka iyalaar ŋitai a ŋituŋa a Ijipit.

Isa. 7:9

Etaun a Epuraim ŋolo apolon iŋes Samaria ka ekapolon ŋolo a Samaria iŋes lokoku a Remalia. Ani pa kigogoŋior iyoŋ ananupit, nyirubakini idaŋidaŋi jik.”

Ekim. 12:5

Abu nai Ekapolon bu neni kec eyai nadis, towo alopuke ke eema a ŋolokilipet, tosodi tonyara Aron ka Miriam, ido toloto ŋuluarei ŋul kiŋaren.

Mat. 17:5

Ani eriŋa Petero irworo, bu edou ŋolo akwaŋan kya, torapuwa ikes aribo kirworik etoil alodou ebala, “Erae lo Lokoku kaŋ ŋolo minat, ŋolo alelyania ayoŋ, topupo iŋes!”

Mar. 9:7

Bu edou, torapuwa ikes aribo, kirworik etoil alodou ebala, “Erae lo Lokoku kaŋ ŋolo minat, topupo iŋes.”

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Ŋikis. 4:10

Totamunito epite ŋolo koloŋ iwuatar iyes alokiŋaren Ekapolon Akuj kus alo Oreb, apaki ŋina akalimokinia iŋes ayoŋ ebe, “Tocunak ŋituŋa aŋuna kaŋ, olimok ayoŋ ikes ŋakiro kaŋ, ikotere ayenunete akitopoloorit ayoŋ ŋirwa daadaŋ ŋulu eyariata ikes anakwap ka topedosi akitatam ŋidwe kec ŋakiro ŋun.”

Ŋikis. 4:36

Abu iŋes ikisiira iyes etoil keŋ ŋolo abunit alokidiama, ikotere iyes iwuapete ŋuna iyookino. Abu iŋes ikitoodik iyes arira keŋ ŋina apolon nooi, ido ipupete iyes etoil keŋ ŋolo abunit anarira.

Akis. 1:7

Kiirasi, ebunit iŋes alodowuon! Eanyuwarete ŋituŋa daadaŋ tari ŋulu ecumete iŋes. Ikalounete ŋituŋa daadaŋ ŋulu ka akwap aŋuna keŋ. Kire ikokinete neni! Amen!