Awos. 16:15 - Ebaibul

¹⁵ Ani iŋolikinete Ŋisirael ibore ŋin, kiŋitanaros make temasi, “Nyo ibore ŋin?” Anerae pa ayenete ikes atemar kerae nyo. Tema Moses neni kec, “Erae akimuj ŋina ikiinak iyes Ekapolon atemar tonyama.

Awos. 16:15 Iomraidhean Croise

Neem. 9:15

Ani enyami akoro ikes, ibu iyoŋ inak ikes ŋamugati ŋuna anakuj ka ani enyami ikes akure ibu iyoŋ inak ikes ŋakipi anataaba, ido ibu itolimok ikes atemar tolomasi kituruwosi akwap ŋina kus, akwap ŋina ibu iyoŋ kikoŋ ainakin ikes.

Neem. 9:20

Ibu iyoŋ inak ikes etau kon ŋolo ajokan akitatam ikes, nyelemara iyoŋ Manna kon anakituka kec ka ibu iinak ikes ŋakipi aŋuna ka akure.

Ŋikiru. 105:40

Apotu Ŋisirael kiŋita Akuj akimuj, ido abu Akuj inak ikes ŋalurui, abu inak ikes akimuj ŋina anakuj kisimwon ikes.

Ŋikiru. 78:24

abu Akuj tobuku kwap akimuj ŋina enyaritae Manna aŋuna a ŋituŋa kimuja, abu inak ikes akimuj ŋina anakuj.

Awos. 16:31

Tolimokis Ŋisirael ekiro ka akimuj a ŋin Manna. Akwaŋ akimuj ŋin ekoni ŋicok a emucele ka abob nooi ekoni ŋamugati ŋuna itiyaunitae a akimyet a ŋina ka ao.

Awos. 16:33

Tema Moses neni ka Aron, “Tolemu amot kiwuak ŋakiloi ŋaarei ŋuna a Manna tooma. Tosipok amot ŋin kiŋaren Asaduku ŋina ka Acamunet, kidarae kiŋolikis ŋanyameta ŋuna eponito.”

Awos. 16:4

Tema nai Ekapolon neni a Moses, “Etodoiuni tokona ayoŋ akimuj anakuj aŋuna kus, emaikina ŋituŋa toloto a ŋinakoloŋit kiriraut akimuj ŋina itemokino akoloŋit ŋin. Alopite a ŋol, ekatakini ayoŋ ikes, kiwuapete ŋuna alimok ayoŋ ikes, kori mam.

Ŋakit. 9:5

“Potu kimuja akimuj kaŋ ka tomata epiini ŋolo adau ayoŋ akigur.

Ekim. 21:5

Kirworo ŋituŋa ŋuna aronok neni ka Akuj ka neni a Moses ebasi, “Kaanukiro ikiyauniata iyes isua alo Ijipit atwakare analoŋisat? Emam akimuj ka emam ŋakipi a ne; ikiup isua akinyam akimuj ŋina apyanan na.”

Luk. 12:30

(Anerae ŋibukui ŋulu nyerae ŋulu a Ŋiyudayan ikes nyelakakinete akiwarit ŋiboro lugu daadaŋ.) Eyeni Papa kus atemar iitanito iyes ŋiboro lu daadaŋ.

Yoa. 6:49

Tari koloŋ kimujito atapapaa kus Manna analoŋisat, apotu totwaka ekaku.

Yoa. 6:58

Erae ŋin akimuj ŋina ebunit anakuj; nyikoni iŋes akimuj ŋina apotu atapapaa kus kimuja, nai apotu totwaka ekaku. Kire, ŋini imuji akimuj ŋin, eyari jik.”

1 Ŋikor. 10:3

Tonyama daadaŋ akimuj ŋina ainakini Akuj ikes,

Ŋikis. 8:16

ka ikisimuj iyes analoŋisat a akimuj a ŋina anyaritae Manna, akimuj ŋina pa ayenete atapapaa kus; abu Ekapolon kitiya ŋun akitiditeunia ka akikatakinia iyes, ikotere ekaku kitiya ŋuna ajokak neni kus.

Ŋikis. 8:3

Abu iŋes ikitapatanu iyes ikitanyam akoro, nai abu ikiinak iyes Manna, akimuj ŋina sek pa iyenete iyes, kori atapapaa kus, ikotere ikiteyenikinia iyes atemar nyeyari ituŋanan a akimuj bon, nai ka akirot a daadaŋ a ŋina elimuni Ekapolon.

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.

Yos. 5:12

Akoloŋit ŋina atupakini ŋina anyamyata ikes ŋinyomen ŋulu analup a ŋun abu akimuj ŋina anyaritae “Manna” todaun, tosodo Ŋisirael tonyama ekaru ŋol ŋinyomen ŋulu anakwap a Kanaan.

Akis. 2:17

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini Manna adio ŋina iwuaitae. Ainakini nabo ayoŋ iŋes amoru ŋina akwaŋan ŋina igiritae ekiro ŋolokitete, ŋolo emam ituŋanan eyeni, mati ŋini einakinio amoru ŋin.