Awos. 19:6 - Ebaibul

⁶ iruworosi iyes aneni kaŋ ŋisacaradotin ŋulurwosi ka ŋituŋa ŋuluseuna. Ŋakiro ŋun ikes ilimokini iyoŋ Ŋisirael.”

Awos. 19:6 Iomraidhean Croise

1 Ŋirw. 3:8

Ayai ayoŋ ne eketiyan kon, kidiŋ ŋituŋa ŋulu iseu iyoŋ, ŋituŋa kon ŋulu alalak ŋulu nyeyenen ekimar, kori ŋulu nyimarun aŋuna elalaata.

1 Ŋirw. 8:53

anerae iseta iyoŋ ikes a lotuŋa a daadaŋ a ŋulu a ŋakwapin, aruwor ŋituŋa kon a alope, ikwapei iikinitor iyoŋ ikes aneni a Moses a aketiyan kon, apaki ŋina iyaunia iyoŋ atapapaa kosi alo Ijipit.”

1 Ŋakiro a ŋirwa 17:22

Ituruwo iyoŋ Ŋisirael kire jik ŋituŋa kon a alope ŋikaru ka ŋikaru, idau iyoŋ aruwor Akuj kec okoe Ekapolon.

Ŋikiru. 114:2

abu Yudaya toruwor neni ilipere Akuj, toruwor Ŋisirael ŋituŋa ŋulu ka Akuj.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 22:31

Emaikina iyes irae ŋituŋa kaŋ ŋulu italeuno neni kaŋ. Aŋun, nyemaikina iyes tonyama akiriŋ ŋina enyamitor etyaŋ ibarasit, kori etyaŋ. Emaikina inakis ŋiŋokwo tonyama akiriŋ ŋin.”

Awos. 28:36

“Kitiyau ke egolid bon akaparaparat ŋina ka akou, ido kiciek nen ŋakiro nu: ‘Itesegunitae aŋuna ke Ekapolon.’

Isa. 43:4

Aŋuna iraakatar iyes alokiŋaren kaŋ ŋituŋa ŋulu ijokak nooi, ŋituŋa ŋulu ikitopolooritae ka ŋulu amina ayoŋ, epotori ayoŋ ŋituŋa aŋuna ka aryamun iyes, epotori ayoŋ ŋituŋa a ŋakwapin aŋuna ka akilokonyunia akiyar kus.

Isa. 61:6

Nai ikinyarao iyes ŋisacaradotin a Ekapolon ikinyarao iyes ŋiketiyanakinak Akuj yok. Ileileete iyes ebari a ŋakwapin, iturokinosi iyes aŋuna a ebari kec.

Isa. 62:12

Enyarao ikes, ‘Ŋituŋa ŋulu ka Akuj, ŋituŋa ŋulu alakuni Ekapolon,’ ido enyarao Yerusalem, ‘Etaun ŋolo apolon ŋolo emina Ekapolon. Etaun ŋolo eyakasi ŋituŋa.’ ”

Isa. 66:21

Eturuwori ayoŋ ikes ŋice ŋisacaradotin ka ŋilepi.

Yer. 13:11

Ikwaŋina imidiikinor nacir a ituŋanan elou ŋolo enapitae anacir abu ayoŋ eturuwo ŋituŋa a Isirael ka ŋituŋa a Yudaya daadaŋ ŋulu imidikina neni kaŋ, ikotere eruworotor ikes aŋuna kaŋ ŋituŋa kaŋ, eryamuna ekiro kaŋ akipuro ka apolou, nai apotu ikes nyiwuapa ŋakiro kaŋ.”

Yer. 2:3

Etaleoritae Isirael aŋuna ke Ekapolon apaki ŋin, iyaanarete iyes apaki ŋin ŋaraito ŋuna esyaunak neni a Ekapolon. Aponi ŋituŋa daadaŋ ŋulu apotu tonyama ŋaraito ŋun kimarakinae erae ŋikasecak, apotu ikes toryamut ŋican.”

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Ŋilep. 19:2

“Tolimok Ŋisirael daadaŋ ebe, ‘Toruworos ŋulu asegak, anerae aseg ayoŋ Ekapolon Akuj kus.

Ŋilep. 20:24

Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace.

