Awos. 19:5 - Ebaibul

⁵ Ani tokona kiwuapa iyes ŋakiro kaŋ nooi, ido kirica Acamunet kaŋ, iruworosi iyes ŋituŋa kaŋ ŋulu amina ayoŋ nooi alotuŋa a daadaŋ anakwap. Kire erae akwap daadaŋ ŋina kaŋ,

Awos. 19:5 Iomraidhean Croise

Akisy. 17:9

Tolimok Akuj Aburaam tema, “Emaikina iyoŋ torubak iricit acamunet kaŋ ka iyoŋ, iyoŋ kaapei ka ŋiletok kon ananyameta kec a daadaŋ.

1 Ŋirw. 8:53

anerae iseta iyoŋ ikes a lotuŋa a daadaŋ a ŋulu a ŋakwapin, aruwor ŋituŋa kon a alope, ikwapei iikinitor iyoŋ ikes aneni a Moses a aketiyan kon, apaki ŋina iyaunia iyoŋ atapapaa kosi alo Ijipit.”

1 Ŋakiro a ŋirwa 17:22

Ituruwo iyoŋ Ŋisirael kire jik ŋituŋa kon a alope ŋikaru ka ŋikaru, idau iyoŋ aruwor Akuj kec okoe Ekapolon.

Yob 41:11

Ŋae epedori akitijikin Lepiasan, ido toyar? Ŋae alotooma akwap daadaŋ ŋini epedori akitijikin iŋes?

Yob 41:3

Ebuni mono iŋes akilipa iyoŋ akimyekin iŋes a? Kori ikimaimai mono iŋes iyoŋ a?

Ŋikiru. 135:4

Abu Ekapolon toseu Yakob aruwor ituŋanan keŋ, abu Ekapolon toseu Ŋisirael aruwor ŋituŋa keŋ a elope.

Ŋikiru. 24:1

Erae akwap daadaŋ ka ibore daadaŋ ŋini eyai nakwap ŋulu ke Ekapolon, akwap ka ŋituŋa daadaŋ ŋulu eyakasi nen erae ŋulu ke Ekapolon;

Ŋikiru. 25:10

Itenit Ekapolon anamina ka anakikinyoma daadaŋ ŋulu iwuapito acamunet keŋ ka ŋuna elimunit iŋes.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 23:22

“Nai ani kimitakis iyes akiirar ŋuna irworo iŋes, ido kitiyata daadaŋ ŋuna abala ayoŋ kitiyata, abuni nai ayoŋ aruwor emoit a ŋimoe kus, ido etepegi ayoŋ ŋulu ikitepegete iyes.

Awos. 24:7

Tolemu nai Ekitaabo ŋolo ka Acamunet tosyomak ŋituŋa. Toboŋokis ŋituŋa temasi, “Ikitiyae isua ŋakiro daadaŋ ŋuna adau Ekapolon alimun; ikiwuapi isua ŋakiro ŋuna ke Ekapolon.”

Awos. 34:9

tema, “Okoe Ekapolon, akadyekit ayoŋ iyoŋ, ani kajok ayoŋ aneni kon Ekapolon, apena orukosi ka isua; tari kerae ŋituŋa lu ŋulu egogoŋ ŋakyes, kisyoni aronis kosi ka asecit kosi, yaarae isua ikwapei ŋituŋa kon ke elope.”

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Awos. 8:22

Nai akoloŋit ŋin, nyepete ŋicuc ŋul nakwap a Gosen, neni iboiyoto ŋituŋa kaŋ, ŋun nai ikitoodikinete iyoŋ atemar ayoŋ Ekapolon ayakar apedor anakwap.

Awos. 9:29

Tema Moses neni keŋ, “Alomar a ne alotaun bon, ekyaari ayoŋ ŋakan kaŋ neni ke Ekapolon; ido todaun agiro ka mam nabo ŋakako eyakaun. Aŋun, iyenuni iyoŋ atemar erae akwap daadaŋ ŋina ke Ekapolon.

