Awos. 18:22 - Ebaibul

²² Kimyek ŋikapolok ŋul totubo ŋakiro a ŋituŋa ŋapakio daadaŋ, nai emaikina ikes yaut neni kon ŋiburasinei daadaŋ ŋulu atyonikis ikes; emaikina ikes totubo ŋiburasinei ŋulu epataka daadaŋ. Ikiinakini iyoŋ nen akitiya etic ŋolo edit, anerae iŋarakinosi iyoŋ ka ikes etic.

Awos. 18:22 Iomraidhean Croise

Esir 7:25

“Tosodi iyoŋ Esira, anaosou kon a ŋina ikiinit Akuj iyoŋ, toseu ŋikarikok a ŋituŋa ka ŋikatubok ŋakiro ŋulu etubete ŋakiro a ŋituŋa daadaŋ anakwap a ŋina alokekwaye aŋolol Eupurate, emaikina ŋikilyok ŋul toyenete ŋikisila ŋulu ka Akuj kon, tosodi emaikina iyoŋ kitatam ŋulu nyeyenete ŋikisila ŋulu ka Akuj.

Awos. 18:18

Kire jik, ipedori iyoŋ akiteŋedar etic, iyoŋ kaapei ka ŋituŋa lu ŋulu irukitotor iyoŋ, anerae elal etic lo nooi; nyipedori iyoŋ bon akitiya.

Awos. 18:23

Ani kitiya iyoŋ ŋakiro ŋun, lopite ŋolo ikicikitor Akuj, ipedori nai akidaŋidaŋ ŋakiro kec, ido elosete ŋituŋa lu daadaŋ lorerya kec isilito.”

Awos. 18:26

Apotu ŋikilyok ŋul kitiyata ikwapei ŋikatubok ŋakiro a ŋituŋa ŋapakio daadaŋ. Yaanasi ikes ŋiburasinei ŋulu atyonok neni a Moses, nai ŋulu apatanak daadaŋ apotu ikes totubo.

Ŋilep. 24:11

Abu ekile ŋol, lokoku ka Asiraelit nyitopoloo ekiro ke Ekapolon anakilamanar; aŋun, aponi iŋes yaunae neni a Moses. (Arae ekiro a toto keŋ Selomis, nakoku a Dibiri a ŋolo alokabila a Dan.)

Ekim. 11:17

Abuni ayoŋ, ido erworo ka iyoŋ a nen, tosodi alemari ayoŋ etau kaŋ edyo ŋolo sek ainakinit ayoŋ iyoŋ, oinak neni a ŋikasikou a ŋul, ido idaŋidaŋete ikes ŋakiro a ŋituŋa a lu kaapei ka iyoŋ, ikotere nyidaŋidaŋ iyoŋ bon ŋakiro kec.

Ekim. 15:33

Apotu ŋulu aryamunete ekile ŋol ikayeni ŋakito yaut iŋes neni a Moses ka Aron ta natukot daadaŋ ŋina a Ŋisirael.

Ekim. 27:2

Apotu ŋidwe a Selopead ŋulupesur ŋul toloto towua alokiŋaren Moses, Eleasar esacaradoti, ŋikarikok a Ŋisirael ka atukot a Ŋisirael daadaŋ alokiŋaren eema ŋolokilipet temasi,

Ekim. 36:1

Apotu ŋikapolokinitok a ŋituŋa a ŋatekerin a ŋiletok a Gilead a ŋolo arae lokoku a Makir, a ŋolo arae lokoku a Manase, a ŋolo arae lokoku a Yosepu potu kiŋaren kirworo neni a Moses ka Ŋikarikok, ŋikapolokinitok a ŋatekerin a Ŋisirael,

Ŋirom. 13:6

Erae ŋakiro ŋunapei ŋun itacata iyes ocur daŋ, anerae itiyaete ŋikapolok aŋuna ka Akuj, apaki daadaŋ ŋina itiyaata etic ŋolo itemokino ikes kitiyata.