Awos. 15:25 - Ebaibul

²⁵ Kikalou Moses neni ke Ekapolon, ido abu Ekapolon kitoodik akitoe ŋinadio cici, kimasak Moses akitoe ŋin nakipi, tobobout ŋakipi ŋuna sek adwarak. Abu nai Ekapolon inak Ŋisirael ŋikisila ka ŋuna atubunit iŋes, kikatak ikes

Awos. 15:25 Iomraidhean Croise

2 Ŋirw. 2:21

Tolot nai iŋes lolelya a ŋakipi, tobukoki acumbi tooma kirworik tema, “Ebala Ekapolon, etojoku ayoŋ ŋakipi nu; ameun tokona, nyeriŋa ikes earete ŋituŋa, kori itesecununeete ŋaberu.”

2 Ŋirw. 4:41

Tolimu Elisa tema, “Inunae ayoŋ ŋakirya ŋadi.” Abu iŋes kipurupurak ŋakirya namot tolimu tema, “Tokorakisi akimuj lotuŋa kimuja.” Todaun ibore ŋini aronon ŋini sek ayai nakimuj ŋina ayai namot.

2 Ŋirw. 6:6

Kiŋit Elisa iŋes tema, “Aliwae ado?” Ani kedaun akitoodikin iŋes, tosodi Elisa tobilu akitoe, kimasak neni abookoi adoe aep, kilepun aep, ido ilemilemo anakipi.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 66:10

Okoe Akuj, idau iyoŋ akikatakin isua; ikikatak iyoŋ isua lopite ŋolo ikatakinere esilipa.

Ŋikiru. 81:7

Alocan kus ipotu iyes itonyarata ayoŋ, ido abu ayoŋ okoiu iyes, abu ayoŋ okoboŋok iyes anakibois a ŋina emunono a ŋina ayai neni agiro; abu ayoŋ ekekatak iyes apaki ŋina iyakatar locowae ŋulu a Meriba.

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Ŋikiru. 99:6

Arae Moses ka Aron ŋice a ŋisacaradotin keŋ, arae Samuel daŋ epei a ŋulu elipete neni keŋ aŋuna a ŋituŋa; apotu ikes kilipa neni ke Ekapolon aŋuna a ŋituŋa, ido abu Ekapolon toboŋok ikes.

Awos. 14:10

Ani eapiyari Parao neni a Ŋisirael, kiŋoliyasi Ŋisirael kaku, kiŋolikis Ŋijipitian eponito neni kec keapuut. Kikalout Ŋisirael nooi neni ke Ekapolon, anerae abu akuryanu min neni kec.

Awos. 16:4

Tema nai Ekapolon neni a Moses, “Etodoiuni tokona ayoŋ akimuj anakuj aŋuna kus, emaikina ŋituŋa toloto a ŋinakoloŋit kiriraut akimuj ŋina itemokino akoloŋit ŋin. Alopite a ŋol, ekatakini ayoŋ ikes, kiwuapete ŋuna alimok ayoŋ ikes, kori mam.

Awos. 17:4

Aŋun, abu Moses kikalou neni ke Ekapolon kiŋit tema, “Nyo emaikina ayoŋ etiya neni a ŋituŋa a lu? Etenito ikes akicak ayoŋ a ŋamoru.”

Awos. 20:20

Tema Moses neni a ŋituŋa, “Nyikuryaketa, anerae ebunit Akuj erae akikatakin iyes, ikotere torubakis iwuapito ŋakiro keŋ nyiseceta.”

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yer. 9:7

“Aŋun, alimu Ekapolon ŋolo a ŋajoresyo atemar, ase tokona ayoŋ ŋituŋa kaŋ, ido ekatak ikes. Anukiro tokona ŋace emaikina ayoŋ etiya neni a ŋituŋa kaŋ a ŋulu arubakis eseceneneete?

Esek. 47:7

Ani adoli ayoŋ lokipetot, abu eŋolik ŋikito ŋulu alalak nooi eyakasi ŋolokipetot ka a ŋolol.

Esek. 47:8

Tema ekile ŋol neni kaŋ, “Eleleete ŋakipi nu nakwap ŋina eyai lowae ŋolo alo Kide, ido totiyaaros Araba. Ani elomarete nanam ŋina ewuatar ŋakipi, toruwor ŋakipi ŋuna ajokak.

1 Ŋikor. 1:18

Anerae akirot ŋina ke emusalaba erae abaŋao aneni a ŋituŋa a ŋulu ebukoro, nai aneni yok a ŋulu ikiiun erae apedor ŋina ka Akuj.

Ŋikis. 13:3

Nyemaikina iyes kiwuapa ŋakiro a ŋikadwarak a ŋul, kori a ŋikerujak a ŋul, a ŋulu edwarete ŋuna eponito, anerae ikikatakinit Ekapolon Akuj kus iyes, ikotere eyenuni erae kiminasi iyes kire Ekapolon Akuj kus a ŋitai kus a daadaŋ ka a akiyar kus a daadaŋ.

Ŋikis. 8:16

ka ikisimuj iyes analoŋisat a akimuj a ŋina anyaritae Manna, akimuj ŋina pa ayenete atapapaa kus; abu Ekapolon kitiya ŋun akitiditeunia ka akikatakinia iyes, ikotere ekaku kitiya ŋuna ajokak neni kus.

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

Ŋikat. 2:22

Aŋuna ka akikatakinia Ŋisirael, kepedorete kori pa kepedorete akiricakin akiwuap ŋuna a Ekapolon lopite ŋolo etiyatotor atapapaa kec, kori kemam,

Ŋikat. 3:1

Erae nu ŋakwapin ŋuna abu Ekapolon kimyek nyikamara, ikotere ikatakinia Ŋisirael alo Kanaan ŋulu pa ajito alojie ke edio.

Ŋikat. 3:4

Erae ŋakwapin ŋun ŋuna emyekinit Ekapolon aŋuna ka akitakakinia Ŋisirael, toyenunia kepedorete Ŋisirael akiwuap ŋakiciketa ŋuna ke Ekapolon ŋuna abu Ekapolon kicik atapapaa kec akiwuap aneni a Moses.