Awos. 15:5 - Ebaibul

⁵ Adoiyosi ikes kwap ŋakipi nyetakanete; adoiyosi ikes kwap ŋakipi ikwa amoru.

Awos. 15:5 Iomraidhean Croise

Neem. 9:11

Ibu iyoŋ totyak ŋakipi a anam alokiŋaren kec, ikotere edokyata ikes anam eonit, nai ibu iyoŋ kimasak ŋulu ewupito ikes tooma nakipi, todoiyosi ikes esibit ŋamoru tooma nakipi ŋuna alalak.

Ŋikiru. 106:11

Apotu ŋakipi kitamata ŋimoe kec; mam ipei daŋ alomoe kec ŋini abu tobucar.

Awos. 14:28

Toboŋokis ŋakipi ayakau lopite ŋolopei sek ayakatar, toburusiyasi ŋagaari ka toara ŋikametok kec kaapei ka ŋasigarya a Parao daadaŋ ŋuna sek ewuapito Ŋisirael alokidiŋ Anam, mam ipei daŋ abu kidoŋ.

Awos. 15:10

Nai ibu iyoŋ kitukut ekuwuam kon, ido abu Anam kilelyaiya ikes. Apotu ikes tosiposi kwap ŋakipi ikwa asuwat ŋina apotyon, apotu ikes tosiposi kwap ŋakipi ŋunacukul nooi.

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Ŋakit. 8:24

Aponi ayoŋ okosubun eriŋa ŋanamyo nyesubuna, aponi ayoŋ okosubun eriŋa ŋilelyan nyesubuna.

Esek. 27:34

Ikielielakin tokona iyoŋ Tiro nanamyo idau asipor kwap ŋakipi; isiposi iyoŋ kaapei ka ŋiboro kon ta ŋulu etiyaete aŋuna kon.

Yona 2:2

Tema, “Abu ayoŋ alocan kaŋ ekaloik Ekapolon, ido abu iŋes toboŋok akigworo kaŋ; alotooma akibois a ŋikatwak, abu ayoŋ ekalou acamit ekeŋarakin, ibu iyoŋ kiira etoil kaŋ.

Mika 7:19

Ikisyoni iyoŋ isua nabo; ikwaanikin ŋasecisya kosi ka ibore ŋini ipudaari iyoŋ a ŋakejen. Ilemari iyoŋ ŋasecisya kosi, ikwaanikin ka ibore ŋini imasaryo nanam kwap ŋakipi.

Mat. 18:6

“Nai ituŋanan ŋini iteseci ipei a ŋulu cicik a lu, a ŋulu akanupito ayoŋ, kitemokino iŋes toenikinae amoru ŋinakiryeet lomosiriŋ keŋ, kimasakinae nanam.

Akis. 18:21

Abu emalaika tolemu amoru ŋina atya ŋinakiryeet, kimasa nanam ebala, “Ikokinio inyasunio Babilon etaun ŋolo apolon nooi nege, nyeanyuwar nabo.