Awos. 17:10 - Ebaibul

¹⁰ Aŋun, abu Yosua kitiya ikwapei alimokinitor Moses iŋes, kitiji Ŋiamaleki apaki ŋina ayakatar Moses ka Aron ta Ur kidiama emukura.

Awos. 17:10 Iomraidhean Croise

1 Ŋakiro a ŋirwa 2:19

Ani etwani Asuba, abu Kalubai kiit Epuras, ido apotu touruut esapat ŋolo anyaritae Ur.

Awos. 17:11

Apaki daadaŋ ŋina ekyaaritor Moses akan keŋ, elounito Ŋisirael Ŋiamaleki; ido apaki daadaŋ ŋina etikiunio Moses akan keŋ, kilout Ŋiamaleki Ŋisirael.

Awos. 17:12

Nai abu toup Moses akikyaarit ŋakan keŋ, aŋun, apotu ŋirukitos keŋ tolemut amoru kisiboikis Moses nen. Totiŋa Aron ka Ur ŋakan a Moses kikyaasi, ipei kikyaa teten ka ŋinice kikyaa kedyeny. Aŋun, apotu ŋakan a Moses torubakis ikyaara akitodol ŋina adoiyorya akoloŋ.

Awos. 24:14

Tema Moses neni a ŋikasikou, “Kidareunoe isua a ne akitodol ŋina eboŋunere neni kus. Ikidarete iyes Aron ka Ur, ituŋanan daadaŋ ŋini eŋoikin ka ŋinice, emaikina tolot neni kec.”

Awos. 31:2

“Kiira, adau ayoŋ aseun Besalel lokoku a Uri, lopapaait a Ur a ŋolo alokabila a Yuda.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Yoa. 15:14

Irae iyes ŋikonei kaŋ, erae kitiyata ŋuna ekecikakini ayoŋ iyes.

Yoa. 2:5

Tolimok nai toto keŋ ŋiketiyak tema, “Kitiyata ŋuna daadaŋ ikilimokini iŋes iyes.”

Yos. 11:15

Arae epite ŋolopei sek ecikitor Ekapolon Moses eketiyan keŋ, abunio Moses kicikia Yosua, tosodi Yosua kitiyak ŋun. Nyeesikina iŋes akitiya idiobore daadaŋ ŋini ecikit Ekapolon Moses.