Eete a Ŋie. 8:12

Erae emanikor kaŋ ŋolo ke epiini ŋolo kaŋ ka alope, nai okoe iyoŋ Solomon, toyakaunor iyoŋ ŋicekelya kon aliput, eyakaunotor ŋiketeok emanikor ŋulu kec ŋicekelya ŋamiae ŋaarei,

Isa. 1:19

Ani ca kicamut iyes, ido kiwuapa ŋakiro kaŋ, imujete iyes ŋamuja ŋuna ajokak anakwap;

Isa. 41:8

Nai iyes Ŋisirael, ŋituŋa kaŋ, iyes ŋiletok a Yakob ŋulu adau ayoŋ aseun, iyes ŋiletok ka Aburaam a ekone kaŋ;

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 56:4

“Ikikwaan ayoŋ ka ekitoe ŋolo eonit,” anerae alimu Ekapolon ŋakiro nu, “Ŋikolupanotin ŋulu itopoloorito akoloŋit ŋina a Sabato, ŋulu itiyaete ŋakiro ŋuna eketalakarito ayoŋ ka ŋulu iricito a ŋinapaki acamunet kaŋ,

Yer. 10:16

Nyikoni Akuj a Yakob nen, anerae iŋes etiyauni ŋiboro daadaŋ ka erae ŋituŋa a Isirael ŋulu keŋ, erae ekiro keŋ Ekapolon ŋolo a ŋajoresyo.”

Yer. 13:11

Ikwaŋina imidiikinor nacir a ituŋanan elou ŋolo enapitae anacir abu ayoŋ eturuwo ŋituŋa a Isirael ka ŋituŋa a Yudaya daadaŋ ŋulu imidikina neni kaŋ, ikotere eruworotor ikes aŋuna kaŋ ŋituŋa kaŋ, eryamuna ekiro kaŋ akipuro ka apolou, nai apotu ikes nyiwuapa ŋakiro kaŋ.”

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Esek. 16:8

“‘Abu nabo ayoŋ etoru diyete kon ekaku, ekeŋolik iyoŋ kiruwor ŋina kitemokin akitiŋ ŋikilyok. Abu ayoŋ eketanapik iyoŋ elou kaŋ tojoŋo akiler. Abu ayoŋ eik aminakin iyoŋ ka abu ayoŋ ocamunos ka iyoŋ toruwor iyoŋ ŋina kaŋ.

Ŋilep. 20:24

Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace.

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Amos 6:1

“Ekaŋ iyes ŋulu iboiyete emam ŋace alo Sion ka iyes ŋulu iboiyete isilito ŋitai alomoru Samaria, iyes ŋarwonita ka akwap, iyes ŋulu eloseneneete Ŋisirael aryamun akiŋarakino!

Mal. 3:17

Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

1 Ŋikor. 10:26

Anerae igiritae Nakigireta ebe, “Erae akwap ka ŋiboro daadaŋ ŋulu eya tooma keŋ ŋulu ke Ekapolon.”

1 Ŋikor. 10:28

Ani nai kikilimok iyes ituŋanan atemar, “Erae akimuj na ŋina ka amuronot a ŋina einakinitae nakujo ŋace”, nyinyama akimuj ŋin aŋuna a ituŋanan a ŋini abu itolimok iyes ka ikotere nyipodosi;

Ŋikis. 10:14

Tari kerae nakuj ka kidiama daadaŋ ka akwap ta ŋiboro daadaŋ ŋulu eya nen ŋulu a Ekapolon Akuj kus,

Ŋikis. 11:27

Iryamunete iyes arereŋu erae kiwuapa iyes ŋakiciketa ŋuna ke Ekapolon Akuj kus ŋuna ekecikak ayoŋ iyes nakoloŋit na

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Ŋikis. 14:21

Nyinyama idiobore ŋini etwani bon, ani kicamito inakisi tonyama ŋituŋa ŋulugelae ŋulu iboiyete ka iyes alotaunio kus, kori togyelakisi neni a ituŋanan a ŋinigela, anerae irae iyes ŋulu asegak aneni ke Ekapolon Akuj. Nyidorokis ikale ŋinimeot a ŋakile a toto keŋ.

