Awos. 18:21 - Ebaibul

²¹ Nai toseu alokidiŋ kec ŋikilyok ŋulu epedorete akitiya, ŋulu itopoloorito Akuj, ŋikilyok ŋulu ikinyoma ŋulu nyecamito akitiya ŋuna aronok. Toseu ikes toruwor ŋikapolok a ŋituŋa a ŋulu erae ŋalipulipui, ŋamiamiae, ŋatomonikanikani ka ŋitomotomoe.

Awos. 18:21 Iomraidhean Croise

Akisy. 22:12

Tema emalaika, “Kimyek edya, nyitiya idiobore neni keŋ, anerae ayenu ayoŋ atemar ikerit iyoŋ ŋuna ka Akuj, ido nyimika iyoŋ Akuj lokoku kon ŋolodonupei.”

Akisy. 42:18

Ani epete ŋirwa ŋiuni, tema Yosepu neni kec, “Kitiyata nu ikotere toyara, anerae etopoloorit ayoŋ Akuj:

Akisy. 47:6

Eyai akwap na ŋina a Ijipit nakan kon; kitolomu papa kon ka ŋikaitotoi kon nakibois ŋina ejok nooi anakwap a na; kimyek ikes toloma Gosen. Ani kiyeni iyoŋ atemar eya kidiŋ kec ŋulu epedorete akiyok ŋibaren kaŋ, inak ikes kiyoko.”

2 Sam. 18:1

Abu Daudi tonyarau iwapei ŋikilyok ŋulu arukitotor iŋes, aŋun, abu toseu alokilyok a ŋul ŋikapolok ŋulu epolokinito ŋatukon a ŋikilyok a ŋulu emaranaritae a ŋalipyo ka a ŋamiae.

2 Sam. 23:3

Adau Akuj a Isirael akirwor neni kaŋ, akalimoki ayoŋ ataaba a Isirael ŋakiro ebe, ‘Ani kipuka ituŋanan ŋituŋa anakiyookino, ani kipuka anakitopoloorit Akuj,

1 Ŋirw. 18:12

Arotokin ayoŋ aneni kon bon, ikiyai iyoŋ, etau ŋolo ke Ekapolon neni nyayeni ayoŋ; aŋun, ani kalot ayoŋ olimok Aab, atemar iyai iyoŋ ne, ido nyikiryamu iŋes iyoŋ, akaari Aab ayoŋ. Orae bo ayoŋ ŋolo arae eketiyan kon ŋolo elipi neni ke Ekapolon ŋinapei eriŋa adit.

1 Ŋirw. 18:3

Abu Aab tonyarau Obadia ŋolo arae iŋes apolokinit akai ŋina ka apukan (arae Obadia ekile ŋolo etopoloorit Ekapolon nooi.

Esir 7:25

“Tosodi iyoŋ Esira, anaosou kon a ŋina ikiinit Akuj iyoŋ, toseu ŋikarikok a ŋituŋa ka ŋikatubok ŋakiro ŋulu etubete ŋakiro a ŋituŋa daadaŋ anakwap a ŋina alokekwaye aŋolol Eupurate, emaikina ŋikilyok ŋul toyenete ŋikisila ŋulu ka Akuj kon, tosodi emaikina iyoŋ kitatam ŋulu nyeyenete ŋikisila ŋulu ka Akuj.

Neem. 5:9

Aŋun, abu ayoŋ otema, “Nyejokak ŋakiro ŋuna itiyaete iyes. Nyemaikina mono iyes itopoloorito Akuj yok, ikotere kiretakis ajamuwaro nyebu neni yok aneni a ŋituŋa a ŋakwapin a ŋulu erae ŋimoe yok a?

Neem. 7:2

abu ayoŋ oinak Anani lokaato kaŋ apolokin Yerusalem ka oinak Anania apolokin ŋasigarya ŋuna eyokiyete etaun anaduketait a ŋinajiet, anerae arae Anania ekile ŋolo ekinyoma ka etopoloorit Akuj akilo ŋituŋa ŋulu alalak.

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 29:16

Abu ayoŋ oruwor papa a ŋulu ayakatar akiitanit, awuanakini ayoŋ ŋituŋa ŋulugelae aloikiikoe.

Yob 31:13

Ani kaŋerit ayoŋ adyekitoi a ŋipi kaŋ, kori a ŋapi kaŋ apaki ŋina aponiata yaut neni kaŋ ŋakiro ŋuna etakadakinitor ayoŋ ikes.

Ŋikiru. 15:1

Okoe Akuj, ŋae erubakini iboi alo Kai kon? Ŋae epedori akiboi alomukura kon a ŋolo asegan?

Ŋikiru. 15:5

Ikes ŋulu nyiasete ŋisiliŋa kec ŋulu ideniyorit ituŋanan ŋinice, ikes ŋulu nyijaete ŋakaluŋuluŋui akisitakinia ŋini emam ŋuna aronok itiyat. Ŋituŋa ŋulu itiyaete ŋakiro ŋun, erubakinete iboiyete emam ŋace.

Awos. 17:9

Tema Moses neni a Yosua, “Toseu ŋikilyok ŋidi alotuŋa yok toloto kitijioto Ŋiamaleki. Awoi ayoŋ moi taparacu alokidiama emukura atiŋit ebela ŋolo ka Akuj.”

