Awos. 19:18 - Ebaibul

¹⁸ Apaki ŋin, aburusiyarit apuru emoru Sinai, anerae abu Ekapolon min nen kidiama keŋ eyai nakim. Topuruu apuru a nen torem kidiama ikwa ŋina ke ekitet a ŋolo icunyere ŋasuwa. Apaki ŋinapei, amarani emoru nooi neni aronon.

Awos. 19:18 Iomraidhean Croise

Akisy. 11:5

Abu Ekapolon bu kwap akiŋolikin etaun ŋol ka aduketait ŋin ŋina potu ŋituŋa ŋul toduko.

Akisy. 15:17

Ani edoiyori akoloŋ, irwoniar akwap, kitoro ŋanusyo a ŋityaŋ ŋuna esibakitae ŋun kidiŋ amot ŋina ka akim ŋina apurui ka atoc ŋina anepi.

Akisy. 19:28

kirereiyo a nen kwap lowae ŋolo a Sodoma ka Gomora ka lowae ŋolo a ŋadipoe a ŋimukura, kiŋolik apuru a akwap a ŋin eremit kidiama ikwa ŋina ka arira a ŋina ti apolon.

Neem. 9:13

Ibu daŋ iyoŋ totiyaun kidiama emoru Sinai, kirwor neni kec alokidiama, ido iinaki ikes ŋakiro ŋuna iyookino, ŋikisila ŋulu a kire, ŋakiro ŋuna itubunit iyoŋ ŋuna ajokak ka ŋakiciketa,

Ŋikiru. 104:32

Ani iŋolikini Ekapolon akwap, emaranikini akwap, ani etapi Ekapolon ŋimoru epuruunete.

Ŋikiru. 114:4

apotu ŋimoru tomaranikis, apotu ŋimukura tomaranikis.

Ŋikiru. 114:7

Emaikina iyoŋ akwap tomaranik ebuni Ekapolon, emaikina iyoŋ tomaranik ebuni Akuj a Yakob,

Ŋikiru. 144:5

Okoe Ekapolon, kimyek nakuj, bua kwap; totap ŋimoru ikotere epuruunete.

Ŋikiru. 18:9

Abu Akuj kimyek nakuj bu kwap; apotu ŋidouwon ŋulukiryonok pena kwap ŋakejen keŋ.

Ŋikiru. 68:9

Okoe Akuj, ibu iyoŋ tobuku akiru ŋina alalan nakwap; kitojoku nabo akwap kon ŋina sek abu toruwor akoŋinait.

Ŋikiru. 77:18

Aponi kiirarae agiro kon alokuwuam a ŋolo akusi nooi. abu akimilyaunet kon kinwak akwap; abu akwap tomaranik ka kiryaŋiryaŋakin.

Ŋikiru. 77:19

Abu erot kon kitor kidiŋ anam, abu erot kon kitor kidiŋ ŋakipi ŋuna alalak nooi; ido mam ituŋanan abu kiŋolik ŋikukus kon.

Awos. 19:13

Mam akan etapi iŋes, nai ecakio a ŋamoru, kori egumyo a ŋikaleŋeleŋe; kerae etyaŋ, kori ituŋanan, nyemaikina kimyekinae toyar.’ Nai ani ekutakinio abureryaŋ a emesek, emaikina ikes kitipeut lomoru.”

Awos. 19:17

Toriku Moses ŋituŋa daadaŋ analomar akiryamun ka Akuj. Torekinos towua anakeju ke emoru.

Awos. 20:18

Ani iirarete ŋituŋa daadaŋ agiro ka eruye ŋolo ka arupepe ka ani iŋolikinete akimilyaa ka emoru epurui, abu akuryanu min neni kec, tomaranikis, towua aneni alwanan.

Awos. 24:17

Totakanu apolou ka Akuj neni a Ŋisirael ikoni akim ŋina erirae enomi kidiama emoru.

Awos. 3:2

Totakanu emalaika a Ekapolon neni a Moses a nen enoki anamoni ikwa akim. Kitek Moses amoni ŋin ŋina anoki, nai pa abu tonomiya.

Awos. 34:2

Kitemokin eriŋa ataparacu, kitipeu lomoru Sinai, ibu neni kaŋ alokidiama emoru.

Isa. 6:4

Aŋuna ke ecelet a ŋisubuna a ŋul, apotu ŋipirin alopuke a Akai tomaranikis, ido kilelebikin apuru Kai.

Isa. 64:1

Okoe kerae ca topuko iyoŋ kidiama totiyaun kwap, ikotere emaranikinete ŋimoru ibuni iyoŋ.