Ŋikis. 26:18

Nakoloŋit na, icamunosi iyes ke Ekapolon, iruworosi iyes ŋituŋa keŋ ŋulu emina iŋes nooi, lopite ŋolo ikiikinia iŋes iyes ka iwuapete iyes ŋakiciketa keŋ;

Ŋikis. 26:19

ikotere ikituruwori iŋes iyes ŋituŋa ŋulu iloito ŋituŋa a ŋakwapin a daadaŋ ŋulu asubuni iŋes, iruworosi iyes ŋulu ikipuritoe, ŋulu arwok ka ŋulu ikitopolooritae ka iruworosi iyes ŋituŋa ŋulu asegak aneni ke Ekapolon Akuj kus, lopite ŋolo eikinitor iŋes.

Ŋikis. 28:1

“Ani kiwuapa iyes ŋakiro ŋuna ke Ekapolon Akuj kus ka kiwuapa ejok ŋakiciketa keŋ daadaŋ, ŋuna ekeciki ayoŋ iyes akiwuap nakoloŋit na, ikituruwori Ekapolon Akuj kus iyes ŋituŋa ŋulu iloito ŋituŋa a ŋakwapin a daadaŋ anakwap.

Ŋikis. 28:9

Ikituruwori Ekapolon iyes ŋituŋa keŋ ŋulu asegak, lopite ŋolo ekoŋio iŋes neni kus. Itiyakini Ekapolon Akuj kus ŋun erae kiwuapa iyes ŋakiciketa keŋ ka kiwuapa ŋakiro keŋ.

Ŋikis. 4:20

Nai abu Ekapolon ikiyau iyes alo Ijipit aneni ikisicanitere iyes nooi, ikotere iruworosi ŋituŋa keŋ a elope, lopite ŋolo iraakatar ŋulu keŋ tokona.

Ŋikis. 5:2

Abu Ekapolon Akuj yok ocamunos ka iwon alomoru Oreb,

Ŋikis. 7:6

anerae irae iyes ŋituŋa ŋulu asegak aneni ke Ekapolon Akuj kus, irae iyes ŋituŋa ŋulu ikiseu Ekapolon Akuj kus alotuŋa a ŋakwapin a daadaŋ anakwap aruwor ŋituŋa keŋ a alope, ŋituŋa keŋ ŋulu emina iŋes nooi.

Ŋikis. 9:29

Erae ikes ŋituŋa ŋulu kon a elope ŋulu ibu iyoŋ iyau ka apedor kon a ŋina apolon ka agogoŋu kon.”

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 11:8

Anupit iŋes ewuapakinia Aburaam ŋakiro ŋuna ka Akuj apaki ŋina anyaraa Akuj iŋes alosit nakwap ŋina eikinit Akuj ainakin iŋes. Toesik iŋes akwap keŋ, pa eyeni neni alosi.

Ŋibur. 8:9

Nyikokini Acamunet ŋin ŋina ikicamunor ayoŋ ka atapapaa kec akoloŋit ŋina arikitor ayoŋ ikes a ŋakan, oyau alo Ijipit. Pa apotu ikes torubakis iwuapito ŋakiro ŋuna ka Acamunet a ŋina abu ayoŋ ocamunotor ka ikes; aŋun, abu ayoŋ nyamitak ikes.

Yos. 24:24

Apotu ŋituŋa tolimokis Yosua temasi, “Ekapolon bon ŋolo erae Akuj kosi, iŋes ecamitae isua akitiyanakin ka akiwuap ŋakiro keŋ.”

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

1 Sam. 15:22

Nai toboŋok Samuel Saul tema, “Elakara mono Ekapolon aŋuna a ŋainakineta a ŋuna epeyo ka ŋamuronisya lopite ŋolo elelyania iwuapito ŋituŋa ŋakiro keŋ a? Kiira! Ejok akiwuap ŋakiro a Ekapolon akilo amuronot, ido ejok akipup ŋakiro a Ekapolon akilo ainanakin iŋes asepwae a ŋimeesekin,