Awos. 15:16 - Ebaibul

¹⁶ Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Awos. 15:16 Iomraidhean Croise

Akisy. 35:5

Ani eriŋa ikes ewosete, min ekabule lotaunio daadaŋ ŋulu aya nawaetin kec, aŋun, emam ituŋanan abu totupak ikes.

2 Sam. 7:23

Ata ŋae ŋituŋa ikwaan ka ŋituŋa kon, Ŋisirael? Eya mono ŋituŋa ŋice ikwaanatar ikes anakwapin a akwap ŋulu abu Akuj kec tolot alakun ikwapei ŋituŋa keŋ, ido toruunio ekiro keŋ a? Eya mono ŋituŋa ŋulu abu Akuj kitiya ŋuna ka aumokin neni kec anakiritanar ŋituŋa a ŋakwapin ka ŋakujo kec alokiŋaren kec a?

Ŋikiru. 105:38

Apotu Ŋijipitian tolakaros erotokinete Ŋisirael, anerae abu sek kiil ikes aŋuna a Ŋisirael.

Ŋikiru. 74:2

Totamu ŋituŋa kon ŋulu ibu iyoŋ; toseu koloŋ sek toruwor ŋituŋa kon, totamu ekabila ŋolo ibu iyoŋ; toiu anapitoonut aruwor ŋituŋa kon a alope. Totamu emukura Sion neni koloŋ sek iboiyo iyoŋ.

Ŋikiru. 89:14

Itogogoŋito apukan kon akiyookino ka akitub ŋakiro a akiyookino eyakasi neni kon amina ŋina nyiryaŋiryaŋa ka akikinyoma.

Awos. 11:7

Nai mam iŋok ikomokini Ŋisirael, kerae neni a ekile, kori neni a ibarasit kec. Ŋun nai iyenunia iyoŋ atyeketait ŋina ewuak Ekapolon kidiŋ Ŋijipitian ka Ŋisirael.”

Awos. 15:13

Anamina kon a ŋina nyiryaŋiryaŋa, itenari iyoŋ ŋituŋa kon ŋulu idau iyoŋ alakun. Anagogoŋu kon ke elope, itenari iyoŋ ikes nakibois kon ŋina asegan.

Awos. 15:5

Adoiyosi ikes kwap ŋakipi nyetakanete; adoiyosi ikes kwap ŋakipi ikwa amoru.

Awos. 15:6

Okoe Ekapolon, akan kon teten iŋes etoodiu apedor ŋina apolon nooi. akan kon teten iŋes abu kiela ŋimoe.

Awos. 18:8

Kitatamik nai Moses lokamuran keŋ ŋakiro daadaŋ ŋuna etiya Ekapolon neni a Parao ka neni a Ŋijipitian aŋuna a Ŋisirael. Kitatamik tari ŋatyokisyo ŋuna kepotu Ŋisirael toryamut alorot ka epite ŋolo abunio Ekapolon toiunia ikes anatyokisyo a ŋun.

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Awos. 23:20

“Kiirasi, alosi ayoŋ akiyakiyar emalaika kiŋaren kus, ikiyok iyes alorot, ikiya nakibois ŋina adau ayoŋ akitemokin.

Awos. 23:22

“Nai ani kimitakis iyes akiirar ŋuna irworo iŋes, ido kitiyata daadaŋ ŋuna abala ayoŋ kitiyata, abuni nai ayoŋ aruwor emoit a ŋimoe kus, ido etepegi ayoŋ ŋulu ikitepegete iyes.

Awos. 23:27

Eturuwori ayoŋ ŋituŋa ŋulu ikitepegete iyes ŋulu ekuryaka aŋuna kaŋ, esibileri ayoŋ ŋituŋa ŋulu ikitijiete iyes, ido esipumari ayoŋ ŋimoe kus toema aneni kus.

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Isa. 51:10

Meere mono iyoŋ ibu kitoon anam ka kitoon ŋakipi ŋuna aya nenicukul nooi. Meere iyoŋ ibu kituruwo nenicukul a anam erot, ikotere ŋituŋa ŋulu ilakunit iyoŋ epedorete akiwuapakin a?

Isa. 63:12

ŋolo abu inak apolou keŋ ŋina ka apedor toyakaun nakan a Moses ŋina aloteten, ŋolo abu totyak ŋakipi alokiŋaren Ŋisirael, ikotere itopoloorere ekiro keŋ ŋikaru ka ŋikaru.

Yer. 31:11

Aiu Ekapolon ŋituŋa a Yakob, alaku ikes aneni a ŋulu egogoŋ akilo ikes.

Esek. 16:8

“‘Abu nabo ayoŋ etoru diyete kon ekaku, ekeŋolik iyoŋ kiruwor ŋina kitemokin akitiŋ ŋikilyok. Abu ayoŋ eketanapik iyoŋ elou kaŋ tojoŋo akiler. Abu ayoŋ eik aminakin iyoŋ ka abu ayoŋ ocamunos ka iyoŋ toruwor iyoŋ ŋina kaŋ.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋikis. 11:25

Mam ituŋanan epedori akitijikin iyes, iwuakini Ekapolon akuryanu ka ekabule lotuŋa a akwap a daadaŋ a ŋina idolete iyes, lopite ŋolo ikiikinia iŋes iyes.

Ŋikis. 2:25

Nakoloŋit na, esyakini ayoŋ akiwuakin akuryanu ka ekabule aŋuna kus neni a ŋituŋa a akwap a daadaŋ, ani iirarete ikes ŋakiro kus, emaranikinete ka emini ikes akuryanu aŋuna kus.”

Ŋikis. 2:4

tolimok ŋituŋa ŋakiro nu, ‘Aapuu iyes akitor nakwap a ŋiyeneta kus, nakwap a ŋiletok a Esau a ŋulu iboiyete alo Seir. Ekuryaketa ikes aŋuna kus, nai tocoito.

Ŋikis. 32:6

Okoe ŋituŋa ŋulu emam aosou, epite mono ŋol itiyaata iyes neni a Ekapolon a? Meere mono iŋes papa kus ŋolo ikisubuni iyes, ŋolo ikituruwori iyes ŋituŋa ka apei akwap a?

Ŋikis. 32:9

Erae ŋituŋa a Isirael ŋulu keŋ, eturuwo iŋes ŋiletok a Yakob ŋulu keŋ.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Yos. 2:9

bu Raab neni aya ikes tema, “Ayeni ayoŋ atemar adau Ekapolon Akuj ainakin iyes akwap na. Elelebun akuryanu neni kosi ka ebulit ituŋanan daadaŋ ŋini ka akwap a na aŋuna kus,

Yos. 4:24

Erae ŋun ikotere akiteyenunia ŋituŋa daadaŋ anakwap atemar egogoŋ Ekapolon Akuj ka erae ikotere iyes itopoloorete Ekapolon Akuj kus ŋikaru ka ŋikaru.”

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.

1 Sam. 2:9

Iuryari Ekapolon akiyar a ŋituŋa keŋ a ŋulu anupak, nai itoŋopiyari iŋes ŋikasecak, itolomari nakiryonut; anerae nyiloununui ituŋanan ŋinibore aŋuna ka agogoŋu keŋ a ilope.

1 Sam. 25:37

Ani nai taparacu ketwaar emeret aneni a Nabal, tolimok aberu keŋ iŋes ŋakiro daadaŋ. Kiyalaar akuwan a Nabal kiketar kikok amoru.