Awos. 15:26 - Ebaibul

²⁶ tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 15:26 Iomraidhean Croise

1 Ŋirw. 11:33

Etiyae ayoŋ ŋun, anerae ekemyek ayoŋ, ido ilipi neni ka Asitores a akuj a ŋisidonianineni a Cemes a akuj a Ŋimoabi ka neni a Milikom a akuj a Ŋiamoni. Awou iŋes akiwuap ŋuna abala ayoŋ, nyitiya daŋ ŋuna iyookino alokiŋaren kaŋ, nyiwuapa daŋ ŋikisila kaŋ ka ŋuna atubunit ayoŋ kitiya iŋes lopite ŋolo etiyator Daudi ŋolo arae papa a Solomon.

1 Ŋirw. 11:38

Ani kiira iyoŋ daadaŋ ŋuna iyookino alokiŋaren kaŋ iwuapit ŋikisilakaŋ, ka ŋakiciciketa kaŋ, lopite ŋolo etiyaa Daudi eketiyan kaŋ, ikiruki iyoŋ ka ayoŋ, ido eturubakini ŋiletok kon erae ŋikepukak ekaku kon lopite ŋolo abunio eturubakinia ŋulu a Daudi. Akainakini ayoŋ iyoŋ ŋikabilae ŋulu alo Kuju Isirael.

2 Ŋirw. 2:21

Tolot nai iŋes lolelya a ŋakipi, tobukoki acumbi tooma kirworik tema, “Ebala Ekapolon, etojoku ayoŋ ŋakipi nu; ameun tokona, nyeriŋa ikes earete ŋituŋa, kori itesecununeete ŋaberu.”

2 Ŋirw. 20:5

“Toboŋo tolimok Esekia ŋolo epolokinit ŋituŋa kaŋ atemar ebala Ekapolon ŋolo erae Akuj a papaa kon a Daudi ebe, ‘Adau ayoŋ akiirar akigworo kon ka aanyun ŋakiyo kon; eketaŋaleuni ayoŋ iyoŋ. Kelunyar ŋirwa ŋiuni ameun akoloŋit na, ilosi iyoŋ tooma Akai ka Akuj.

2 Ŋirw. 22:2

Abu iŋes kitiya ŋakiro ŋuna etalakarito Ekapolon ka ewuapit ŋipitesyo daadaŋ ŋulu a Daudi a papaa keŋ. Abu Yosia nyimyek akitiya ŋuna eyookino alokiŋaren Ekapolon.

Yob 5:18

Ikiwani Akuj, nai iŋes pei ikimadi, ikidai Akuj, nai iŋes pei itiiyori neni ewanan.

Ŋikiru. 103:3

Isyoniyenene Ekapolon ŋasecisya kaŋ daadaŋ, eketaŋaleununui iŋes ayoŋ alodekesyo kaŋ a daadaŋ;

Ŋikiru. 147:3

Isimukekini ŋulu amamukaun amukeo alotai kec, imaduni ŋulu ewanan.

Ŋikiru. 81:9

Nyiyakaunotor akuj ŋina egelaana kidiŋ kus; nyemaikina iyes toryediko, kilipa neni ka akuj a ŋina egelaana.

Awos. 12:29

Ani edoli kidiŋ akuwar, toar Ekapolon ŋikiyae alo Ijipit daadaŋ, akisyakin aneni a ŋini a Parao a ŋini emaikina kisiboikinoe lokicoloŋ akipuka, tari neni a ŋini a emabus a ŋolo ayai lojera ka ŋikiyae daadaŋ ŋulu a ŋibaren kec.

Awos. 19:5

Ani tokona kiwuapa iyes ŋakiro kaŋ nooi, ido kirica Acamunet kaŋ, iruworosi iyes ŋituŋa kaŋ ŋulu amina ayoŋ nooi alotuŋa a daadaŋ anakwap. Kire erae akwap daadaŋ ŋina kaŋ,

Awos. 19:6

iruworosi iyes aneni kaŋ ŋisacaradotin ŋulurwosi ka ŋituŋa ŋuluseuna. Ŋakiro ŋun ikes ilimokini iyoŋ Ŋisirael.”

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Awos. 23:25

Kilipa neni ke Ekapolon Akuj kus, eterereŋi ayoŋ akimuj ka ŋakipi kus; ido alemari ayoŋ ŋidekesyo aneni kus.

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Isa. 57:18

Eŋolik ayoŋ ŋuna ewuapito ikes, nai etaŋaleuni ayoŋ ikes. Ariki ayoŋ ikes enyakak neni kec akiboi ka alakara, ainakini ŋulu igworosi aŋuna kec toeoto.

Yer. 11:7

anerae abu ayoŋ olimok ka agogoŋu atapapaa kus apaki ŋina ayaunia ayoŋ ikes anakwap a Ijipit atemar torubakisi iwuapito ŋakiro kaŋ, alimokinit ayoŋ ikes ŋakiro ŋun tari nakoloŋit na atemar kiwuapa ŋuna erworo ayoŋ.