Ŋilep. 20:26

Emaikina iyes irae ŋulu asegak aŋuna kaŋ, anerae arae ayoŋ Ekapolon, arae ayoŋ ŋolo aseg, ido akaseu ayoŋ iyes alotuŋa a ŋakwapin toruworos ŋituŋa kaŋ.

Ŋilep. 21:23

Nai nyemaikina iŋes toapiya nanaŋga ŋina aloeema, kori toapiya namuroet, anerae eŋwalit iwace anakuwan keŋ, erae ŋun ikotere iŋes nyemunaa ŋakiboisyo kaŋ ŋuna asegak. Arae ayoŋ Ekapolon ŋolo eturuwonori ŋakiboisyo ŋun ŋuna esegak.’ ”

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Agai 2:5

ikwapei abunio ayoŋ ekeikinia iyes apaki ŋina iponiata iyes alo Ijipit. Erubakinit Etau kaŋ eyai neni kus. Nyikuryaketa!’

Ekim. 16:3

Apotu ikes tocunakin akisibura Moses ka Aron temasi, “Itiyata iyes ŋuna alalak ŋuna nyiyookino. Erae ŋituŋa daadaŋ anatukot ŋulu esegak ka erukito ikes ka Ekapolon. Kaanukiro nai itopoloorotor iyes make anatukot a ŋituŋa ke Ekapolon a daadaŋ?”

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

1 Ŋikor. 3:17

Ituŋanan ŋini emunaari Akai ka Akuj, emunaari Akuj iŋes daŋ, anerae erae Akai ka Akuj ŋina keŋ bon ka iyes pei iraakasi Akai keŋ.

Ŋikis. 14:21

Nyinyama idiobore ŋini etwani bon, ani kicamito inakisi tonyama ŋituŋa ŋulugelae ŋulu iboiyete ka iyes alotaunio kus, kori togyelakisi neni a ituŋanan a ŋinigela, anerae irae iyes ŋulu asegak aneni ke Ekapolon Akuj. Nyidorokis ikale ŋinimeot a ŋakile a toto keŋ.

Ŋikis. 26:19

ikotere ikituruwori iŋes iyes ŋituŋa ŋulu iloito ŋituŋa a ŋakwapin a daadaŋ ŋulu asubuni iŋes, iruworosi iyes ŋulu ikipuritoe, ŋulu arwok ka ŋulu ikitopolooritae ka iruworosi iyes ŋituŋa ŋulu asegak aneni ke Ekapolon Akuj kus, lopite ŋolo eikinitor iŋes.

Ŋikis. 28:9

Ikituruwori Ekapolon iyes ŋituŋa keŋ ŋulu asegak, lopite ŋolo ekoŋio iŋes neni kus. Itiyakini Ekapolon Akuj kus ŋun erae kiwuapa iyes ŋakiciketa keŋ ka kiwuapa ŋakiro keŋ.

Ŋikis. 7:6

anerae irae iyes ŋituŋa ŋulu asegak aneni ke Ekapolon Akuj kus, irae iyes ŋituŋa ŋulu ikiseu Ekapolon Akuj kus alotuŋa a ŋakwapin a daadaŋ anakwap aruwor ŋituŋa keŋ a alope, ŋituŋa keŋ ŋulu emina iŋes nooi.

1 Ŋites. 5:27

Ekeŋitakinit ayoŋ iyes alokiro ke Ekapolon asyomakin abaruwa na neni a ŋikaitotoi daadaŋ.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 1:6

Ikituruwo iŋes iwon apukan ŋina a ŋisacaradotin a ŋulu itiyaete neni ka Akuj a Papa keŋ. Toyai apolou ka apedor neni a Yesu Kristo ŋikaru ka ŋikaru! Amen.

Akis. 20:6

Elakara ka erereŋ nooi ŋulu imarakinitae nayarun alokatwak ŋina esyaunan! Nyetapi atwanare ŋina a ŋaarei ikes, eruworosi ikes ŋisacaradotin ŋulu ka Akuj ka ŋulu a Kristo, kipukata ka iŋes ŋikaru aliput apei.

Akis. 5:10

Ituruwo iyoŋ ikes apukan a ŋisacaradotin ŋulu ka Akuj yok, ipukaete ikes akwap.”