Awos. 16:23 - Ebaibul

²³ tema Moses neni kec, “Ŋakiro nu ikes ikicik iyes Ekapolon ebe, ‘Erae moi taparacu akoloŋit ŋina nyemaikina idiotuŋanan kitiya ediotic, erae akoloŋit ŋina asegan ŋina ke Ekapolon, ŋina enyaritae Sabato. Kipoto ŋamugati ka ŋinibore daadaŋ icamito iyes akipore. Akimuj daadaŋ ŋina ipoete, ido nyimuji, emaikina iyes kiŋadaasi akitodol moi taparacu.’ ”

Awos. 16:23 Iomraidhean Croise

Neem. 9:13

Ibu daŋ iyoŋ totiyaun kidiama emoru Sinai, kirwor neni kec alokidiama, ido iinaki ikes ŋakiro ŋuna iyookino, ŋikisila ŋulu a kire, ŋakiro ŋuna itubunit iyoŋ ŋuna ajokak ka ŋakiciketa,

Neem. 9:14

ibu kiteyenik ikes Sabato kon ŋina asegan, ido iinak ikes ŋakiciketa, ŋakiro ŋuna etubunitoe ka ŋikisila aneni a eketiyan kon Moses.

Awos. 16:19

Tema nai Moses neni kec, “Mam ituŋanan emaikina kiŋadak akimuj ŋin akitodol moi taparacu.”

Awos. 23:12

“Kitiyata ŋiticisyo kus ŋirwa ŋikanikapei, nai ani edoli akoloŋit ŋina a ŋakanikaarei, emaikina kieŋut, ikotere ŋimoŋin ka ŋisigirya kus daŋ kieŋut, tosodi kieŋu epito ŋolo euritae alokalya kus ka kieŋu igelaanot ŋini iboiyete ka iyes.

Awos. 31:15

Kitiyata ŋiticisyo kus alotooma ŋirwa ŋikanikapei bon, nai akoloŋit ŋina a ŋakanikaarei, erae ŋina a Sabato, ŋina italetoe aŋuna ka akieŋunia akoloŋit ŋina italetoe aŋuna ke Ekapolon. Ituŋanan daadaŋ ŋini itiyae etic edio akoloŋit ŋina a Sabato, emaikina toarae.

Yer. 17:22

Nyiwoko idiobore anakais kus akoloŋit ŋina a Sabato, kori kitiyata etic edyo, nai kitopoloosi akoloŋit ŋina a Sabato erae akoloŋit ŋina asegan, kitopoloosi lopite ŋolo ecikitor ayoŋ atapapaa kus.

Ŋilep. 23:3

“‘Kitiyata etic ŋirwa ŋikanikapei bon, nai akoloŋit ŋina a ŋakanikaarei erae ŋina a Sabato ŋina ka akieŋun. Erae akoloŋit ŋina asegan ŋina icunakinotor iyes iwapei kilipa. Nyemaikina iyes kitiyata etic edio aneni daadaŋ iboiyoto iyes. Erae akoloŋit ŋin Sabato ŋina ke Ekapolon.

Ekim. 11:7

Arae Manna ibore ŋini ekoni ŋicok a emucele ka ekoni eminae a ekaramwae.

Ekim. 11:8

Aloseneneete ŋituŋa akirira Manna alokiŋa alomar, yaut nalomar, kiryata a ŋamoru, kori toruko a ŋilepito, ido kipoto a ŋamoti kipout ŋamugati ŋuna abobok ŋuna ekoni abobou kec ŋina a amugati a ŋuna ipotoi ka akimyet.

Luk. 23:56

Toboŋosi nai lorerya kec akitemokin akimyet ŋina akukunyon ŋina kiwosakina nakuwan keŋ. Kieŋut ikes akoloŋit ŋina a Sabato, ikwa egiritere Lokisila a Moses.

Ŋikis. 5:12

“Totamunito akoloŋit ŋina a Sabato, ido kituruworito iŋes ŋina asegan lopite ŋolo ikicikitor Ekapolon Akuj kus iyes.

Akis. 1:10

Anakoloŋit a ŋina ke Ekapolon, abu apedor ŋina ke Etau a ŋolo Asegan min neni kaŋ, abu eira etoil alokaku kaŋ ŋolo ereta ikwa arupepe.