Awos. 15:21 - Ebaibul

²¹ Toeik Miriam ikes eete lo tema, “Oeikisi neni ke Ekapolon, anerae etopolooritae iŋes nooi aŋuna elounia ŋimoe; emasak iŋes ŋaŋolei ka ŋikametok kec nanam.”

Awos. 15:21 Iomraidhean Croise

2 Sam. 1:20

Nyemaikina ŋakiro nu tolimoroe alo Gas, kori kiserae alorotin a ŋulu ka Asikelon; anerae epedorete ŋidwe a Ŋipilistin ŋulupesur alelyan, epedorete ŋidwe a ŋul a ŋulu nyileŋeritae alakar.

2 Sam. 6:14

Kidoŋa Daudi itopoloorit Ekapolon ka agogoŋu keŋ a daadaŋ enapit anacir elou ŋolo amilimilan.

2 Ŋakiro a ŋirwa 5:13

Toeikis kaapei ejok nooi ŋulu akusete ŋarupepe ka ŋikaeok ŋuluce ipurosi ka elakara neni ke Ekapolon. Ani ikeunete ikes eete eosi a ŋarupepe, a ŋitworoi ka ŋiboro ŋice ŋulu eore, apotu kipuro Ekapolon ebasi: “Ejok Ekapolon, anerae erubakinit amina keŋ ŋina nyiryaŋiryaŋa eyai ŋikaru ka ŋikaru.” Aneni pei, toburusiya adis Akai ke Ekapolon,

Ŋikiru. 76:6

Anakiŋenyakinet kon, okoe Akuj a Yakob, apotu ŋaŋolei kaapei ka ŋikametok kec topero alokwap etwakito.

Awos. 15:1

Apotu nai Moses ka Ŋisirael toeikis eete lo neni ke Ekapolon temasi: “Aeikini ayoŋ neni ke Ekapolon, anerae itopolooritae iŋes nooi aŋuna elounia ŋimoe; emasak iŋes ŋaŋolei ka ŋikametok kec Nanam.

Awos. 15:4

Emasak iŋes ŋagaari ka ŋasigarya a Parao Nanam. Etamat Anam ŋina Areŋan ŋikapolok ŋulu ekinyomitae nooi ŋulu epukatotor Parao.

Akis. 14:3

Aeosi ŋituŋa ŋul eete ŋolokitete alokiŋaren ekicoloŋ ka alokiŋaren ŋityaŋ ŋuluomwon ŋulu ayarete ka alokiŋaren ŋikatukok. Amam idiotuŋanan ŋini apedori ayenun eete ŋol, mati ŋulu arae ŋalipyo amiat ka ŋatomoniomwon ka ŋiomwon, ŋulu keris keiun anakwap.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.

Ŋikat. 5:3

Kiirasi iyes ŋirwosi; topupokisi iyes ŋikapolok, aeikini ayoŋ neni ke Ekapolon, aeikini ayoŋ eete neni a Ekapolon Akuj a Ŋisirael.

1 Sam. 18:6

Ani epote ikes lore, apaki ŋina aboŋunio Daudi aneni aarya Epilistait, tolomut ŋaberu alotaunio a Isirael a daadaŋ eosi ka kidoŋaete elosete akisiryam erwosit Saul, toramete ŋiburin, toeos ŋieosyo ŋulu ka alelyan, toramete ŋiboro ŋulu eore.

1 Sam. 18:7

Toeonokin ŋaberu make elakara temasi, “Aar Saul ŋulu keŋ ŋalipyo, ido aar Daudi ŋulu keŋ ŋalipyo ŋatomotomoe.”