Awos. 18:25

Toseu iŋes ŋikilyok ŋulu epedorete akitiya alo Isirael a daadaŋ, kituruwo ikes ŋikapolokinitok ŋituŋa ŋalipulipui, ŋamiamiae, ŋatomonikanikani ka ŋitomotomoe.

Ŋakit. 28:2

Ani kiguryasi ŋituŋa anakwap kec, elalak ŋikepukak anakwap kec, nai ani keyakar akwap ekepukan ŋolo aoson, eyakaun nakwap ŋin apuponor ŋinaruba.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Isa. 16:5

eruwor nai ipei a ŋiletok a Daudi erwosit, ipukae iŋes ŋituŋa ka amina a ŋina nyiryaŋiryaŋa, eruwor iŋes erwosit ŋolo ipukat anakiyookino ekepukan ŋolo iwarit akiyookino ŋolo iburiburi atipei akitiya ŋuna iyookino.

Isa. 33:15

Ŋulu itiyaete ŋuna iyookino kirworos ŋakiro ŋuna a kire ŋulu nyejoikinit aryamun ibore anademun ŋuluce ŋiboro kec, ŋulu eŋerito akijaunun ŋakaluŋuluŋui, ŋulu nyecamito akiirar ŋakiro ŋuna earere ŋuluce ka ŋulu nyecamito akitere ŋuna aronok.

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Yer. 5:1

Okoe ŋituŋa a Yerusalem, tokera ilosete ka iboŋete alorotin a etaun kus, toŋoleŋolekisi, ido kiŋolikis, kiwara nalapatui a etaun kus kiŋolikis erae kipedorete aryamun idiotuŋanan ŋini itiyae ŋuna iyookino, ŋini iwarit ŋakiro ŋuna a kire, ikotere apedori ayoŋ akisyon Yerusalem.

Esek. 18:8

ani pa kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak ka keŋerit iŋes akitiya aronis, totubi aloikiiko a ŋolo iburatotor ŋituŋa ŋakiro ŋuna nyeikinitor epei a ŋul,

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Sakar 7:9

“Ŋakiro ŋuna irworo Ekapolon ŋolo Etiron ikes nu ebe, ‘Emaikina iyes totubo ŋakiro anakiyookino ka kitoodiut arimao ka akisyon neni a ŋinice.

Sakar 8:16

Ŋakiro nu ikes emaikina iyes kitiyata: Itemokino ŋinituŋanan kirwor ŋuna a kire neni a ŋinice ka totubonokisi anakiyookino alo ikiikoe kus.

Ekim. 1:16

Arae ŋul ŋikilyok ŋitomon ka ŋiarei ŋulu arae ŋikarikok a ŋikabilae ka a ŋasepico a Ŋisirael ŋulu aponi toseunae akiŋarakin Moses ka Aron alotic a ŋolo ka akimar Ŋisirael daadaŋ.”

Ekim. 1:4

Emaikina iyes toseut epeikile alotooma ŋolokabila akiŋarakin iyes alotic a ŋol, emaikina ŋikilyok ŋul torae ŋikarikok a ŋatekerin kec.

Ekim. 10:4

Nai ani ekutakinio arupepe apei bon, ŋikarikok ka ŋikapolokinitok a ŋikabilae a Ŋisirael make ikes ecunun kiŋaren kon.

Luk. 18:2

Tolimu iŋes tema, “Ayai lotaun ece ekatubon ŋakiro ŋolo pa akerit Akuj ka pa amisit ŋituŋa.

Luk. 18:4

Abu ekatubon ya apaki ŋina aoyan nyetyaka ŋakiro; nai ani ekaku, totamu iŋes tema, ‘Tari pa kakerit ayoŋ Akuj kori ŋituŋa,

Ŋitic. 20:33

Iyenete iyes ŋilopeyek atemar nyiwuakina ayoŋ ekibure losilipa a ituŋanan a idio, logolid kori lolowi,

Ŋitic. 6:3

Aŋun ŋikaitotoi, toseutu alokidiŋ kus ŋikilyok ŋikanikaarei ŋulu ajokak, ŋulu ileleba Etau ŋolo Asegan ka aosou, ŋulu itemokino oinakisi etic lo.

Ŋikis. 22:18

Eayete nai ŋikasikou a etaun a ŋol ekile ŋolo aŋerit akiboi ka apese keŋ, ido kisicana;

1 Tim. 3:3

Itemokino nyerae ŋolo emerana, ŋolo eryenyaana, nai torae ŋolo iyapara, meere ŋolo iburana ka ŋolo emina ŋisiliŋa.

Yos. 22:14

Kiyakiyarae iŋes ka ŋikarikok ŋitomon, epei a ŋolokabila a Ŋisirael. Arae daŋ ŋikarikok ŋul ŋulu apolokinito ŋatekerin a Ŋisirael.

1 Sam. 8:12

Eseununui iŋes ikes toruwor ŋikapolokinitok ŋisigarya ŋalipulipui ka ŋatomonikanikani ka ŋice toruwor ŋiketak ka ŋikalemak emanikor keŋ, ŋice kitiyata ŋiboro keŋ ŋulu ke ejie ka ŋulu a ŋagaari.

1 Sam. 8:3

Nai apotu ŋidwe a Samuel ŋul nyiwuapa ŋipitesyo a Samuel, apotu ikes tooliyosi alopitesyo a papa kec, kiwara aryamun ebari ŋolo kitunauna. Apotu ikes tocamut akijare ŋakaluŋuluŋui, toŋero ŋakiro ŋuna ka akiyookino.