Yer. 4:24

Abu eŋoliya lomoru, okoe, amaranete, ido eiŋiiŋasi ŋikamukumukui pa awuasi aiwapei.

Abak. 3:6

Ani ewoi iŋes tomaranik akwap; ani eŋoleŋolekini iŋes tomaranikis ŋituŋa. Ielielaari iŋes ŋimoru ŋulurubae; esiporete ŋikamukumukui ŋuluŋorok, ŋulu koloŋ etorenene iŋes.

Sakar 14:5

Iemete iyes kitoro nakadipaalat ŋina ke emukura kaŋ, anerae itooyaaryo akadipaalat ŋin tari Asal. Iemete iyes lopite ŋolo aponiata atapapaa kus toemyata apaki ŋina amaranikinia akwap ŋirwa ŋulu araakar Usia erwosit ŋolo a Yudaya. Ebuni Ekapolon Akuj kaŋ, erukunete iŋes kaapei ka ŋimalaikan daadaŋ.

Mat. 24:7

Ejikinosi ŋituŋa aŋakwapin, ejikin apukan ka apukan, eyakaun ŋironia ka emaranikini akwap anakiboisyo a ŋuna egelegelya.

Ŋikis. 33:2

Abu iŋes kirwor ŋakiro nu: Abu Ekapolon bu alo Sinai, totakanu neni yok alo Seir, tocau alomoru Paran. Arukito iŋes ka ŋikasegak ŋalipyo ka ŋalipyo, ayakasi teten keŋ ŋajorei keŋ.

Ŋikis. 4:36

Abu iŋes ikisiira iyes etoil keŋ ŋolo abunit alokidiama, ikotere iyes iwuapete ŋuna iyookino. Abu iŋes ikitoodik iyes arira keŋ ŋina apolon nooi, ido ipupete iyes etoil keŋ ŋolo abunit anarira.

Ŋikis. 5:22

Abu Ekapolon tolimu ŋakiro ŋun ke etoil a ŋolo apolon neni ka atukot kus a daadaŋ alomoru; abunit etoil ŋol anarira, alodou ka anakiryonut a ŋinakiryonon cuc, ido abu nyiatak ŋakiro ŋace. Abu iŋes kigir ŋakiro ŋun namoru ŋunadapal ŋaarei, ido okoinak ayoŋ.

Ŋikis. 5:4

Abu Ekapolon kirwor neni kus alomoru iteete iyes arira ŋina ayai iŋes.

2 Ŋites. 1:7

ka ikisieŋuni iyes ŋulu iryamunito ŋican ka ikisieŋuni isua daŋ. Itiyakini iŋes ŋun apaki ŋina etakanunia Ekapolon Yesu anakuj kaapei ka ŋimalaikan keŋ ŋulu eyakatar apedor.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

Ŋibur. 12:18

Nyiponito iyes lomoru ŋolo etakani ikwaŋina koloŋ aponiata ŋituŋa ŋulu a Isirael; apotu ikes potu lomoru ŋolo enyaritae Sinai, ŋolo anepya akim, ŋolo ayai akiryonut ka akiyaloloŋ ta ekuwuam ŋolo anyunyura.

Ŋibur. 12:26

Abu etoil keŋ kitamaranik akwap apaki ŋin, nai tokona adau iŋes akiikin ebe, “Etamaranikini nabo ayoŋ akwap apeikitamaranikinet; nai meere akwap bon, nai nakuj daŋ.”

2 Pet. 3:10

Ebuni nai Akoloŋit ŋina ke Ekapolon ikwa ekokolan. Akoloŋit ŋin, eŋopiyari nakuj irurumae, itupuripuryaryo ka inyasunio ŋiboorei ŋulu anakuj ka enomiyari akwap ka ŋiboro daadaŋ ŋulu eya neni keŋ.

Akis. 15:8

Kilelebun Kai ka Akuj apuru ŋina abunit anakica ka anapedor a ŋina ka Akuj. Amam ituŋanan ŋini apedori alomar Kai ka Akuj akitodol ŋina asaluniata ŋakisicaneta ŋunakanikaarei ŋuna ayaunete ŋimalaikan ŋulukanikaarei.

Akis. 9:2

Abu etop toŋaa auwuat ŋina aoyan ŋin, tolomu apuru ŋina ekoni ŋina ka arira a ŋina apolon nooi, kisiryon apuru akoloŋ ka kidiama cuc.

Ŋikat. 5:5

Apotu ŋimoru tomaranikis alokiŋaren Ekapolon, ŋolo a Sinai tomaranikis ŋimoru alokiŋaren Ekapolon Akuj ŋina a Ŋisirael.