Awos. 19:10 - Ebaibul

¹⁰ tema Ekapolon neni a Moses, “Ape neni a ŋituŋa kitaleu ikes nakoloŋit na ka moi taparacu. Tolimok ikes kilotasi ŋilowi kec,

Awos. 19:10 Iomraidhean Croise

Akisy. 35:2

Aŋun, abu Yakob tolimok ŋituŋa a ekal keŋ ka ŋituŋa daadaŋ ŋulu arukitotor iŋes tema, “Tocakasi nariet ŋakujo ŋunagelaanotin ŋuna iyakatar iyes. Kitaleutu ŋawat kus ka tonapa ŋilowi ŋice;

2 Sam. 19:24

Abu Mepiboses daŋ lopapait a Saul totiyaar tolot akisiryam erwosit. Nai ameun akoloŋit ŋina arotokinio erwosit alo Yerusalem, kebu Mepiboses nyiloŋa ŋakejen keŋ, kori nyebanyu epenek keŋ, kori nyilota ŋilowi keŋ. Abu iŋes kitiya ŋun ameun akoloŋit ŋina arotokinio erwosit alo Yerusalem akitodol akoloŋit ŋina aboŋunio erwosit ejok.

2 Ŋakiro a ŋirwa 29:34

Nai akudyoko nooi ŋisacaradotin, pa apedorito ikes akiyeŋ ŋainakineta ŋuna epeyo, aŋun, ikwapei ariŋaakar nyitaleuno ŋisacaradotin ŋice, apotu ŋiyeneta kec ŋilepi kiŋarakis ikes akitodol ŋina adaunor etic. Etiyaete ŋilepi ŋun, anerae ewuapito ikes ŋitalyo ŋulu ka akitaleununo akilo ŋisacaradotin.

2 Ŋakiro a ŋirwa 29:5

Tema neni kec, “Kiirasi ŋilepi ŋakiro kaŋ! Kitaleunos ka kitaleutu Akai ke Ekapolon Akuj atapapaa kus, ido tolemasi ŋiboro daadaŋ ŋulu itoroniaritae anakibois a ŋina asegan.

Yob 1:5

Ani elunyar ŋirwa ŋulu a ŋasuban, anyaraenene Yob ŋidwe keŋ akitaleun; taparacu sek, inak Akuj ŋainakineta ŋuna epeyo, ŋainakineta ŋuna erae ekimar a ŋidwe keŋ a daadaŋ, anerae abu Yob tema, “Acepaki aseca ŋidwe kaŋ, ecieno Akuj alotai kec.” Erae ŋun ŋuna etiyaenene Yob a ŋinakoloŋit.

Ŋilep. 11:25

Ituŋanan daadaŋ ŋini elemuni ekiner edio alotyaŋ a lu kori alobaren a lu, emaikina ituŋanan ŋin kilota ŋilowi keŋ, ido erubakini erae ŋini itoroniyaritae akitodol eboŋ.

Ŋilep. 15:5

Ituŋanan daadaŋ ŋini etapi ibore ŋini eperyo ekile ŋol, emaikina kilota ŋilowi keŋ, kiloŋar, ido erubakini ituŋanan ŋin, erae ŋini itoroniyaritae akitodol eboŋ.

Ekim. 11:18

Tolimok nai ŋituŋa ŋakiro nu, ‘Kitaleunos aŋuna a moi taparacu, ido inyamete iyes akiriŋ,’ anerae igworo iyes epupi Ekapolon ibasi, ‘Okoe, kerae ca oryamutu akiriŋ adio onyama! Kire jik, ajok aneni kosi akiboi alo Ijipit!’ Aŋun ikiinakini Ekapolon iyes akiriŋ ka inyamete iyes!

Ekim. 19:19

Ewuatakini ituŋanan ŋini nyitoroniyaritae ŋituŋa ŋulu itoroniyaritae ŋakipi edolete ŋirwa ŋiuni, kori edolete ŋirwa ŋikanikaarei, aŋun, kitaleu ikes edolete ŋirwa ŋikanikaarei. Ekaku ilotarete ikes ŋilowi kec ka kiloŋarosi, ani edoli eboŋ eruworosi ikes ŋulu nyitoroniyaritae.

Ekim. 31:23

ibore daadaŋ ŋini nyenomiyari anakim, emaikina kitaleunoe anakiwuakin nakim. Kikote neni daŋ, emaikina ikes kitaleunoe a ŋakipi a ŋunakitaleet. Ŋiboro daadaŋ ŋulu epedori akim anomiyar, emaikina kitaleunoe a ŋakipi a ŋunakitaleet.

Ekim. 31:24

Emaikina iyes kilotasi ŋilowi kus epete ŋirwa ŋikanikaarei, ido iruworosi ŋulu italeuno, ani ekaku ipedorete iyes alomun nalomar.”

Ekim. 8:21

Apotu ŋilepi kitaleunos anasecit, kilotasi daŋ ŋilowi kec, ekaku a ŋun, abu Aron inak ikes neni ke Ekapolon erae ainakinet ŋina apolon nooi ka abu Aron tomooku ikes kitesegu.

Ekim. 8:7

Kitiya nu neni kec kitaleunio ikes: Towuatak ikes ŋakipi ŋuna kitaleunet, tolimok ikes tobanya a ewembe ŋawat kec daadaŋ ka kilotasi ŋilowi kec, kitaleunos.

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Yos. 3:5

Tolimok nai Yosua ŋituŋa tema, “Kitesegas, kitaleunos, anerae itiyae moi taparacu Ekapolon ŋaumonokineta neni kus.”

Yos. 7:13

Tonyou, kitaleu ŋituŋa. Tolimok ikes ebe, ‘Kitesegunos aŋuna a moi taparacu, anerae ebala Ekapolon ŋolo erae Akuj a Ŋisirael ebe, eyakasi ŋiboro ŋulu icenen neni kus Ŋisirael, nyiwoikinete iyes ŋimoe kus mati jik kilemasi iyes aneni kus ŋiboro ŋulu ikicikitae iyes atemar nyilemasi.’

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.

1 Sam. 16:5

Toboŋok iŋes tema, “Esilit; abunit ayoŋ ne ainakin amuronot neni ke Ekapolon; kitaleutu ŋawat kus, ido ipotu oloto ka ayoŋ namuronot.” Kitaleu iŋes Yese ka ŋidwe keŋ ŋulusapa, ido tonyarau ikes potu namuronot.