Awos. 19:16 - Ebaibul

¹⁶ Ani taparacu edoli akoloŋit ŋina apeniata ŋirwa ŋiuni, toyakaun agiro ka akimilyaa, ido min edou ŋolo pa acaor kidiama emoru. Toru arupepe ŋina arwo nooi ŋina apotu ŋituŋa daadaŋ kiirasi analomar tomaranikis.

Awos. 19:16 Iomraidhean Croise

2 Sam. 22:10

Abu Akuj kimyek nakuj bu kwap; apotu ŋidouwon ŋulukiryonok cuc pena kwap ŋakejen keŋ.

2 Ŋakiro a ŋirwa 5:14

nyepedosi ŋisacaradotin akitiya ŋiticisyo kec a nen, anerae abu adis toburusiya nen, aŋuna abunio akica ke Ekapolon kilelebun Kai ka Akuj.

Yob 38:25

“Ŋae abu kiwuak akitelosit a akalele a ŋakipi a ŋuna ka akiru; ka ŋae abu kiwuak erot ŋolo itori akimilya eriŋa nyegirokina,

Ŋikiru. 50:3

Ebunit Akuj yok, ido nyililiŋi iŋes; eyai akim kiŋaren keŋ ŋina enyamuwari ŋinibore, eyai ekuwuam nawaetin keŋ ŋolo ekusi nooi.

Ŋikiru. 77:18

Aponi kiirarae agiro kon alokuwuam a ŋolo akusi nooi. abu akimilyaunet kon kinwak akwap; abu akwap tomaranik ka kiryaŋiryaŋakin.

Ŋikiru. 81:8

Kiirasi, okoe ŋituŋa kaŋ, apaki na ŋina ekeyayakinitor ayoŋ iyes; okoe Ŋisirael, acamit ayoŋ iyes ikiirasi ayoŋ erae kipedorete!

Ŋikiru. 97:4

Itacauni akimilyaa keŋ akwap; iŋolikini akwap akimilyaa ŋin, ido tomaranik.

Awos. 19:11

kitemokinos aŋuna ka akoloŋit a ŋina epeniata ŋirwa ŋiuni, anerae ani edoli akoloŋit ŋin, ebuni Ekapolon anakuj min kidiama emoru Sinai iteete ŋituŋa daadaŋ.

Awos. 19:15

Tema Moses neni a ŋituŋa, “Kitemonokinos aŋuna ka akoloŋit a ŋina epeniata ŋirwa ŋiuni; nyemaikina ŋikilyok kiryamakinos ka ŋaberu.”

Awos. 19:17

Toriku Moses ŋituŋa daadaŋ analomar akiryamun ka Akuj. Torekinos towua anakeju ke emoru.

Awos. 19:9

Tema nai Ekapolon neni a Moses, “Abuni ayoŋ neni kon ayai lodou ŋolo nyecaor, ikotere ŋituŋa ekeirasi ayoŋ erworo apaki ŋina ikirworikinia iwon, ido ikikinyomete iyoŋ ŋituŋa jik ekaku a nu.” Ani kedau Moses alimokin Ekapolon ŋakiro ŋuna abasi ŋituŋa,

Awos. 20:18

Ani iirarete ŋituŋa daadaŋ agiro ka eruye ŋolo ka arupepe ka ani iŋolikinete akimilyaa ka emoru epurui, abu akuryanu min neni kec, tomaranikis, towua aneni alwanan.

Awos. 20:21

Kidoŋo ŋituŋa ewuasi aneni alwanan, nai tolot Moses lomoru, toapiya lodou ŋolo pa acaor, ŋolo ayai neni ayai Akuj.

Awos. 40:34

Ekaku, kimuko edou Eema ŋolo iryamununoi, kilelebikin akica ŋina ke Ekapolon ŋina akwaŋan kya tooma Eema ŋolo iryamununoi.

Awos. 9:23

Kikyaa nai Moses akan keŋ kidiama, ido abu Ekapolon kiyaku akiru ŋina agiro toya ŋakako, kimilya akwap nooi. Iŋes atemar abu Ekapolon kiyaku akiru ŋina a ŋakako nakwap a Ijipit.

Yer. 5:22

Nyikikerito mono iyes ayoŋ a? Nyimaranete mono iyes alokiŋaren kaŋ a? Abu ayoŋ ewuak asinyon toruwor ekukoru a anam ekukoru ŋolo agogoŋon ŋolo nyepedori anam akitor, tari kenaŋanaŋaete ŋikaguragurae a ŋakipi, nyepedorete akitor nen tolunyar, tari kerwosi nooi, nyepedorete akitor kidiama ŋikukorin ŋul.

Naum 1:3

Nyeŋoi Ekapolon atipei nai egogoŋ iŋes nooi, mam nyeesikini iŋes ŋikasecak nyisicana aŋuna a ŋasecisya kec. Neni daadaŋ itori iŋes, eyakaun ekuwuam ŋolo ipiripiri ka ŋolo ekusi ka agogoŋu. Erae ŋidouwon apuwa ŋina a ŋakejen keŋ.

Mat. 24:31

Iyakuuni iŋes ŋimalaikan keŋ apaki ŋina ekutakinere arupepe ŋina apolon, tocunakis ŋiseuna keŋ alowaetin ka akwap a daadaŋ, ameun anakisyakinet tari nasalunet.

Ŋikis. 5:5

(Apaki ŋin awoi ayoŋ alokidiŋ Ekapolon ka iyes alimokin iyes ŋakiro ŋuna erworo Ekapolon, anerae ikuryaka iyes aŋuna ka arira ka nyeloto iyes kidiama emoru.”) Tolimu Ekapolon tema,

Ŋibur. 12:21

Kire, ŋuna apotu totakanikis neni kec, arae ŋuna etubulok nooi; aŋun, abu Moses tolimu tema, “Amarani ayoŋ alokabule!”

Akis. 1:10

Anakoloŋit a ŋina ke Ekapolon, abu apedor ŋina ke Etau a ŋolo Asegan min neni kaŋ, abu eira etoil alokaku kaŋ ŋolo ereta ikwa arupepe.

Akis. 11:19

Aponi toŋaarae Akai ka Akuj anakuj, totakanu Asaduku ŋina ka Acamunet. Toyakaun akimilyaa, ŋitoilon, agiro ŋina ereta, amaran ŋina ka akwap ka ŋakako ŋuna apolok.

Akis. 4:1

Ani kelunyar ŋun, abu oanyuwa ekek eŋaara anakuj! Abu nabo eira etoil ŋolo sek aris ayoŋ keira irworo neni kaŋ ikwa arupepe ebala, “Bua laalo eketoodik ŋuna itemokino totakanut ekaku a nu.”

Akis. 4:5

Bu alokicoloŋ akimilyaunet, eruye ka akirurum ŋina ka agirokin. Alokiŋaren ekicoloŋ, ayakasi ŋagilae ŋakanikaarei ŋuna anepete, ŋuna erae ŋitai ŋulukanikaarei ŋulu ka Akuj.

Akis. 8:5

Abu emalaika tolemu abakule, kilelebik akim ŋina Namuroet, kimasu nakwap. Totakanu agiro ŋina ereta, ŋitoilon, akimilyaa ka amaran ŋina ka akwap.