Awos. 18:4 - Ebaibul

⁴ ido arae ekiro a ŋoloce Elieser (alimokini Moses iŋes ekiro ŋol, anerae abu tema, “Akuj a papa kaŋ iŋes abu ekeŋarak ka okoiu ayoŋ nyakaar Parao a ekileŋ”).

Awos. 18:4 Iomraidhean Croise

Akisy. 49:25

elipi Akuj a papa kon kitiya ŋun, ikiterereŋ iŋes iyoŋ, a ŋarereŋisyo a ŋuna aŋakipi a ŋuna alokidiama, a ŋarereŋisyo a ŋuna aŋakipi a ŋuna eisete alokwap, a ŋarereŋisyo a ŋuna a ŋiletok.

1 Ŋakiro a ŋirwa 23:15

Arae lu ŋidwe a Moses ŋulusapa: Gerisom ka Elieser.

1 Ŋakiro a ŋirwa 23:17

Ayakar Elieser isapat ipei bon, anyaritae ekiro keŋ Reabia, nai ayakar Reabia ŋidwe ŋulusapa ŋulu alalak.

Ŋikiru. 18:1

Okoe Ekapolon ŋolo irae agogoŋu kaŋ, akamina ayoŋ iyoŋ.

Ŋikiru. 18:48

Akuj ŋina abu okoiu ayoŋ alomoe kaŋ; ibu iyoŋ ikitopoloo ayoŋ epuka ŋimoe kaŋ, ibu iyoŋ ikiu ayoŋ alotuŋa a ŋulu aryenyaanak.

Ŋikiru. 34:4

Abu ayoŋ elip neni a Ekapolon, ido abu okoboŋok ayoŋ; abu Ekapolon okolaku ayoŋ, aneni a ŋulu acamito akiteryamun ayoŋ ŋican.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Awos. 10:28

Kiŋenyak Parao Moses tema, “Torotok alokiŋaren kaŋ! Nyiboŋu nabo jik neni kaŋ! Itwani iyoŋ erae kibu aanyun ayoŋ.”

Awos. 2:15

Ani iirari Parao ŋakiro a Moses, kiwar akiar Moses. Nai abu Moses tosi aneni a Parao, tolot kiboiyo nakwap ŋina enyaritae Midian, ani edoli iŋes nen, abu kiboikin diyete akare.

Awos. 2:22

Abu Sipora kidou, ikoku ŋinisapat, tolimok Moses ekiro a ikoku a ŋin Gerisom, ebala, “Arae ayoŋ egelaanot anakwap a ŋinagela.”

Awos. 4:20

Aŋun, abu Moses torotokinio aberu keŋ ka ŋidwe kec ŋulusapa, kitodokak ikes losigirya toboŋosi Ijipit. Totiŋ iŋes ebela ŋolo alimokinit Akuj iŋes atemar totiŋ.

Dan. 6:22

Abu Akuj kaŋ kiyaku emalaika keŋ ŋolo abu togol ŋakituka a ŋiŋatunyo, ikotere nyakanyama ikes ayoŋ, anerae abu Akuj kaŋ toryamu atemar mam asecit etiyat ayoŋ aneni keŋ ka aneni kon daŋ, okoe erwosit, mam aronis etiyat ayoŋ.”

Ŋitic. 12:11

Toyenu nai Petero ŋuna kepotu kitiyakinos neni keŋ tema, “Ayenu ayoŋ kire tokona atemar Ekapolon iyakuunit emalaika keŋ aiun ayoŋ anapedor a ŋina ke Erode ka anakiro a daadaŋ a ŋuna acamito Ŋiyudayan akitiya.”

Ŋitic. 7:29

Ani iirari Moses ŋakiro ŋun, tosi todoki nakwap a Median, neni abunio iŋes kiboiyo, touruunia ŋisapa ŋiarei.

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

Ŋibur. 11:34

Kituduŋeto ikes ŋakimya ŋuna ariraete nooi, tobucunos anatumyo. Apalag ikes, nai apotu togogoŋioto; ajioko ikes nooi akilo, tobwaŋa ŋajorei a ŋakwapin a ŋunace.

Ŋibur. 13:6

Aŋun, ikitemari pa ikikuryanit ebe, “Ekapolon iŋes ekeŋarakinit ayoŋ, nyakuryaniar ayoŋ. Nyo nai tokona epedori ituŋanan akitiyakin neni kaŋ?”