Awos. 16:35 - Ebaibul

³⁵ Kimuja Ŋisirael Manna ŋikaru ŋatomoniomwon, akitodol ŋina adolunioto nakwap ŋina apotu kiboikinos. Apotu ikes kimuja Manna akitodol ŋina adolunito lokukoru ŋolo ka akwap a Kanaan.

Awos. 16:35 Iomraidhean Croise

Neem. 9:15

Ani enyami akoro ikes, ibu iyoŋ inak ikes ŋamugati ŋuna anakuj ka ani enyami ikes akure ibu iyoŋ inak ikes ŋakipi anataaba, ido ibu itolimok ikes atemar tolomasi kituruwosi akwap ŋina kus, akwap ŋina ibu iyoŋ kikoŋ ainakin ikes.

Ekim. 32:13

Abu Ekapolon toŋoik Ŋisirael, kimyek ikes kirimo analoŋisat ŋikaru ŋatomoniomwon tari ŋina adaunor anyamet daadaŋ ŋina abu kitiya ŋuna aronok alokiŋaren Ekapolon.

Ekim. 33:38

Abu Aron esacaradoti tolot a nen Moru Or ikwapei alimunitor Ekapolon, ido abu totwan aina. Atwani Aron erae ŋirwa ke elap epei, elap ŋolo a ŋikan alokaru a ŋolo a ŋatomoniomwon kelomut Ŋisirael alo Ijipit.

Ŋitic. 7:36

Abu Moses kiten Ŋisirael, kitiya ŋakujuwuanisya ka ŋaumonokineta alo Ijipit ka ananam a ŋina enyaritae Anam ŋina Areŋan ta analoŋisat ŋikaru ŋatomoniomwon.

1 Ŋikor. 10:3

Tonyama daadaŋ akimuj ŋina ainakini Akuj ikes,

Ŋikis. 1:8

Kiirasi akainak ayoŋ iyes akwap ŋin, toloto kikamasi akwap ŋin kituruwosi ŋina kus, akwap ŋina abu ayoŋ ekoŋ ainakin atapapaa kus Aburaam, Isaka ka Yakob ka neni a ŋiletok kec ekaku kec.”

Ŋikis. 2:7

Kire jik, ikiterereŋ Ekapolon Akuj kus iyes anakiro a daadaŋ a ŋuna itiyata iyes, eyeni iŋes alosit kus ŋina ilosyoto iyes analoŋisat na a ŋina apolon nooi. Ŋikaru ŋatomoniomwon lu daadaŋ irukito iyes ka Ekapolon Akuj kus, mam ibore ipotu iyes kicanakin.’ ”

Ŋikis. 29:4

Nai akitodol nakoloŋit na eriŋa Ekapolon nyeinakina iyes aosou ka ŋatameta ŋunayenunet ŋakiro, kori ŋakonyen ŋuna kiŋolikinet ŋakiro ŋuna itiyakin, kori ŋaki ŋuna kiiraret ŋakiro ŋuna adaut akitiyakin nakiyar kus.

Ŋikis. 8:4

Alotooma ŋikaru ŋatomoniomwon lu, apotu ŋilowi kus nyenyamun ka nyebuuno ŋakejen kus.

Yos. 5:12

Akoloŋit ŋina atupakini ŋina anyamyata ikes ŋinyomen ŋulu analup a ŋun abu akimuj ŋina anyaritae “Manna” todaun, tosodo Ŋisirael tonyama ekaru ŋol ŋinyomen ŋulu anakwap a Kanaan.