Awos. 15:6 - Ebaibul

⁶ Okoe Ekapolon, akan kon teten iŋes etoodiu apedor ŋina apolon nooi. akan kon teten iŋes abu kiela ŋimoe.

Awos. 15:6 Iomraidhean Croise

Ŋikiru. 17:7

Kitoodiu amina kon ŋina apolon nooi, Okoe ekaiunan a ŋulu eponito neni kon aiuno alomoe kec.

Ŋikiru. 2:9

Idicari iyoŋ ikes, kinyas ikes ikwa ŋamoti ŋuna ebwaŋabwaŋaryo.”

Ŋikiru. 24:8

Ŋae mono Erwosit ŋolo apolon nooi ŋol? Erae Ekapolon ŋolo egogoŋ ka ŋolo etiron, Ekapolon ŋolo etiron alojie.

Ŋikiru. 44:3

Pa apotu ikes kikamasi akwap aŋuna ka ajionu kec, meere tari aŋuna ka agogoŋu kec aponiata ikes kilouniata; nai arae aŋuna ka apedor ka agogoŋu kon ka arae aŋuna iteyenikinitor iyoŋ ikes atemar iyai iyoŋ ka ikes, anerae imina iyoŋ ikes.

Ŋikiru. 44:4

Irae iyoŋ erwosit kaŋ ka Akuj kaŋ, iinanakini iyoŋ ŋituŋa kon akiloun ŋimoe kec.

Ŋikiru. 60:5

Toiunae isua, anagogoŋu kon, kiŋarakinae isua, ikotere elakunio ŋulu imina iyoŋ.

Ŋikiru. 74:11

Kaanukiro iwounitor iyoŋ akiŋarakin isua? Kaanukiro iwounitor iyoŋ akiŋarakin isua anakiro a nu?

Ŋikiru. 77:10

Abu nai otema, “Ŋuna akanomorito ayoŋ nooi ikes nu, nyeriŋa Akuj eyakar apedor.”

Ŋikiru. 89:14

Itogogoŋito apukan kon akiyookino ka akitub ŋakiro a akiyookino eyakasi neni kon amina ŋina nyiryaŋiryaŋa ka akikinyoma.

Ŋikiru. 98:1

Toeikisi eete ŋolokitete neni ke Ekapolon; anerae etiya iŋes ŋuna ka aumokin. Elou iŋes a apedor keŋ ka a agogoŋu keŋ a ŋina asegan.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 15:12

Ibu iyoŋ kikyaa akan kon ŋina aloteten, ido abu akwap kiliko ŋimoe kon.

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Awos. 18:8

Kitatamik nai Moses lokamuran keŋ ŋakiro daadaŋ ŋuna etiya Ekapolon neni a Parao ka neni a Ŋijipitian aŋuna a Ŋisirael. Kitatamik tari ŋatyokisyo ŋuna kepotu Ŋisirael toryamut alorot ka epite ŋolo abunio Ekapolon toiunia ikes anatyokisyo a ŋun.

Awos. 3:20

Aŋun, esitiyae ayoŋ apedor kaŋ, esicani ŋituŋa a Ijipit alorotin a ŋulu ka aumokin a ŋulu alosi ayoŋ akitiyanakin neni kec. Ekaku a ŋun, ikimyekini Parao iyes toloto.

Awos. 6:1

Tema nai Ekapolon neni a Moses, “Iŋolikini tokona iyoŋ ŋuna etiyakini ayoŋ neni a Parao: Kire jik, areikini ayoŋ iŋes kimyek ŋituŋa kaŋ toloto, kire areikini ayoŋ iŋes kirita ŋituŋa kaŋ torotokis anakwap keŋ.”

Isa. 30:14

Ikwaanikin abwaŋabwaŋar a arwatata a ŋin ka neni ebwaŋar amot ŋina ebwaŋio ka anyunyura, ŋina nyepedoryo aryamun tari itabok ŋini ekurorere akim, kori aokunio ŋakipi alokare.”

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 63:12

ŋolo abu inak apolou keŋ ŋina ka apedor toyakaun nakan a Moses ŋina aloteten, ŋolo abu totyak ŋakipi alokiŋaren Ŋisirael, ikotere itopoloorere ekiro keŋ ŋikaru ka ŋikaru.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Akis. 2:27

Ipukae iŋes ikes ka aryenyeo, kinyas ikes ikwa ŋamoti ŋuna ebwaŋabwaŋaaryo, ikwapei akainitor ayoŋ Papa kaŋ apedor.

1 Sam. 2:10

Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”