Yer. 17:24

“Nai ani kiirasi iyes ŋakiro kaŋ, nyiwokut idiobore kitorunioto lopukei a etaun a lo akoloŋit ŋina a Sabato, nai kitopoloosi akoloŋit ŋina a Sabato erae akoloŋit ŋina asegan, ido nyitiyata etic edio akoloŋit ŋin,

Yer. 30:17

Eketojokuni ayoŋ iyes nabo, ka etiiyori ayoŋ ŋajemei kus, anerae ikinyarata ŋimoe kus iyes ebe, ‘Erae ikes ŋulu ilamitae, ilamitae Sion, mam ituŋanan emisit iŋes.’ ”

Yer. 33:6

Kikote neni daŋ, enyakakini ayoŋ ajokis ka a ŋaleu lotuŋa a etaun a lo, etojokuni ayoŋ ikes, esileerek ikes abaru ŋina alalan ka akiboi ejok.

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Yer. 8:22

Emam mono alo Gilead ekitoe ŋolo kitojokunet ituŋanan ŋini edyak a? Emam mono eketaŋaleunon eyai ina a? Kaanukiro nai pa ajokuniata ŋituŋa kaŋ ŋulu a ŋican anadyaka kec?

Esek. 18:5

“Ani kiyookino ituŋanan ka kitiyae ŋuna ecamakinito ŋikisila ŋuna iyookino,

Osea 11:3

Torae bo ayoŋ arikit ŋituŋa a Epuraim elosete, ayoŋ abu eŋarak ikes a ŋakan kaŋ, nai nyeyenete ikes atemar abu ayoŋ etaŋaleu ikes.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Ŋilep. 26:13

Arae ayoŋ Ekapolon Akuj kus, ŋina abu okoyau iyes alo Ijipit, ikotere tojoŋoto araakau ŋipi a Ŋijipitian, abu ayoŋ olema ŋatyokisyo ŋuna iyakatar iyes, eketuruwo iyes ŋulu iboiyete emam ŋace.’ ”

Ŋilep. 26:3

“‘Ani kiwuap iyes ŋakiro ŋuna atubunit ayoŋ, ido kirica ŋakiciketa kaŋ ka kirica ikes anakikinyoma,

Ekim. 12:13

Abu nai Moses kikaloik Ekapolon tema, “Okoe Akuj, kitoŋaleu kare ca iŋes.”

Ŋikis. 12:25

Nyinyama jik ŋaokot, ikotere iyakaunosi emam ŋace, iyes kaapei ka ŋidwe kus ŋulu epote ekaku kus, anerae ipotu iyes kitiyata ŋuna iyookino alokiŋaren Ekapolon.

Ŋikis. 12:28

Tocoikisi akiwuap ŋakiro ŋun daadaŋ ŋuna adau ayoŋ alimokin iyes, ikotere emamukaun ŋace ŋikaru ka ŋikaru aneni kus ka aneni a ŋidwe kus a ŋulu epote ekaku kus, anerae ipotu iyes kitiyata ŋuna ajokak ŋuna iyookino alokiŋaren Ekapolon Akuj kus.

Ŋikis. 13:18

Itiyakinosi ŋun erae kiwuapa iyes ŋakiro ŋuna elimuni Ekapolon aŋuna iwuapyata ŋakiciketa keŋ ŋuna ekecik ayoŋ iyes akiwuap nakoloŋit na ka torubak itiyaete ŋuna iyookino alokiŋaren Ekapolon Akuj kus,

Ŋikis. 28:27

Ikisicani Ekapolon iyes a ŋilepunoe a ŋulu esicanitere ŋituŋa a Ijipit ka a ŋajemei a ŋuna erae etoku, a ŋiipu, akipiere a ŋawat, mam nyiŋaleunete iyes alodekesyo a ŋul.

Ŋikis. 28:58

Ani pa kiwuapa iyes ejok ka kirica ŋakiro daadaŋ ŋuna a ŋikisila a lu, ŋuna igiritae lokitaabo lo, itopoloorito ekiro ŋolo ka apolou, ŋolo etubulon, ŋolo a Ekapolon Akuj kus,

Ŋikis. 28:60

Eyauni iŋes neni kus daŋ ŋidekesyo ŋulu esicanitere ŋituŋa a Ijipit, ŋidekesyo ŋulu apotu ikitubulo iyes ka erubakinete ŋidekesyo ŋul aneni kus.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

Ŋikis. 5:1

Tonyarau Moses Ŋisirael daadaŋ, tosodi tolimok ikes tema, “Okoe Ŋisirael kiirasi ŋakiro ŋuna etubunitoe ka ŋikisila ŋulu akalimokini ayoŋ iyes nakoloŋit na, emaikina iyes toyenut ka kiwuapa ejok inakina.

Ŋikis. 7:15

Itiri Ekapolon aneni kus ŋidekesyo daadaŋ, ŋidekesyo daadaŋ ŋulu etubulok ŋulu ipotu iyes kiŋolikis alo Ijipit, nai imyekini iŋes ŋidekesyo ŋul pena neni a ŋituŋa a ŋulu ikitidiŋito iyes.